|
Posted by musikero
|
Music and Lyrics by Mark Anthony N. Quintela
Interpreted by Mark Anthony N. Quintela
Album: Karay-a Takun: The Album
I.
Antiqueño ako nga may bugal
Mangin sa akon pamisti kag sa akon nga paghambal
Bisan diin man ako nga bahin kang kalibutan
Antiqueño ako ihugyaw sa kadam-an
II.
Matarong ang akon nga panindugan
Nga ako Antiqueño wara na kang liwan
Bisan ano nga pagtamay hambalun kang iban
Antiqueño ako ihugyaw sa kalibutan
Chorus I:
Antiqueño ako, Antiqueño ako
Tawo nga may dungug, maka-Dios kag may prinsipyo
Antique, ang probinsiya ko.
III.
Tiyempo nagtugot ako maparayu
Higayon nga manami kon kis-a masubu
Gin-antus ang kahidlaw sa pamilya marayu
Sugo kang panahon wara kang mahimo.
IV.
Mahudlay nga trabaho akun naagyan
Makakita kang grasya, kapoy di mabatyagan
Mata nagaluha gina-antus ang tanan
Bulig sa banwa, sa pamilya kasulhayan
Chorus II:
Antiqueño ako, Antiqueño ako
May matahum nga handum sa akon isigkatawo
Kauswagan kang banwa itib-ong ko.
Repeat chorus I & II
(Coda)
Kauswagan kang banwa itib-ong ko
Antiqueño ko.
|
