Taga-Antique ako: Di ba Maraming Aswang dyan? 

Amo dya ang sara sa mga pamangkot kang mga tawo kon naman-an nanda nga taga-Antique ako.  Kang ako una nagsulod sa eskwela sa kolehiyo rogya sa Maynila, sa umpisa kang klase kalabanan ginahimo kang mga maestra ukon maestro ang pagtawag sa mga estudyante agud magpakilala.  Siyempre tanan mahambal kon anu ngaran nanda kag koon diin sanda gaestar ukon naghalin nga probinsya.  Te kato anay pag-agto ko dya sa Maynila wara gid takon kamaan nga bantog gali ang Antique rogya nga duro kuno “ASWANG”.  Nangosyan takon sa pamangkot nanda kag sang akon nabatian tungod wara gid ako kamaan parte sa amo dya nga pagpati nanda.  Te kang gin pakilala ro kon ang akon kaugalingon tapos ginkuon ko nga taga-Antique ako nagkaradlaw kag natingala ang akon mga klasmeyt dungan ang pamangkot nga “Di ba maraming aswang sa Antique?” sabat ko “Oo marami saka lumilipad kami hindi na nga ako namamasahe eh, gabi gabi ako umuuwi sa Antique” te sanda ang karadlawan kay nagpati man sanda kanakon.  Ang amo to nga hinabo ang nagtulod kanakon agud magsagap kang eksplenasyon kag ang akon natukiban amo ang masunod.

Kang wara pa mag-abot ang mga Kastila ang mga tawo sa Pilipinas ilabi ron gid sa Panay may andang kaugalingon nga dios ukon ginapatihan.  Te sikat ang Panay tungod sa Babaylan kag tungod sa mga Babaylan nga dya nabudlayan eh ang mga Espanyol magpirit kang mga tawo nga magpati sa Kristiyanismo.  Sa bilog nga Panay ang Antique ang sara sa mga lugar nga wara gid nagpati tanan ang mga tawo sa mga Kastila.  Tungod ka dya gintawag kang mga Espanyol ang mga indi nagpati kananda nga “aswang” Ang tuod tana kara bukot lang Antique ang biktima kundi pati man ang Capiz.  Agud pamatud-an ang ginahambal kang mga Espanyol nga may aswang gidman, ang mga nagkaramatay sa pagkontra kananda gin bul-an nanda kang ATAY kag gin karga sa baroto kag ginpaanod sa suba kang Pan-ay (sakop kang Capiz tulad).  Te gin patihan eh kang mga tawo tungod gin agtunan kang medya kag ginpaalinton partikular kang Manila Times sa Maynila nga nag-atake ang mga aswang pero ang kamatuuran ang mga Espanyol kato ang naghimo agud nga maengganyo nanda ang mga tawo nga magpati nga tood gidman ang aswang.  Buot hambalon ang pagtawag kang mga Espanyol nga aswang ay pagmaskrat kang aton dungog kag dapat nga ipabugal naton dya tungod ginatawag kita nga ASWANG tungod ang iba sa aton mga kalolohan wara nagpati kananda tungod sa babaylan.

Sa tulad, hilomonon nga duro ang mga Barangay ilabi ron gid sa Antique sa mga binukid banda nga may mga ngaran kang Santo halimbawa ang Barangay Santo Tomas kag Santo Nicholas sa Tobias Fornier.  Ang mga barangay nga dya ginngaranan kang mga Espanyol kang santo agod nga kontrahon ang puwersa kag impluwensya kang mga babaylan.

	1. 02-08-2007 08:18
	aba tuod? migo atpaala daw bitin haw, di man kami pag paslawa kang imo istorya..    daw may sugpon pa dya bay?... Guest Report

edemadethird

	2. 02-08-2007 08:45
	ano tana ang babaylan? jo, ano tana ang definition kang babaylan? ano tana ang ginahimo na karia? handut may babaylan? indi ayhan nagtuhaw ang babaylan para panguntra sa aswang?    suno sa ginsulat mo, nabutang nga may babaylan run antes mag-abot ang katsila kag ang katsila ang naghimo-himo kang konsepto kg aswang nga ja...i hope sugpunan mo pa ja. kag sabtun mo ang pamangkot ko. salamat sa posts. Guest Report

zeanra7

	3. 02-08-2007 15:42
	ano tana ang babaylan? Matood ria ang imong ginahambal nga ang Antikinyo bisan diin lang gina kon-an nga Aswang. Ang mga tawo nabuyo kag naanad ka pasipala kang mga Antikinyo. Amo kadyaay,  sa kauna nga panahon, malaka lang ang naKlukar kag laban gid wara ti aram. Ang mga pamatan-on nga mga kalakin-an gina-hakot kag darhon sa Negros gina-obra sa Kampo kang Tubo ginatawag nga SAKADA. Ti, iwanon mo hay wara it aram mong. Kag ang mga kababahin-an gina-sakar nga mangamo sanglit karia nga wara it aram halin sa Antique, resulta kang pagbiaybiay gintawag nga aswang hay dumaday-o mong. Amo ria ang Oppression kang Antikinyo kauna nga tyempo. Ti naandan ron kag nahimo nga expression kang mga tawo bisan diin nga lugar, nga kon taga Antique gani ginatawag nga aswang.     Rodto sa Manila naka-tipon ang nga Bisaya. Ginpamangkot ang taga-Antique kon bala matuod nga duro Aswang sa provencia kang Antique, ang sabat na, wara mong sa Iloilo tana to duro Aswang. Ang taga Iloilo ginpamangkot, duro bala Aswang sa lugar ninyo, abaw a ang sabat na taga-Capiz tana to duro Aswang. Ginpamangkot ang taga Capiz, kon bala duro Aswang sa anda nga lugar, ti ang sabat na indi ria matuod, sa Aklan tana to duro Aswang. Ti, ang taga Aklan ginpamangkot, wara gid mag-angkon, Ano ang sabat na? Ay maan ang Aswang rodto tana to sa Antique doro. Sa aton pa ang isla kang Panay ginapalibotan kang Aswang? Pati timo karia, mga istorya lang ria kag wara it kamatod-an.     Guest Report

Consoling

	4. 02-08-2007 15:57
	ano tana ang babaylan? ang mga espanyol gle nga to tna ang mga aswang eh..., Guest Report

ann

	5. 03-08-2007 02:12
	ano tana ang babaylan? Ang naman-an ko nga aswang istorya lang.. ang babaylan may rigyan pa gid man asta dukar-on nga nagasaot sa kalayo kun magbinu angit bilang isa ka mirku kuno.[manugbulong] as in quack doctor..  manang consoling amu ri-a ang ginatawag nanda nga circle of life kang mga aswang jan sa panay dugangan pa gid kang sugid pariho kang isa lang ka bulbol nga nahimu nga syam ka bilog nga manok.. nagasorobra indi run mapatihan.. maan andut ambay... Guest Report

This e-mail address is being protected from spam bots, you need JavaScript enabled to view it

	6. 03-08-2007 06:20
	ano tana ang babaylan? Ang Aswang bukon ria ti matuod tungod hay wara ti nakakita kang Aswang. Pero ang matuod tana amo nga ang ANTIQUE bantog sa LUMAY. Ambay kon pera ang naLumay kang taga Antique? Amo ria ang obra kang mga ATI nga tumandok kang Antiue. Uso pa bala ang Lumay? Hadlok ang aswang sa Lumay, maaram tana Ati magbulong karia subra pa ria sa binaylan. http://Kinaray-a.com Guest Report

Consoling

	7. 03-08-2007 19:21
	ano tana ang babaylan? Kon ako ginapamangkot dayon ko lang paseryoso, pabahul mata,pangisi-ngisi, parapadalung kang maghambal: "Bakit? Gusto mo bang makakita ng aswang mamaya?"    PROUD TO BE ASWANG    Guest Report

Rundz

	8. 03-08-2007 23:27
	ano tana ang babaylan? Ay maan a, kon may nagaparapadalong kag magngisingisi kag magpabahol kang mata. Bukon ria ti Aswang kundi Inartista kag duro gid maglantaw karia nga salida. http://Karay-a.com Guest Report

Consoling

	9. 05-08-2007 00:28
	ask pamangkuta nyo bi c nong asuwang kon tuod rian???  ako wara takon ga pati guid sa asawang bisan ano hambal da kanakon kato nga raku aswang kano sa antike...    Guest Report

namja

	10. 05-08-2007 03:00
	aswang! duro man taga Antique rogya sa Austria, pero mayad man hay wara tana nagakoon ang mga Austrian nga aswang kami.  kon tood gid man mga aswang ngaran...daad gin aswang nanda kato ang mga Hapon kang gyera...basi haw nga nagralagwa pa ang mga Antiquenio sa bukid?  I also experienced this kind of belief when I was in Manila. I agree with Ann, that the reason was...Antique is the least province among the provinces of Panay, that's why Antiquenios were the last victim of this predicament, instead of Iloilo, Aklan or Capiz. Maybe we were the minority in Manila to defend ourselves.  I hope that the oil discovery in Antique will be true and the perception will change. Guest Report

ffbandiola

	11. 05-08-2007 13:56
	aswang! hahahaha we must be proud nga aswang ta.... hahahaha... i like the story I believe on that! We gained that name because of our forefathers who are brave enough to preserve our beliefs and culture....it depends on how we deal with that conversation sometimes... we can crack a joke on it... but for me its not humiliating but rather it can give us confidence to let them know we\'re unique... in culture and way of life.... hahahahaha  one time may namangkot man kanakon sa camping samtang kami gakaon sa puno ka kahoy tapos wara ti purungkuan so cross-legged kami tanan nga nagapalibot sa pagkaon... sa lipa batangas. I don\'t know kon andut naabot kami sa asawang nga topic... so man an da nga taga antique ko tapos mangkot sanda kon paano mo man an nga aswang ang sangka tawo... ti nagsabat ko eh, hambal ko ang aswang kon magkaon ga cross-legged... Guest Report

adventurer_jan23

	12. 05-08-2007 15:11
	aswang! Hahahahahaha.....delikado katong nakapanglambid mga aswang gali tanan to. Sanglit nga taga Antique ako, amo ria ang pamangkot nanda. Matood bala ria nga ang aswang nagalaway/ginalawayan kaw?. Koon ko ambay. Rodya sa Canada samay Nursing Home ang mga mal-am nagatonton andang laway. Kang rodto pa ako sa Toronto kon winter gani indi maman-an nagaturo irong mo sa karamig kag ang iba indi ron makabatyag ka andang baba nagaturo laway nanda. Ti, ano ria bay, ano pagtawag karia? Sa aton pa ang evidencia wara sa Antique, tapos ta tawgon nanda nga aswang ang Antique? Tinonto ron tana ria. Ang antikinyo indi gid palupo. Amo ria nga ang Antikinyo nagasalir gid kag naga-uswag, nagahimakas nga maabot ang hndom, bisan nagarapta sa bilog nga kalibutan pero nagahogpong sa Kinaray-a.com. Thanks liwan administrador sa wedsite kag singers. Mabuol tana hidlaw mo kon makabati kang karantahon nga Kinaray-a. Guest Report

Consoling

	13. 05-08-2007 19:48
	sin-o gosto aswangun? mga bosalian tatun! apo ni datu sumakwel.    doro ang nabatian ko nga istorya nahanungud dyan karia. pero amo dyaay ang mahambal ko.    ang sangka istorya okon ideya okon topiko, bisan bukun pa ti matood, kon liwan-liwanun dya ka istorya kag sa darayon nga pagpalaton-laton, sa kabohayun kang panahon mangin matood dya.  sigoro nagbantog kita nga aswang tungud kay Felicidad, ambay kon nabatian ninyo ang istorya nga to.   nami gani kon mga aswang kita. indi kita maapektohan kang gutum.   Guest Report

bagakay

	14. 05-08-2007 22:22
	para kay manang Consoling helo po, tama ang iyong sinasabi na bakit dyan sa canada tumutulo ang laway di pa rin aswang ang tawag, samantala dito sa antique kahit walang sapat na ebidensya itinuturing    isa pang punto na nais ko linawin sa usaping ito ay: sa Africa may mga grupo na kumakain ng tao pero hindi sila tinatawag na aswang, nakapagtataka di ba?    ito po ay dahil ang "Aswang" ay kultural hindi po ito common sa lahat na bansa.     salamat po    Jojo D' Just Guest Report

This e-mail address is being protected from spam bots, you need JavaScript enabled to view it

	15. 06-08-2007 04:54
	para kay manang Consoling Sabat ko kay Bagacay. Daw wara tana gawa bantoga si Filicidad ngato. Ang mga huring-huring nga ang pinakamabantog amo si Guimo sa Iloilo. Estorya man lang ria. Pero ang mga tawo nagapati kang mga inula-ula. Amo kabay ria hay wara ti T.V. kauna nga panahon. Ang andang kalingawan ang Drama sa Radio nga Aswang-aswang.     Husto ria part ria sa Cultura kang kada lugar indi ron ria maislan. Pero ang makalolooy katong mga pamilya nga apiktohan. Nalooy takon. Tungod hay amo ria ang gina-umpisahan kang disgustohanay, pagsalikwayanay kag ginalikawan pa hay dagul Aswang. Ang Dios lang karia maaram, ang akon lang nga matugda kag malaygay sa tanan nga may hibubun-ot nga gin-kawsahan nga Aswang. Indi gid magdumot, magpailob, kag patawaron ang nagakawsa. Idangop sa Dios hay ang Dios lang gid naga-apin sa tawo nga ginalutos. Kon mahimo mo ria, ang paghidait kag kalinong ang mangitbabaw. Para dya sa Kahimayaan kang Dios. Indi bala? nullnull http://Kinaray-a.com Guest Report

Consoling

	16. 07-08-2007 00:29
	para kay manang Consoling im proud of u... good luck lang eh... Guest Report

Liza_Diana

	17. 08-08-2007 23:53
	andot nga ginatawag nga aswang ang mga a pabay-i lang nyo tana mga taga iba nga lugar ngariya kon aswang paglantaw nanda kanaton nga mga antiqueno. wara sanda tana kamaan kariya nga lain tana ang aton nga gina-aswang,hehehe.... Guest Report

This e-mail address is being protected from spam bots, you need JavaScript enabled to view it

	18. 11-08-2007 09:05
	andot nga ginatawag nga aswang ang mga a Tik-tik-tik-itik! Guest Report

Rundz

	19. 11-08-2007 10:34
	andot nga ginatawag nga aswang ang mga a kak...kakak....kakak....kak.kak.kak.. Guest Report

edemadethird

	20. 12-08-2007 09:56
	andot nga ginatawag nga aswang ang mga a Ang mga masunod amu gd dya ang matuod tu od nga ASWANG ALAN,ROMY,FRIDAY,STPHEN,MARK,BADONG,TATAY DOK,MANNY.  Ja nga mga tawo naga lagaw tungang gabie..... makita sanda mga Lugar nga mari- it..... mga lugar kn diin ang mga luyaw ti kalag lang masami naga lagaw.........  Dyang mga ASWANG kun aga naga 2rug naga bugtaw kn ang adlaw ga hinunud halin sa pag 2nud asta sa buklat kang adlaw ang tirik kalimutaw kn anu sanda lang maka pask2 HEHEHEHEHE.  Gani indi mag mayha kn mag hamambal aswang kita HAMBALA kag PROUD pa ASWANG AKO kay sa ma 2od di lang dyang mga nakasulat dya rako pa dya wara ko lang gn lista kay ang iba gnayagaw pa HEHEHEHHEHE , may iba lumpat binta pa nd ta anay pag pa bulga , kay kara an ni nanay kag tatay.  Dali run kamu lagaw ta imaw sa mga bungaitan nga ASWANG, 2rugog run ko mayad nga AGA.  karun kit anay lang ta Guest Report

This e-mail address is being protected from spam bots, you need JavaScript enabled to view it

	21. 12-08-2007 19:31
	andot nga ginatawag nga aswang ang mga a hayyyy.............gasurulod run sa damgo ko ja................ Guest Report

psyche

	22. 17-08-2008 03:33
	sin-o gosto aswangun? Si Felicidad? Kun hindi mag-sala taga DAO ria, nadomduman kupa ra ginhimo na nga ginamos and lawas kang ana nga bana kag bata pero ang isa nya ka bata naka palagyo kag nakapanawag bulig kag nadakup tana. Pero ang urihi nga balita kay Felicidad sinal-salvaged kuno kang mga polis.     Bag-o kolang nakita ang website nga dja, kumusta kamo tanan. Registered Report

SamSki

	23. 18-08-2008 08:26
	sin-o gosto aswangun? Aswang? Huh daad kon aswang lang ko duro na gid ako gin-aswang, sa duro may atraso sa akon abaw lang gid andam sanda kon tuod ra ,     Bay-e lang ninyo sanda, basta ang aton kamal-aman kato sanda ang the best bisan kulang andang knowledge Kamaan man sanda magpalangga it matuod. Amora kita mga bag-o henerasyon palangaan man naton aton nga probinsiya kag ipabugal sa tanan! Registered Report

DoctorWho

	24. 18-08-2008 08:44
	sin-o gosto aswangun? Hi samski! Taga da0 kaw haw? Mga estorya lang man ra, ang akon nabati-an kang gamay pa ako nga si felicidad natakdan ka pagka-aswang ni guimo( bana ni felicidad). Si guimo kuno ang matuod nga aswang! Ano abi si Felicidad hay tindera ka ginamos amora nga ang mga kakompetensiya gahisa siguro amora ginbantog tana nga aswang ron gid tungod sa ginamos nga manamit!    Kamo nga nagakaon ka ginamos siguro maman-an nyo man siguro kon tawo to or ginamos nga isda? Registered Report

DoctorWho

	25. 18-08-2008 10:38
	INSAKTO KAW GID First day k sa UE-Manila, enrollment palang pagkakita kang card ko nga halin sa Antique, gina di bala duro aswang sa Antique? Wara lang takon mag sabat. inta na pa kabilad ang mga credentials ko. Hambal ko dali-a kan on ta kaw karon hehehe.     Here comes the regular classes, may classmate ako taga Bicol gina classmate, taga Antique kaw di bala duro aswang sa inyo? Ano gina ang itsura ka aswang para maghipos nalang hambal ko - "KAMUKHA KO!" Registered Report

buki2006

	26. 18-08-2008 10:52
	And by the way....... I admired the initiatives of Aklan for launching the "ASWANG FESTIVAL!"      Tik! Tik! Tik! hehehe! Registered Report

buki2006

	27. 18-08-2008 10:59
	And by the way....... nami dya nga article....sa awtor kang ja nga dinalan, hulaton namun ang sugpon kay daw bitin...kung may source kw ko diin mu naman-an ja nga istorya, para rigid ang dating.... I like it so much.. Registered Report

yhetz03

	28. 18-08-2008 12:45
	sin-o gosto aswangun? Hello DoctorWho,Siguro wara kapa gin bata sa tyempo ni Felicidad.Mga Pamilya Isulat Kami kag original nga taga DAO, pero ako ginbata sa San Jose. Hindi kura malipatan ang na tabu kay Felicidad tungud didto ako kag duro ang nakamaan kara. Pero kung hindi kaw magpati wara ako ti mahimu.   Taga diin timo haw? kag pera imo edad? Registered Report

SamSki

	29. 18-08-2008 15:02
	sin-o gosto aswangun? taga rugto man ko pero wala lang ko garing ka agi kita aswang. Maduro ron ti naghimo kara sa mga balita eating the human flesh,Inside or outside madami na ako naencounter related story, if I remember few weeks ago, Its been reported in tv patrol about men killed and enjoy the ennards of the little girl in la union. Kc nasisiraan ng bait pala. So mga possible din na rason yan, baka noon before nila kinonvicted si edad at tinawag na aswang or before sinalvage alam ba nila ang bottom reason bakit nya ginawa yon?    Kc pag baliw ang tao mukha na ring aswang e kaya yon ang mga palatandaan nila aswang nga siya.    Sa tulad nga henerasyon people are much more understanding.    Ang mga nagtatanong sa inyo kung talagang madaming aswang sa antique? Sagutin nyo nga nga ganito: NAG-ARAL KA BA? Pasimpleng inosente lang mga yan.    Peace!!!! Registered Report

DoctorWho

	30. 18-08-2008 18:46
	aswang ako haha. may naencounter man ko kara nga parehas nga mga tawo. comedy lang. nabatian ko man ria ang estorya ni felicidad nga gapanghimu kang ginamus halin sa atay kang mga tawo. kag ang estorya man ni tinyente Gimu Registered Report

linapuhan

	31. 20-08-2008 01:50
	aswang manang consoling,  ang babaylan nga ginatawag ang mga surano bala ria or kung sa englis mga quack doctor.na haros tanan nga wara pa macivilized nagapati sa amo ja nga paminsaron. Registered Report

lizworld

	32. 20-08-2008 01:50
	aswang manang consoling,  ang babaylan nga ginatawag ang mga surano bala ria or kung sa englis mga quack doctor.na haros tanan nga wara pa macivilized nagapati sa amo ja nga paminsaron. Registered Report

lizworld

	33. 21-08-2008 02:49
	ASWANG Ang word nga aswang kon sa akon kang opinyon ay diya produkto diya kang ka una kang ignoransiya kang tawo kay nagpate tungodn sa kahadlok kag ginagamit nga pangpahog,para magpate sa isara ka nagapamahog te imbes nga itudlo ang kamato-udan te gina pahadlok para magpate.Hindi nami nga metodo,pero segui pa gid ginagamit .Amo ria nga nagapersist gid sa pamensaron kang mga tawo.Ang hambal bisan hindi tu-od bisan wara te kamato-udan.Te kapen pa gid kay ginapasaylo saylo sa iba te nagabahol gid nga estorya bisan hindi matu-od .Ang tawo maaram mag imbentar kon ano nga klase nga estorya para mahadlok,malipay, mapate ang iba.Te ang magpate bisan wara ibedensiya te magpate gid ra tungod sa ignoransiya.Te ano sa inyo ang word nga LUMAY. Registered Report

nenengfe

	34. 21-08-2008 14:26
	ASWANG Nami nga article, te ano ang word nga LANGGAWON, aaayyyy basi langgawon kamo kar-on . Dali investigaron ninyo diya nga mga harambalanon: aswang, sigbin, multo, bahoy, kapre, kag sugid ron kamo, kang inyo mga estorya sa mga diya nga mga words.nami diya isulaton nga kuwento sa libro,kay daw nami gid basahon man ilabi na gid kon ilustrado,te manggad man diya naton as part of our traditional culture. Registered Report

nenengfe

	35. 22-08-2008 06:41
	ASWANG hahaha nengfe tugru_i ko ka idea kang panglumay para ilumayon ko ang boss ko dya para makapatik ako pirmi dya kon epektibo isugid ko kaninyo sa susunod na kabanata. Registered Report

DoctorWho

	36. 22-08-2008 07:39
	ASWANG hala...daw inaswang tana ja haw...kung my scandal...my inaswang nga natabo di bla? sa mga barber shop permi ta ra mabatian...\"si lalaki by gin aswang na sawa ni kumpare\" daw amo gid tana guro ra meaning ka aswang by...pero sa hambal ni nenegfe nga mga sigbin, bahoy, multo, etc...visit bla sa www.monstropedia.org/index.phptitle=Aswang#Origin or sa www.en.wikipilipinas.org/index.php?title=Aswang.... kung di kamo pa gid kuntento...mangkuta nyo si Joey de Leon kung ano isyo na kay Pokwang.... Registered Report

romber

	37. 22-08-2008 13:16
	aswang? baw...sa mahal kang bugas daw nami guro mag-aswang ron lang ay....di pa mamrublema consgreso sa over population. Registered Report

edburg

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved