Nabulong ang akon kahidlaw sa lugar nga natawhan. Nakaabot ako sa Karit-an kapamisita sa pinalangga ko nga Tiya kag mga pakaduwahan. Nakita ko ang Antique hinay hinay nga naga-uswag kag naga-improbar man. Ang indi ko lang nagustuhan amo ang Trapico sa aton lugar wara ti kahusayan. Anhaw? Ang mga Tricycles over pollulated nagasamo sa daragkol nga mga sarakyan.

Nadumduman ko ang binlod kag dikdikon nga nagsamo, amo kabay ria i hay nakaagi takon kang duro nga bayo kauna nga tyempo. Ay maan nagasurumbali lang pati man ang mga motorsiklo. Ang aso kang sarakyan nagabukon, ti, ang health naapiktohan. Naggapanilag lang ako sa San Jose, busy ang mga tawo sa pangabuhi-an, oriented ang tanan sa andang safety nga indi maluko okon malaku. Kag wara ti panahon nga mag-amuma kang anang isigkatawo ilabi na kon istranghero nga indi kilala.

Iprobar ko, may bilog ako nga sangkalibo ginapakambyo sa Western Union, Jewelry store, kag kutob sa tyiendahan nga bahul anang kaha pero wara gid. May sungkod ako kon magpanaw, nagapanongkod kag ginhawa ko ron nga makalibot sa sangka puna kang tyindahan sa San Jose wara gid ti nalooy kag wara gid baya ti nagkambyo kang akon cuarta. Andot sa ano? Wara mong ako ti ginbakal.

Sa aton pa you have to spend money antis makaangkon kang kambyo. Nagatoo ako nga amo ron karia ron ang na andan rodyan sa aton banwa. Karon nakita ko ang sitwasyon kang mga pubre nga nakakinahanlang kang kambyo ginalisdan gid. Nalooy takon maghunahuna. Gina-oblegar gid gali nga magbakal sanda antis kambyohan ang cuarta.

Kon may taraw-an tana karia bay nga husto lang gid sa turogru-an. Ahay, indi gid gali mabuligan ang pubre. Makadiscourage. Nakakoon ako nga sa diin ron ang pag-amuma kang pumuluyo sa kauggalingon na nga katawhan? Rodto sa Cebu ginpakambyohan ko ang cuarta bisan wara ti ginabakal, nakakoon ako nga mas maalwan gali ang Cebu amo ria nga madasig ang andang progreso. Hay may indulensya gid halin sa Dios nga ginatugro sa mainalwanon kag mabinuligon.

Sa permiro ko nga abot sa Antique nabisita namon ang special person rodto sa San Remegio. Malipayon si Dodoy Loquinario mag-amuma kanamon ni Fridy kag anang grupo. Kon kamo may problema sa Sapatos lantawa lang ninyo ang sitwasyon ni Dodoy Loquinario, makacomfort tungod hay wara tana ti kahig nga ibugangan kang sapatos pero malipayon.

Ang Dios nagtugro kana kang kontinto sa kabuhi. Sa ikarwa ko nga pagbisita sa Antique nag-attend gid ako sa Sugidanun '07 sponsored kang Dungug Kinaray-a pero wara ako makapatapos hay nag-uran ilabi pa hay may cold ako. Naka-attend man ako kang K.com Anniversary.

Gina-appreciate ko gid ang tanan nga nagpangabudlay sa Anniversary kang K.com. Na enjoy ko ang kada bahin kang programa. Nalipay ako nga nakita sa personal ang mga K.com members halin sa marayo nga lugar, Manila kag mga tumandok rodyan sa San Jose. Nalipay ako nga ang Kinaray-a nga cultura ginatugro-an kang bili. Ang linguahe natun nga Kinaray-a nagahugpong sa tanan nga mga Antiguino sa bilog nga kalibutan.

Kruhayyyy Antique kag Kinaray-a.com

	1. 14-05-2008 22:15
	waaaaaa! nang consoling, naka lamhu man ako ba magbasa kg imong repleksyun pag-uli mo sa antike. indi ayhan, tam-an kabahul ang imo kwarta nang? amo indi sanda kasarang mag sensilyo? pero kun magbakal kaw man, sarangan da man?hahaha! ay tunto! daw mansig himakas run lang! sa kapigaduhon sa pangabuhi tulad, wara't labut run ang iba kun ga paranulum run panurok mo sa pagpangita kg sensilyo.tsk.tsk. Registered Report

zeanra7

	2. 16-12-2008 02:26
	Hmmm..... Zeara, husto ria tungod sa kapigaduhon nahimo run nga uso ri-ang keep your own coins tungod hay bisan ang Banco masako indi man sanda madali dali tungod hay malawid permi ang line up... nahangpan ko man ria. Kabay nga ang pagkama-inalwanun kang katawhan sa atun kultura magapabilin hasta sa umalabot nga henirasyon. God bless Antique. Registered Report

Consoling

	3. 17-12-2008 10:35
	Hmmm..... Tita,naagyan ko man ria magpabarya sa tindahan di kuno sanda pasugot kun di kaw magbakal ti ako kato nagbakal candy para lang bayluhan kwarta ko.Sa sunod kun malagaw takun sa antique preparar ko ron akun barya permi hay man-an ko ka budlay mangayo pabor ilabi nagid pangayaw imu hitsura.Pro kun sa western union kaw nag agto imposible nga wara sanda sinsilyo hikaw tana ron ria.Dumduman ko urihi ko nga bakasyon last december yawan ko kapila sa metro bank agto ako sa counter nagreklamo kay may nagsal-ut hambal ko ako unahun kay emergency kinahanglan gid ang kwarta.Baw kapira ko balik balik sa counter wara man gihapon daw lawid pa istorya ka sa counter sa imaw na kag ang bisita tsismis gin una mura nga buhay ang obra da.Aga ako nag abot tag irigma ron ko ikaguwa sa bangko.Kahaba haba na nga ng pila nagtsismis pa!Daad mangin responsable man sanda sa anda nga obra no? Registered Report

Analyn

	4. 17-12-2008 13:10
	Hmmm..... Iwananun mo hay wara ako magpakilala nga sa ibang lugar takun naghalin. At itsura ko abi lampagak ti ang wara it nagasapak abi nanda karia nga mala-in ako nga tawo. Maan mo uso kabay sa San Jose run ang nagapanglako bala haw. Sometimes sa itsura okon sa luho nga pamayo nagalantaw ang tawo. May nag-uli man rudyan kag naglagaw sa San Jose naga-Duster imaw sa anang bana nga puti Canadian kag darwa ka bata. Nakabati tana kang comment sa Jeep nga andang ginasakyan "Ay mestisa ang mga bata, siguro yaya ra imaw na bay" Hehehehehe nasal-an nga yaya tungod hay lampagak mong lantawon andang nanay. Iwanon mo hay nahidlaw kono tana magbayo kang layang. Ti, amo ria nga istorya...... Registered Report

Consoling

	5. 17-12-2008 16:16
	Hmmm..... Nakaagi man ko pabaylo kang mga sinsilyohon nga mga limahun halin sa akun alkansiya agud baylohan kang papelun ay bug-at man. Nayawan man ako kapangita sa palibot kang san jose. Nangin ugali run gid man kang mga tawo sa san jose nga salbarun ang anda lang bentaha. Sinsilyohan da lang ria kon makita da nga kinahanglan da. Subu paminsarun. Amat-amat nagauswag ang san jose pero ang ugali kang mga tawo daw amat-amat nga nagalala. Kabay pa nagsala lang ako sa akun pagpanilag. Registered Report

Rundz

	6. 18-12-2008 06:22
	Negosyante bay! Indi lang kamo sagad ka sungon kay ma-an nyo man nga budlay managap sensilyo kadya. Te kun pasensiyuhan da kamo, pano na lang kun may magbakal kag wara run sanda sensilyo hay nabuol mo run. Kag isa pa duro run gid man manloloko kadya kag duro peke nga kwarta. Bisan lima ukon pulo pesos nga sensilyo may peke kapin pa mga bahol nga papelun. Amo ria nga gahalong man mga negosyante dyan sa San Jose.    Bisan sa mga ATM machine sa San Jose o sa Manila daw budlay ruman mag buol kang sien, kundi halos lima ka gatos kag isa kalibo ang gaguwa. Tapos karia balik ruman sa cycle kag budlay magpasensilyo.    Siguro senyales dya nga gabahol run kwarta ka taho ukon ganaba balyo kang kwarta ang small bills gadurura. Registered Report

Enrico

	7. 18-12-2008 07:15
	Salamata gid Mayad gid Enrico nga napa-athag mo. Bahol dya nga bulig sa mga kasimanwa ta nga maga-uli rudyan sa kadya nga Paskwa. Ti, hitsas kamo kang sinsilyo para nga wara ti problema kon kamo nagpanindahan sa San Jose okon sa banwa sa adlaw nga tyenda.     Ang pagpasinsilyo kang cuarta nga bilog kinahanglan may baklun kaw gid. Sa banta ko amo dya ang pinaka STANDARD rudyan sa atun. Ang mga Negosyate may anda gid karia nga sistima sa pagkambyohanay, nagaugyon kang nagabinuligay sanda.     Ang courtesy nakita lamang sa kada tinuga nga nagakalooy sa anang kapareho. Sa kabilog ang Courtesy kang publiko naga-amat amat kang pugdaw tungod hay duro ang nabiktima sa kala-utan. Amo ria nga malisud magbuhi kang PAGSARIG sa sangka istranghiro. Hay ako mismo nabiktima sa mangungu-ot, nalako sa matam-is nga pulong daw tuod gid hay gali kato mangloloko. Ti, mansig lang i amlig kag maghalong... indi natun maman-an ang dalagan kang kalibutan hay duro run ang mga dalimad-an nga naga-abot. Sa Dios lang gid kita magsarig.... Registered Report

Consoling

	8. 18-12-2008 15:31
	Husto Gid! Husto gid ikaw Nay Consoling! Registered Report

Enrico

	9. 21-12-2008 23:19
	Husto Gid! Nang consoling nami ba topic mo.Mauli man ako amo ria nga dara ko puro tag dyes kag 25cents lng wara bay ti bilog.Man-an mo ang Antique numero uno sa Politics sa paghisa sa isigkatawo ti ano bay himoon sang mga pamuluyo ti sundon man nanda eh.Amo ra kung mag-uli ako sa balay lng wara ga lagaw nagapamintora,panilhig kag rigos sa baybay lamang ron.Merry Xmas and Prosperous New Year basi sunod tuig may pag-ugwad or mas pigado pa gid.One way or another.:Kruhay Antikenyo"keep up the good job hehehe.Basta jan ko sa anneversary ah Registered Report

tetel

	10. 27-03-2009 03:42
	Mayad gid Tetel mayad gid nga nakapreparar timo kang mga sinsilyo katong pag-uli mo. Ti, makatugro gid man ria kang idiya sa mga naga-uli sa Antique nga magpreparar para nga indi mangin his-ul sa pagsinarayo. Makaogwad gid man ang Antique basta magbinuligay kag maghangpanay. Kruhay Antique... Registered Report

Consoling

	11. 30-03-2009 10:09
	Mayad gid i just got back from a 2 weeks vacation in antique. i had a great time. of course it is not perfect but the reason i always have positive experiences on my vacations is that i accept \"what is\" as part of the trip. it is a new experience, it is part of life.  the people i met have given me the most rewarding and unforgetable experience. we were in nogas island and we met 6 or 7 young men just having a good time. they were fishing and they were cooking fish for lunch. i had an enjoyable, chat with them. out of the blue, they gave us a couple of big fish, freshly caught, which we charcoal broiled.it was the most delicious fish i had eaten. they gave it to us out of kindness and good will without any expectation. i was very touch and surprised of what they did---such people with good hearts. i did not expect it.i was really flabbergasted.  i felt bad but i gave them money anyway just to say thank you.  what a wonderful experience and it happened in Antique. i will treasure it.  for those young men who were in nogas island around the 1st or 2nd weekend of march, if you happen to read this--i can not thank you enough for what you did. we need more people like you all. Registered Report

sulo

	12. 30-03-2009 11:07
	Ahay ..so sorry to hear that tita consoling noh, pero ang mga tawo sa antike ay biktima kang mga negosyante nga naga-pa-five-six bala nga dia!!! Duro mga tawo nga d'yosnon kag pag-hambalon mo gani abi mo mayad gid sanda. Puro lang naman da-da ng da-da, wala naman sa gawa! Ay, nakaka-stumble naman ang mga yon!!! Bato-bato sa langit ang tamaan, ay sana wag magalit. Registered Report

kanami

	13. 30-03-2009 13:29
	Ahay indi lang man sa antique nagakatabo rian tita, rudya sa calgary, sa Macdonalds sa downtown 8th street, indi ikaw kagamit ka washroom kung indi mn ikaw makabakal sa mcdonalds, ti paano by kung wra ikaw ti cash? or kulang imo kwarta?? tsk tsk.. sa kapuratun ka pangabuhi, himuon ang tanan pra lang maka survive.. Registered Report

jotripam

	14. 31-03-2009 01:55
	Salamat gid Sulo, duro gid nga salamat sa imong experyencia sa bakasyon nga naka-enjoy gid ikaw. Husto ria nga may highlights gid man ang pagbakasyon sa Antique, may mga laughters kag mismo sa lugar tanan naga-amoma kanakon kag wara ko lang maminsyonar. Akun tinutuyo nga tugru-an ang pagtamud ang KINA-IYA kang atun pumuloyo sa San Jose nga raad magmabinatyagun sanda sa andang isigkatawo. Nami gid man kon may handumon kaw nga rudto sa amun mabinuligun ang mga tawo bisan lisud ang kahimtangan indi timo pagpabay-an. Ang kutob kang nakabakasyon maka-promote kita kang atun KULTURA sa Antique nga mabinatyagun. Amo ria ang tudlo kang atun mga ginikanan kauna nga tyempo.null Registered Report

Consoling

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved