Ang nagapanamun trabahanti sa uma
Pubri ang kahimtangan matandos mag-obra
Amo lang karia ang ginasarigan nanda
Nga magpananum nga magpananum
Hasta mahi-ob ang kawayangan sa uma.
Ay ti! Ang pananum nga obra subra gid kalisod
Hamak mo, halin sa Aga hasta gid mag-Hapon
Hala katuwad-tuwad nga nagatanum.
Nagasakit ang taludtod, ang hawak. daw katigpo-on
La-o ang ginasagnow kag nagabulad sa init subra gid kakapoy.
Antigo man ang mga manuranum magpanilag
Kon sin-o nami magpakaon kag may dara nga yapon
Duro nagaprentar nga mag-obra tungod sa pagkaon
Man-an mo nga malisod ang obra nga pananum
Hay ang pagkaon abay ria sa inadlaw kang manuranum.  
Ang suhol kang manuramun abaw subra gid ka barato
Ang sangka-taguri 50 centimos, kag sangka-adlaw pesos
Ang iba kon magtanum may dara “Caltex “ nga kabu
Kon tag-irigma gani, naghambal sa tag-iya, anay pa mauli ako
Darhon ko akon igma, gutom  mga bata ko, akon dya  ipasaru. 
Ay! Abaw ang Manuranum indi gid makapahuway
Duro ang nagatangra, hay kon nagatanum indi laka.
Sa katandoson, ang gina-obrahan nalipay kag nagahanga
Gani nga pulido, madasig, masinadyahon nga manog-obra
Kag masarigan, indi ron kinahanglan kabuhan pa.

	1. 15-08-2007 08:56
	kakapuy mananum... nay, perti ka dalum ba...karay-a mo, pero intsindihan ko man..kanami lang gid man pangabuhi kang manaranum, aga tuwad hasta mag hapun kang mananum para lang may makaun ang anang bata sa balay nga nagutom...    tsakto gid man gali hambal ni lolo ko kauna, sangka taguri 50 sentimos lang...    Guest Report

edemadethird

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved