Halin kang ako, hay, tap-ingun pa
Rugto, rugya batian ko dun ra
bata, mal-am, soltero daraga
pirme gasturya parte sa gugma!
 

Ano ra man?ako natingala
Ang iba magsturya, gahibi pa
Kun andut haw?Mal-e ko man tana
Sa pinsar ko, ay, artihan gid a…
 
Nami gd ang gugma hambal nanda
kasurumpa gd!hambal ka iba
bisan ano kuno ka sakit ra
importante gid  sa kabuhi ta 

kay inosente pa ko kauna
Gapamati lang sa ginhambal da
Nagainangag?duro kuno ra…
Bangud sa ginatawag nga gugma!
 

Hambal ko dati “purya ulin a!”
Kaja mahambal ko, tuod gid ra
Kun ikaw gali ang maigu na?
Di mapunggan baratyagon ngara!

May diyan nga gainadik sa gugma
Ginapabulag… gakabud gid a!
May diyan man di kuntento sa sara
O gapang-agaw ana ka iba! 

Sa gugma, sari sari ang storya
Masubu  o daw telenobela
Duro ang nami gd sa umpisa
Pero “babay” kay di kaagwanta…
 
Tulad wara dun ko gatingala…
Kun may mga gawangal sa gugma
Pro di ko hadlok mgpalangga a
Masiuk man kag kumplikado ra---
Ay gugma!!! J

 Palangga kang tuod antiqueno/antiquena!-Kita pa! hehe.;-)

	1. 23-11-2007 22:52
	abo nga gugma ba.... ay ti amo gid eh..    ang akon madugang ka ran ay amo dya...  Insakto gid tana ang imo istorya...  kay ako man na-agyan ko man da...  Daw hindi man ko gani magpati sa una...  Pero kadya daw sa wara lang a...  Kay duro nagabusong nga warat it bana..  Tungod lang gid bala sa gugma?      Registered Report

are_nize77

	2. 24-11-2007 02:46
	abo nga gugma ba.... siguro amo run gid tana ra...  bisan kis-a makatilingala  kis-a hambal ta, \'ay abw a! gugma lang ra!\'  pero, kun igu kaw gani, wara gid te maobra!  hehe.    SALAMAt sa komentar a.  Godbless gid!  Registered Report

futiefutz1

	3. 21-12-2007 15:28
	grabe nga gugma..... ayteh amu gid man rah d gid mapunggan ga abot lang nga d moh ma man-an!!!  hay...gugma andut na uso pah!!!!hehehe Registered Report

caz

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved