uran.....

amat-amat kag mahinay nga naga patak...
tak...tak...tak...
kag sa anang pagtupa sa bubungan...
daw orkestra kung pamati-an...

pwede ra mangin masubo nga kanta nga may mahinay nga kumpas...
ang klase nga maka damguhanun ikaw nga bugtaw...                                                                          makapabatyag kanimu kang kasubo kag mag panumdum...
kung ano daad nangin kag mangin sa imung kabuhi...

pwede man man ra mangin isa ka masadya nga kanta..
nga makapabalik ka mga manami nga mga naglilikad...
ka mga tawo nga naga padasig ka pitik ka imung dughan...
kag ang imung kadlaw, may kasadya may kalipay...

pwede man mangin kanta sa paghigugma...
nga may matam-is kag mahumuk nga mga tinaga ...
romantiko kag mahumuk kag sensual...
nga maka engganyo kanimu nga mag sa-ut sa uran...

ikaw lang ang maka pili kung ano gusto mu nga kanta...
ang kanta nga imu nabati-an halin sa dughan...
kung ano ang nabatyagan mu nga bagay para kanimu...
ang kanta nga gusto mu man sabayan...

kis-a, kinahanglan mu mag pili kang imu nga kanta...
kag ang pagpili ka kanta, budlay katama...

	1. 02-08-2007 17:52
	wow! nami ah, gusto ko magrigos sa uran! pero sa antike nga uran,hehe...ramig uran rugya sa korea. basi kukuon ako,hehe...nami, keep posting. Guest Report

zeanra7

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved