Ang Live Video Streaming

Bilog nga adlaw ako kag ibang myembro

Kang Kinaray-a.com nagahulat gid kami

Sa chatbox istoryahanay pamangkot kon san-o

Maumpisa ang anibersaryo nga makita ang video.

Buhay nga hulat pero masadya kami gihapon

Padayon sa pag istoryahanay kag may kadlawanay

Habang gapadayon hulat kang celebrasyon

Ahay ni wara gid ti nagsulod local nga myembro

Para makasugid kon paano gid man.

Hapon run wara pa man gihapon

Gapamangkotanon kami, ano bala ang natabo?

Ay salamat nag ym si artebadong kag rayr!

Ginpakita ang webcam nakita namun ang live video streaming

Nasadyahan kami nakita kag nabatian si anne kag badong!

Nga nagapangamusta kag padayon man kami

Sa pagpatikipatik sabat kananda

Sa madali nga minuto nadura man gid sanda!

May nagsugid nga nagauran run rugto

Malain galeh ang tiempo!

Si curllets nag suggest maumpisa na ako

Kag kami magpangamuyo

Si dessertfox umpisa ang orasyon

Si curllets magsindi kandila

Kami nagpangamuyo nga ang uran pauntatun

Ang amon pangamuyo ginsabat man gid

Salamat sa Mahal nga Makaako!

Ang live video streaming nagumpisa liwan

Sa pira ka minuto nadura liwan

Amo man ang amun nga hulat

Hasta ako naduraan ka gana sa paghulat

Ayteh nagowa na lang ako kag magbatangbatang!

Aysus nabatian ko ang buzz ni khaye kag fritz

Ang messages nasulat” Nanay live video is on!!

Nagsulod ako hindi mayad ang akun buot

Ginbuksan ko ang live video

Nakita ko gid ang buy-on ni datu sumakwel

Nakacentro gid ang akun mata sa buy-on!

Nakakadlaw man gid ako

Kag ako nag umpisa sa pagpatikpatik

Sa chatbox sugid ko kananda nakita ko run

Ang live video kag ang buy-on!

Salamat gid sa buy-on ni datu

Kay ang malain nga buot ko naislan

Sa kasubo ako nagmalipayon!

	1. 06-01-2008 10:05
	wow nanay nami gid kang poem mo ba ... hehehehe... mayad gali nanay nabayluhan ang kasubo mo kang kalipay kng makita mo buy on ni datu .... waaaaaaaaaaaa.... nanay d best kaw gid ... hehehehehe...    i love ur poem..... GOD BLESS U ALWAYS>>>>    i love u    @curllets    Registered Report

curllets

	2. 06-01-2008 10:08
	nice nanay! nanay...nice one...   man-an ko nay nga biskan tuyo ikaw that time...  nag hulat gid ikaw biskan ga sakit imo mata...   pero worth to wait man nanay kay  nakita mo gid man sa live video streaming...  i know naulian man gid kapoy mo   love you nanay mwaaah Registered Report

khaye

	3. 06-01-2008 12:32
	nami nay poem mo bah Thank you gid kay rayr sa pag setup na kang live streaming... KAg salamat man sa tanan nga nag bulig supporta na matigayon ang live streaming ... Kruhaaay! Kinaray-a.com! Registered Report

fridy

	4. 06-01-2008 12:44
	hehehe ayos gd nanay.....nagdukot gd mata mosa buy-on ni stephen ha!!!    salamat nong rayr....salamat mn sa tanan na nagpamulaw sa adlaw nga to...daw rudto man ako mismo bah...its worth it and memorable... Registered Report

psyche

	5. 07-01-2008 23:33
	hahaha astig nga poem nadumduman ko ang natabo kato nga gabi e. God bless k.com Registered Report

atpaala

	6. 08-01-2008 12:33
	hahaha .. nanay hehehee..kaja ko lang ba na realize nga mapuslanungd gle ang buy-on ko hahahah..bay-e lng nay mag uli kamo ja ni curllets pa kudton ko gd kamo sa buy-on ko wahaha..thank u gd nanay sa literary piece mo..nami gd ba daw journal kang natabo kang anniv..i love u nanay..salamat man sa pagpalangga kag padayon nga inspirasyon kanamun tanan...Godbless K.com..mwaahhhhhhhh! Registered Report

datu_sumakwel

	7. 25-03-2008 14:54
	8-24-2008 8:38 PM Wow, palakpakan naton si Nenen . . proud gid ako sa imo Sis, ang imo kinaray-a ichiban (#1) kon sa Japanese. Nadumduman ko bugtaw man ako sadto sang 1st anniversary sang Kinaray-a natak-an ako maghulat, natuyo gid ako, pero happy ako sunod nga adlaw nakita ko ang mga resulta sang events. Conrats sa inyo tanan. I love you Sis, GOD BLESS U Always! Manang Baby Registered Report

BABY8

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved