Antiqueños Community Website - Province of Antique, Philippines

Monday, March 15, 2010

Text Size

Ra Tana!

Posted by jevon riego lumawag

Ra Tana!

(Nakamaan bala ikaw nga Kinaray-a ang panghambal kang karak-an sa isla kang Panay? Pero kalabanan kananda wara nagagamit kang andang kaugalingon nga panghambal…. Basi gusto mo magpamangkot kun wanhaw?)

Ang awto kag ang karusa

Rayu gid kun ikumparar ta

Ang tanda kag suruklan dya

Pangabuhi sa syudad kag uma

Sa pagpanglugayawan kang tawo

Halin sa uma sa syudad paadto

Pagginawi kag hambal ginabaylo

Tungod nga ginakahuya didto

Kinaray-a, ano bala ri-a?

Tawag sa panghambal sa uma

Nga kun mabatian gani kang iba

Nagakuon….. Baw! Kabuki gid ah!

San Juaquin, Miag-ao, Guimbal, Tigbauan

Sipak sa Ignaras, Leon kag Tubungan

Deretso sa San Miguel kag Alimodian

Ilabi sa Antique kun imo adtunan

Karay-a imukra ang imo mga mata

Panghambal mo indi pag-ikahuya

Magpakamalig-on, ipakita kananda

Ang pat-ud nga mga ebidensya:

Tama gid karayu ang "ayam" sa "ido"

Pero kun may alog kanimo magpatudlo

"Mangangaso", ano ang tawag sa inyo?

Indi pwede "mangingido", Kag pat-ud "mangangayam" isabat mo

Amon "busong", tawag ninyo "tiyan"

Sa bayi, kang bata pagasudlan

"Nagabusong" ang tinaga dyan

Indi man pwede tawgun "nagatiyan"

Lakat ka "tiil" panaw kaw "kahig"

Sa pagtugpo kang manok ikaw magbulig

Indi kaw gid pwede "magpatiil"

Hay sa bulangan ang tawag "pakahig"

Sa imo pag-uli ikaw gutom run

Ang "pagluto" ukon "pagraha" himuon

Kag sa diin ikaw magaprito kang isda

Sa "kaluto" ukon sa "karaha"?

Gani Sta. Barbara, Maasin, Mina

Kag sa Antique nga probinsya

Aton hambal ginasunod-sunod nanda

Magtindog kag ipabugal ta......

Kita mga........ KARAY-A!!!!!!

Ang dya nga poem mabasahan sa "SEAWAVES" (the official student publication of STMTCC, iloilo city, vol-2 '02)

ginhimo para makatalupangod ang mga migo kag miga nga namayha maghambal kang kinaray-a :-)

Add as favourites (36) |

Quote this article on your site | Views: 2064

Comments (8)

	1. 08-08-2007 01:28
	hahaha! sadya nga poem, may sense! pero huhuhu! sakit mata ko ka mulalung! sa sunod, bahul bahula man gawa ang fonts! salamat sa pag post... Guest Report

zeanra7

	2. 08-08-2007 02:16
	hello! kanami nga poem, kag may sense, man-an ninyo duro ron nakilala ko nga mga taga Antike, una namun historyahanay pakilala na taga IloIlo O taga Negros tana, pero sa kalawidun kang inyo historyahanay kasimanwa, mo lang tana gali, may jan pa kara nag agto lang sa IloIlo O Negros pagbalik na sa ana nga baryo lain ron ang ana nga ginagamit nga hambal, mapa Mindanao man ako o sa Palawan O sa Manila pag naka sugalaw kaw kang taga Antikenyo ga lain ang ana gina mitlang, araguy, masakit, hahahahaha!!!! Guest Report

samcheca

	3. 08-08-2007 02:22
	nami basahun mga parehas kadia ... more of these from our original Kinaray-a poets ... Guest Report

vicpjr

	4. 08-08-2007 03:58
	...nami gid migo...sakto gid ra...sangka masubu nga kamatuoran nga dapat natun balikdun kag paminsarun...kip posting! Guest Report

datu_sumakwel

	5. 08-08-2007 04:02
	mayad nga Adlaw Migo joveN... ngau lang me permiso to copy kang ja nga poem. isend ko man ja sa mga kilala ko.. salamat gid. God bLess! Guest Report

This e-mail address is being protected from spam bots, you need JavaScript enabled to view it

	6. 12-08-2007 12:52
	nice poem..... Guest Report

sprakakZ_21

	7. 15-08-2007 08:31
	ra tana! abaw pwerti gd ang imu sinulatan. daw nami himuan ka tono. t sugot kaw? duro gd nga salamat sa pagpasanyog mo kang kinaray-a sa iloilo magazin. kabay pa duro nga antiqueño makamarasmas nga dapat ipabugal gd ang karay-a. krruuhhaayy!!! http://yahoo.com Guest Report

MarkQ

	8. 24-05-2008 15:01
	ra tana! nevoj, ayos! may point gid kaw..... duro sagap ko kadya nga gina pasagap mo kanakon. ti, mapabugal kag matuod.... uli ron, maexam ta.... diyan kaw pa sa south america haw? ti cg, hulaton e,..... Registered Report

voxdesecond

Only registered users can write comments.
Please login or register.