|
"ANG BUANG"
Sa diin guid bala sanda makita?!
Kang aton mga mata
Ang buang nga naga-uba
Sa kilid kang dalan ukon sa diin pa...
Ruja sa San Jose, ruja mismo sa banwa
Darwa ka buang magbugto pa
May ruja man sa San Pedro
Nagapanglambat kang mga taho
May rujan man nga nagasige lakat
May nagasinggit ukon nagalumpat-lumpat
May rujan man nga nagaligid-ligid
Dayon may taho nga mahambal "binuangit guid".
Buang guid bala sanda?!
Buang kay mahigko
Buang kay wara pulos ang guinahimo
Buang kay nagapanimaho
Apang may mga taho nga daw sin-o guid kuno
Mapabugal pa nga MATINLO kag EDUKADO
Apang ang BATASAN hindi guid mapuslan
Kabubut-on nila nami SAPSAPAN!!!
Sino ang mga BUANG nga ja?!
Ako? Ikaw? Siya?
Ambi pamatii ang KONSENSIYA mo
Ang matuod nga BUANG ikaw lang ang NAKAHIBALO...
 Add as favourites (10) |  Quote this article on your site | Views: 296
Only registered users can write comments.
Please login or register. Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved |
