-Mabuot nga pamatan-on si Ronald, gina idulo ka ana mga kasimanwa kag kaklase kang tana ga eskwela pa sa Antique National School. Nagakaidad run tana kadya sa 24 kag naga eskwela sa unibersidad ka Santo Tomas. Sang ka adlaw nga paglagaw-lagaw kang wara tana nagsulod sa eskwela agud lang man maglampiga imaw sa ana mga barkada.

 Oy  Brian! Lintek nga tampuhaw to ay oh, amo to nubyo ni Criste! Salig na guid kon sin-o, sin-o tana kon makasok-sok ka uniforme. Hmmm… daw sa subra pa sa apot! Sagi timo kara nga janitor man lang sa Gaisano Mall.    “Pabay-e, lang bala tol’ nald, astig Kaman imo ya! Kalma lang bala anay, indi na ra sarang maagaw ang Pinalangga mo ya”.   Huod gani, indi na maagaw pero tuay- o, turuka! Nagkapyot na si Criste sa ana likod. «libat ka man gali ya tol !, o kon lahi mulang na nga manok-manukon, indi to ya si Criste, si Anita to ya »  -  Ginamulalngan guid ni Ronald si Anita, sara sa maambong sa andang eskwelahan. Indi halata bisan naka apat run ka botelya ka red hourse si Ronald, daw sa parihas lang sa iban nga mga pamatan-on, sarang maka tughong ka denosina, kag sagad gihapon mag dara. Ugaring kon ikaw maimaw niya man-an guid hay naga kuyap-kuyap ang ana mata.     “tol, lakat ta sa Robinson, ang hambal ni Arthur, kag mag hoping-hoping sa gameron center ah!’ damo to checks ga hampang subong kay beyernes.   Ud gali! Mayad guid,  mayad pa, hay natak-an naman ta sa SM. Pero tapuson talang anay diya ang nabilin kag tawgan ta man si Criste, para maka tawas man tana. Hinay-hinay kuot ka cellphone si Ronald. Kag naga tangra lang ang ana mga imaw.   Wow! Astig ka tol, iban naman unit ka cellphone mo! Diin run to ang kahapon man. Kahapon Nokia 6110 kadya….hmmnnn Sony .. erecson naman nga di kamera.    wala pre gin-bilin ko lang sa boarding house. Nagsinyas si Ronald sa ketera kag nagkuot sa ana nga bulsa agud ….     “Tol ikaw lang ya anay bayad ha! dungan nga hambal ni Brian kag Arthur., Ikaw man bay rako perme alawans. Wala problema tol, sagot pati pamasahe ta kadya kag igma sa China Kitchen…  “ha, hhahahhahhahha.. kadlaw ni Ronald, kag nag alsa ang ang alima kag dayon nag “upper!’. Subra guid ang kalipay ni Ronald sa ana nga mga barkada.  Nagligad ang 20 minuto kag nagpanaw sanda nga tatlo paguwa sa bar.  Tol gutok run ra nga jeep! Diayn kaw guid masakay haw... indi ta kara ma sakay, ma titanos ta sa tok-tok kang jeep. Antique nabay guro ra… »ha-hahahahaa-ha »« pwede gani ma prenda sa museum…. Kag nagkaradlawon ang tatlo…… Init run ang adlaw kag daw mapaso run ang lubot ka bag-ong gupit ni Ronald. Naga takop sa ana uyahon ang ana mga tudlo agud indi mainitan.  

Tol ! ma taxi tanalang bala. Hambal ni Ronald. Kag gin alsa na alima, kag nag para ka taxi.Dali-dali bukas kag sulod sa taxi.“O-pari ko meron akong supresa!..” kanta nga dara panihol-niholni Ronald sa sulod ka taxi, samtang and darwa na ka imaw sa likod nag esturyahanay. Nagpanilag-nilag lang ang taxi driver, kag natalupangdan na diya nga mga pamatan-on mga manggaranun. Sa itsura palang nga suksok ang polo shirts nga puti kag naga rubber shoes nga nike.  Ang anda mga dapog kon indi mag sala ang driver metlang ka sakto nga pronansasyon ka Volgari amo guid ang ana nga perpyom. Kutob ka driver nga indi basta-basta ang diyang mga pamatan-on sa larangan kang edukasyon. Malamang nga abanse ang andang mga pinsar kag may nagaka igo nga abilidad sa bag-ong teknolohiya patas kang selpon kag internet. Nakasipit sa “polosport” na napsak bag ang ana puti nga  kalo. « nong  diyan lang sa kilid ka kami manaog » hambal ni Ronald.« Pre Robinson ! na iwan kamo natulugan….?

Wara ah! …heheheh kadlaw ka darwa.Kamaan kaw run gani mag kinaray-a no! wara... lang galling ang sarang mo mamitlang. Hambal ni Ronald.Ti diin nato ya s Cristina mo ? hehehe…laban-laban rudto run to ni Ugok nagtawas..ang mangkot ni Arthur.Dirediretso lang panaw ni Ronald kag pasulod sa maingate kang Robinson. Naga tangra-tangra kag indi run mahimayang ang ana mata ka turok sa mga nag-aragi nga mga checks.Naubos ang apat  ka oras ka libot ka tatlo ang mall, abay run ang pag-igma nanda sa Kamayan Restauran, pag –mahaw sa pizza hut, bakal ka bag-o nga t-shirt kag turok ka sene. Ang diya  nga adlaw ordinaryo lang diya ni Ronald. Ang kwarta para kana indi problema kag dali lang sagapon. Subra guid ang swerte ni Ronald bangud may diyan tana nga mga kinikanan nga naga atipan ka ana puturo. Kada balik ni Ronald halin sa ana probinsya nga Antique, indi run tana mabudlayan bangud pastanti ang ana kwarta. Wara gapalibog sa baraydan ka twesyon kag aramutan. Kon indi tana ka uli gina padalahan lang tana sa ATM.Nagligad ang sara ka bulan nga pagyaga-yaga sa pag-skwela kag namadmadan ni Ronald nga tana indi run ka sarang magpadayon sa eskwela, ini indi bangud hay pegado ang ana utok, ukon rako tana absente sa klase. …….     

Nay ! Tay bisa ko!   Ti Noy Ronald kamusta ang pag-eskwela mo sa Syudad? Hambal ka ana nanay.Ibutang anay to ang imo bag kag mag pungko sa lamisa agud maka panihapon kaw ron. Nakapoy bay guro ikaw sa beyahe? Ang perme mabatian nga pasugalaw nga harambalon ni tatay na.Naga hipos lang si Ronald, nagaduko kag guin butang na ang gamit kag nag-panaug hinay-hinay sa hagdanan agud ma buol ka isang tabo nga tubig sa banga kag ipanghugas ka ana kamot. Tay diin run ang pitrumaks? Andot gamantinir nalang kamo kadya ka langis kag asin nga suga? Paano nalang bay karun kon ma ubra ako assaynment ko. Bay-I lang toy Ronald, ulo-ulo ka ana nanay, hay basis sarum-an mabawe run ni tatay mo ang lima gatos nga prenda. Guin dugang ko to abi padara kahapon agud may pamasahe kaw pauli rudya. Pag txt mo kasarang semana, insigeda nagdalagan diya si mayet kag nagpamaan nga wara kaw run ti pangpamsahe. Mayad lang ra nga silingan natun hay dasig man magbalita.     

Nasubuan man ko gani toy Ronald hay, wara man ako ka hiram ka akon mga bugto ka kwarta, agud may barayad kaw run sa midterm mo, ang hambal kaana tatay.  Ang lupa ta diya nga gina buksukan ka atun papag , kon sarang kulang diya ma baligya agud matapos lang imo pag-eskwela, pero anuhon bay hay sa banglid na kano diya nga porsyon, wara ti interesado mag bakal……

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved