gaparangitum ang mata,

mejo bangag ang hitsura,

pulaw bilog nga semana,

talang talang kada aga...

unay!

warat kaun kaun pirme,

adlaw adlaw bay gabyahe,

kis a kulang pamasahe,

panipon sinsilyo ko e.

unay!

bukun tana ra binutig!

sa sulod apat ka tuig,

kwarta?pwerte ko katipig...

nakatuon di magsarig.

unay!

duro nga mga inagyan,

sa skwela kag iristaran,

may subo kag may sadya man,

may kaurugtas, ay tanan!

unay!

sa tanan gid nga aspeto,

daw ginahangkat gid ako,

mga pagtiraw?hay, duro...

sige lang, mu gid ra kuno.

unay!

padayun lang a, agwanta,

bisan duro ang problema:

sa karera, sa pamilya,

'gugma'?abay man ria...

unay!

bisan bangag ako kaja,

pamatyag ko daw masadya,

kay makaturog kang aga,

puway lawas kag pensar ta.

unay!

basta di lang paglipatan,

sa mga oras nga tanan,

Diyos, Tatay ta, pirme lang Dyan,

kita ana nabantayan...

(dapat iUnay ja sa paminsarun ka tanan=).

Godbless dear AnTiquenos/Antiquenas!

sa liwan...

;-)

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved