| Sentimento kang bag-o nga henerasyon |
|
|
| Posted by paniki18 | ||||||||||||||||||||||||||||||||||||||||||||||||||||||||||||||||
|
src="http://pagead2.googlesyndication.com/pagead/show_ads.js">
Kis-ra to kang napatay ang amon sangka Lola, nagkatyempo nga magirinungko kag makaestorahany ang amon mga pamilya… Kang gamay pa ko, wara gd ko labut sa pulong-puilong ka mga mal-am… masipal tana tuyo ko imaw ka mga ati kag mga bata sa iba nga balay… te uma nga daan ang lugar kang amon mga kamal-aman… baw kauna, gabira guid ako kamaoy ukon sinuplada kada hambalan ako ni mama nga maagto sa Pangantanan, kanday lola. Guina pinsar ko palang ang dalan, ang la-o kag ang sangka kilometro nga paranawon halin sa karsada ka baryo hasta rugto, gakatamad run ako. Garing kang nagGrade three ako, guin agwanta ko ra tungod sa pagbantay ka tiya ko (pakaisa ni mama) nga hindi ka pamana. Baw, amo man akon sunod-sunod sa tiya ko kada mag-uli sa Pangantanan kay basi masalisihan ako ka nagapamasyar ka na. kang pirmi run ako rugto, nalipatan ko ang original ko nga purpose, nawili ako kasipal rugto imaw ka mga bata sa uma. Te igo ko natalupangdan karaslon run tana. Anyway, nagbahol takun sa banwa, kag medyo mayad-mayad gawa ang pangabuhi, kalibaynan pa bi kag pinalangga nga apo, syempre prinsesa gawa. Pag-abot ko rugto sa raya, guin hagad ako nga masipal ka mga bata nga naga tumpok kanday Mommy (bugto ni mama) kay gakid-an sanda ka garden. Guin libot nanda ako sa mga bukid, sa taramnan,kag sa sapa. Namunit kami ka ubog kag namanlo ka kalampay kag nanakop ka urang, (pasalamat guid nga nakaabot pa ako ka limpyo nga sapa, tulad baw daw kaano run kahigko tungod sa babuyan sa mansion sa bukid, wara run urang, ubog,kag puyo.) Kun mga tag-irigma, nagasipal kami sa uhot ka balay-balay, ukon power rangers-power rangers kuno, (heheh!) Nagapanaka man kami ka cacao, casoy, mangga, batilis, lomboy, santol kun season, nakaagi man ako pangali ka singkamas, ube, burot kag banayan, kag kamote kahoy. nakakilala run ako ka bika kay nakatlan ako, sobra panalok. Nakabatyag ako kang kalipay kag gaenjoy guid ako nga makasakay sa karbaw, sa karusa, makaexperienxa nga makapananom. Nagtesting testing man ko kuliglig, kinaraan ako ka tiyo ko kay pati ang kahon nadalasa ko kay hindi ako kadara. Hahaha! Tapos dumduman ko pa, guina storahan da kop arte sa mga kama-kama, tamaho kag mga sigben. Sobra ko nga pati-pati, guina ubrahan ko pa sanda ka balay-balay kuno himo sa panit ka cacao kag mga dahon-dahon. Ai ano lang kasadya dumdumon. Umpisa kato, kada weekend naga-tukad run ako rugto, kag kun wara pa guid klase. Kun kauna naga ugtas si mama nga wara ako gaagto rugto, tulad naga ugtas run kay rugto lang ko pirmi kag daw haros wara run gauli sa balay. Hambal ni Lola, pasalamat kuno ako kay naabutan ko pa ang amo to nga pangabuhi. Kauna kuno mas sagana pa guid kay bisan sa taramanan naga pisik-pisik lang kuno ang mga urang kag puyo. Si lolo kauna, nagabutang aparador sa taramnan, pagrum-an balikan na ra kuno kag buta run ra ka igi, puyo, kag sili. Kang gaestorya sanday mama kang mga kauna nanda hindi ko run guid mapungggan ang mamati, daw kasadya lang… Kami ang una nga apo sa magburugto nanday mama, ang ma\ga pakaisa nga sunod kanamon gragmay pa tulad, pinaka gurang pulo pa lang katuig. Samtang galantaw ako kananda, nasubuan ako nga wara tanda kaabot ka amo to nga experiensya. Tulad, mas nawili tanda sa TV, Computer kag playstation. wara tanda kasipal ka siko, tagsi, nagu-naguay kag iba pa nga dinaan nga mga sipal. Mabeinte anyos run ako tulad nga tuig… kag nagapasalamat guid ako nga ang akon henerasyon nakaabot pa kang bisan gamay nga experyensya sa uma kag kinauna…pero ang iba ko nga mga kaedad, wara guid gani kaagi mu ra, swerte pa ko kay kaabot takun. Daad bisan nga naga-uswag kita hindi man naton pagpabay-an nga madura lamang ang mga kauna kag ang aton palibot. kaluluoy kami nga mga urihing tubo nga hindi run makakilala ka mga ibid, bika kag mga sipal nga kauna.
 Add as favourites (18) |  Quote this article on your site | Views: 583
Only registered users can write comments. Powered by AkoComment Tweaked Special Edition v.1.4.6 |
||||||||||||||||||||||||||||||||||||||||||||||||||||||||||||||||
heheeh!
