Angay kang suba,

magailig ako nga malaumun

sa dagat kang imong kaanyag

handumun ko ang malum-uk nga bibig

kang imo daray-ahan

nga nagpadimat kang bertoldo nga balud

sa pagharuk liwan.

Angay kang suba,

dar-un ko ang mga bukad kang paglaum

nga nagkararitak sa kabukidan kag

ang tagsa ka saringsing kang kabuhi

nga naputos sa rurok kang pagpalangga

mangin para lang kanimo.

Angay kang suba,

surungon ko ang kabatohan

nga nagalambat kang akun handum;

matindug sa gibungan kang imong kasingkasing

samtang nagakalipay ang mga luyaw nga hilamon

sa pag ambit kang matam-is nga asik

halin kanakun.

Angay kang suba,

handum ko, ikaw mag-abat sa gibungan

kag magdapit kanakun

paagto sa kalalawdan

kang gugma kag kahilwayan.

	1. 07-08-2007 09:20
	wow! steph, great work! feel ko ang nagadagunos mo nga baratyagun, nga angay kg suba indi gid mapunggan... kip posting... Guest Report

zeanra7

	2. 07-08-2007 10:14
	wow. amo tana ja nami gid pamatian kag tugruan ka meaning sa atun kabuhi. A kinaray-a poet is born ... Guest Report

vicpjr

	3. 07-08-2007 15:27
	wow!!! Angay kang suba,  nga nag-ilig kanakon.  ang imong handurawan,  nga akon ginahandum.  bisan diin mo ako paturukon.  ikaw kag ikaw lang  ang makita nakun,,    keep up the good word sonny  you're a karay-a poet on the making.. Guest Report

This e-mail address is being protected from spam bots, you need JavaScript enabled to view it

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved