| CHAT ROOM 010 |
|
|
| Posted by Reynaldo Jumamil De la Pena | ||||||||||||||||||||||||||||||||||||||||||||||||||||
|
src="http://pagead2.googlesyndication.com/pagead/show_ads.js"> Sa mga mahilig mag chat kag may handum nga mag pamana ka foreign, hmmm kabay nga maka tuon-tuon kamo sa maniki ko nga sugidanun..... Maaga perme si nestor mag bugtaw. Ang ana mata perme ko makita nga naga pamula-mula pagani kag bitbit niya ang ana brown nga napsak. Haros nalipat run guid lang mag hilamos kag sa banta ko wara pa diya naka pamahaw. Diya tana handa run mag sulod sa ana ginakawilihan nga internet cafe sa gofridy. Masami si nestor naga isarahanun sa partisyon kang diyang internet cafe. Luyag na nga tugruan it privacy ang ana kabuhi bisan sa maniki nga panghulag sa adlaw-adlaw. "Manong open hours lang kag kinahanglang ko web cam", ang hambal na kag dayun magtalikod kag hinay-hinay pa sulod sa VIP room. Ang ana likod naga korte run ang mga maskulo kag sa ana katas-un haros lab-uton na run ang 6 ft nga kisami. Patimaan lang diya tana bilang ma guwapo man nga soltero may gina pangalyagan sa internet. Kutob guid sa akun pinsar nga naga yahoo chat diya sa anang pinalangga nga maambong kag matahum nga daraga. Adlaw -adlaw harus maabutan ko si Nestor naga huruk-ukan ka kadlaw atubang sa ana gina chat kag kis-a naga hipos kag naga tanggra sa blanko nga screen kang computer. Dalming man kon mag tripping diya si nestor sa atubang kang computer, rako it personalidad nga naman-an, basta ma suksok na ang headset daw sa adik kon turukon kag daw nakasuyop ka mariwana. Dasig man gali mag "type" diya si nestor, naga lagatik lang ang keyboard . May pinasahi nga abilidad sa typing, ang pinsar ko kag bisan indi run tana mag turok sa keyboard and ana nalang nga mga tudlo naga kitiw-kitiw ang makita ko. Na memorized na run gali ang keyboard bisan panas run diya, halos gani gasakit ang ulo ko, kag bawiun ko bayad sa rental kang computer kon ako ang naga punko sa diyang computer na. Daw sa kanami lang kon ma imaw ko diya si nestor sa sulod kang internet cafe. Pero gina pinsar ko nga rako pa ako urubrahon kag may akun man nga kabuhi nga paga turukon kon sa diin man ako luyag mag panakayon. Ang akun kabuhi ginakumpara ko sa dahon nga gina tagas kang hangin kon sa diin matupa diya man nagasandig ang ginapaabot nga paglaum. Gani himuratan ko man nga mag chat kag basi rudya nga adlaw makilala ko mangin partner sa kabuhi. "Basta for forever, bahala na kon negro basta guwapo ", ang hutik kang pinsar ko, "Abo' rako tawo sa diyang room, check ko abi diya daw may web cam pa"....."dwfff69...male 29 Australia". Pero si Nestor naga hipos-hipos sa unit 27, anu naman ayhan ang natabo? Seguro wara tana kadya gina sipot sa ana nga chatmate. Daw sa kadulom guid ang diya nga tyempo ni Nestor, harus indi run mag hulag ang ana mga tudlo nga naga hilira lang sa mga litra kag nagaduko. Ang ana ulo sab-it ang headset naka sandig sa dingding kag ang mga tiil nakasimpit sa dalum ka ana buli sa purongkuan kag ang napsak nga bag napahuway sa ana tiyan. Sugidanun: Asl PLs? dwfff69: 29 male australia, u? Sugidanun: 24 female philippines dwfff69: really? nice age! Sugidanun: yup dwfff69: what do you show up with your cam? Sugidanun: huh!!! i never show my cam to any stranger person? dwfff69: can i see u! dwfff69: can i see your cam! dwfff69:  feel so horny to see you!Naga hulag run liwan ang mga tudlo ni Nestor. Napinsaran na guro nga dapat mapadayon tana gamit sa computer hay nagadalagan ang oras kag kanugon lang man kon indi na diya magamit. Naga huyum run tana, indi patas kaina nga daw wala ka kita ka sirak kang adlaw. Naga dugang ang kaguwapo ni Nestor kon naga yuhom, may "dimple' sa ana uyahun kanami lang turukon. Ang ana mga misok sa mata daw nagasaot sa kasadya kag daw ginahuyop kang hangin, makita guid ang anda kasadya labi run ko masilakan ka "spot light". dwfff69: are you there? dwfff69: BUZZ! "Ay kamanyakis man diya ni dwfff69, mayad guro si uncut_28", ang sulod ka pinsar ko, "harus tanan run guid wala pulos", kag pila run ko ka bulan naga chat wara guid ti manami-nami, kon may prospekto ako nga mayad indi man magpadayun chat kon indi nila ako makita. Masami makita ko ang mga naga hublas nga lawas kang diya nga mga chatters, wara run guid ti mayad nga mahimo. Sugidanun: Asl Pls? uncut_28: hi Sugidanun: hi too! uncut_28: m 43 USA Sugidanun: am 24 female philippines. uncut_28: too young! but i would love to see ur cam! Sugidanun: i dont have cam uncut_28: any pic Sugidanun: dont have any pic in this unit! uncut_28: ok bye Nagturok kanakon si Nestor, ang ana mata kanami guid daw may nadukot nga bituon sa kada kilid. Nadiparahan run guro nga ginaturok ko tana perme. Pila run ka bulan nga gina tago-tago ko nga nagustuhan ko run tana bisan maimaw ko lang diya tana sa internet cafe masadya run ako. Handum ko guid nga makilala na ako kag bisan sa maniki nga yuhom kon tana maimaw ko sa counter mag bayad.  Add as favourites (23) |  Quote this article on your site | Views: 594
Only registered users can write comments. Powered by AkoComment Tweaked Special Edition v.1.4.6 |
||||||||||||||||||||||||||||||||||||||||||||||||||||
