Dokumento Nahanungod sa Antique sa National Archives (Part I)

Probinsya: Antique

Tuig: 1850-1856 (Vol. VII)

Bandol: 13

1.      expediente sa pagbayad kang utang nanda ni Diego de la Flor kag Felipe Garcia sa pondo kang banwa kang Antique kag San Pedro.

2.       pagpaalinton nga naghalin sa politko military governor, nahanungod sa impormasyon katong Nobyemre 6, 1851 parte sa paglugdang kang barko kang mga Pranses nga “Montalambert”

3.      konsultasyon nga gin pasa kang mga pomuluyo kang Antique nga nagapangayo kang bulig para sa pagpatindog kang simbahan, kumbento kag patyo sa 12 ka parokya. 

4.      Ang dokumento nga nagatugro kang “royal title” kay Francisco Felipe Mensayas bilang teniente gobernador (deputy governor) kang Antique.

5.      Ang pagpaalinton naghalin kay deputy governor Mensayas paagto sa Governor-General nga nagasudid parte sa andang pagdumara.

6.      Ang rekwest nga naghalin kay Francisco Mensayas para sa anang pasport nga kinahalanglan para sa anang pagsaylo kang anang toka. 

7.      ang permit para kay Juan Villa, subteniente del tercio de policia, para magpanakayon paagto sa Maynila kag mag-estar rogto sa sulod kang darwa ka bulan. 

8.      kiha kang mga tag-iya kang baroto nga Antiqueno kontra sa gobernador kang Negros nga nagpadakop kag nagpapriso kang mananagat nga si Mateo Carpio, nagasakay sa “San Vicente Ferrer” sa prisohan kang Iloilo tungod sa pagpati nga tana “naglagyo” sa prisohan.       

9.      pagpalapnag kang impormasyon kang gobernador kang Antique sa pagtugro kang tatlo ka posisyon bilang inspektor sa public works. 

10.  ang pagpaalinton nahungod sa pagtugro kang Php. 1000 sa kada politico-military governor: Enrique Barbosa kang Antique kag Guillermo Kirkpatrick kang Bohol. 

11.  ang order nga ginpaguha agud indi pagtugtan ang proposal kang PM gobernador para baydan ang sweldo kang darwa kang maestra/maestro nga pagabul on daad sa pondo kang mga banwa. 

12.  Expediente para sa indi pagsugot halin kay deputy governor agud nga magsunod sa circular katong Sept. 1, 1854 na nagakinahanglan sa pagsunod kang ordinansa.

13.  ang order sa pagkilala kay Guillermo Carballo bilang vacunador kang probinsya. 

14.  ang order nga nagasugot sa pagpaguha kang pondo nga 191 pesos kag 7 reales para sa pagpatindog kang tulay nga mortar kang baras sa suba kang Biliran sa San Pedro.

15.  Ang rekwest ni Vicente Amar Andres kang Tibiao agod tugtan nga matugroan tana kang mga benepisyo sa pensyon sa idalom kang reglamento organico de cuadrilleros tungod nagmasakit kag indi ron makaobra pagkatapos ang anang pakipag-away kontra sa mga pirata nga Moro kag iba pa nga bukot mayad nga elemento.

16.  ang kiha nga naghalin sa deputy governor kontra sa politico-military governor parte sa pilas nga ana nabaton kang nagginamo. 

17.  petisyon ni P.Mensayas, nga nagapangamuyo agod nga makabalik sa anang posisyon bilang gobernador kang Antique.

18.  paalinton halin kay PM governor  paagto sa Governor-General, nga nagakiha kang tanan nga lider kang barangay sa Tibiao (nahanungod sa nagkalain lain nga sala)

19.  pagkilala kang gobernador nahanungod sa “meritorious service” para sa mga gobernadorcillos kang Patnongon, Tibiao kag Culasi.

20.  rekwest halin kay Juan Sanchez kang tercio de la policia para sa lisensya sa pagpakasal nga daraga nga Espanyol nga si Nepomucena Rodriquez.

21.  sulat halin kay PM governor paagto sa Governor-General nga nagakuon parte sa pag-atake kang mga apan sa pira ka kabanwahanan sa Antique. 

22.  ang ginpropos nga pondo para sa pagpatapos kang paghimo kang mga edipisyo sa Bugason. 

23.  lisensya sa pagsugod sa pagbaligya (auction) kang dumaan nga casa tribunal (courthouse) sa cabecera.

24.  ang ginpropos nga pondo para sa pagpatindog kang tulay sa suba kang  sa banwa kang Antique.

25.  ang order nga nagaotorisa sa PM governor sa pagbakal kang balay nga may manami nga materyales nga pagahimuon nga casa tribunal sa cabecera.

26.  ang sulat nga nahanungod sa garagmay nga away sa tunga kang mga cuadrilleros kag hangaway sa banwa kang Pandan kag Culasi. 

27.  ang order sa pagsugot agod nga makatudlo ang mga maestra/maestro sa mga eskwelahan sa mga kabanwahanan kang Lauaan, Guisijan kag Carit-an.

28.  Konsultasyon nga naga ekspleyn nga ang banwa kang Guisijan, Amismis kag Carit-an nagakinahanglan kang pondo para sa suweldo kag probisyon para sa andang cuadrilleros kag nagakuon nga ang mga pondo para dya kara igabul-on sa mga buwis nga ginabayad sa kabilugan.[1]  

--------------------------------------------------------------------------------

[1] Finding Aid ERECCIONES Abra-Bohol. Philippine National Archives, pages 29-31.

	1. 07-08-2007 23:12
	nawili ako basa kadya ba. amo gid dya ang aktwal nga ginsulat ukon translation lang halin sa espanyol ukon inglis? nami man dya nga reference kag kung amo gid dya ang orihinal nga pagsulat, makita natun nga kalabanan gid kang kinaray-a nga ginahambal ta kadya daw wara gid gawa nag-lain. kunsayuron nga na-preserbar ta gid ang atun lengwahe. Guest Report

Jigsz

	2. 07-08-2007 23:43
	ooooopsssss! sala gali ang zero hypothesis ko hay gintranslate gle dya ni atpaala from spanish ... amo man gle nga daw ka contemporary ang kinaray-a hay modern day run gle tana. Guest Report

Jigsz

	3. 08-08-2007 22:28
	hehe nang Jigs tama ka nang Jigs, gin transleyt ko dya sa Karay-a halin sa libro kang National Archives.    Jojo D' Just Guest Report

This e-mail address is being protected from spam bots, you need JavaScript enabled to view it

	4. 11-08-2007 09:00
	Una nga gobernador kang Antique? Sin-o gid man ayhan ang una nga gobernador kang Antique? Guest Report

Rundz

	5. 12-08-2007 01:15
	sagot ko kay migo rundz base sa dokumento nga nakita ko, si Pedro Diaz de Vargas ang una nga gobernador kang Antique (1765) pero wara gid ako kamaan kon amu dya ang pinakauna ukon may nauna pa kana nga wara lang nasulat ukon wara pa naton nakita      Salamat    JOJO D' JUST Guest Report

This e-mail address is being protected from spam bots, you need JavaScript enabled to view it

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved