Napinsaran ko lang dya nga isulat hay daw ka-klaro pa man bisan pira run ka tinuig ang nagligad! Amo gid dya guro kung naga-paagto sa bulawan run ang atun pang-idarun hay daw kanami mag-reminisce kang mga kinaradtu. Kabay nga bisan buhay run dya nga natabu, ma-enjoy nyo kag ma-batyagan nyo man ang parehas ka nabatyagan ko kang gamay pa ako.

Kang gamay pa ako, nagtawas ako sa akun magurang lantaw sine sa Gem Theater. Wara nyo run dya naabutan nga sinehan sa San Jose. Mga alas dos sa hapon kami nagsulud. Plano namun mag-gwa mga alas singko kag magsakay lang kang tricycle pauli sa balay. Ang sine kato showing si Nora Aunor kag Manny de Leon. Ayhan duro kaninyo wara gid kabati sa darwa nga ngaran nga dya. Sanda kato ang pinaka-popular nga love team sa mga artista. Dumduman ko pa nga ang buhok ni Manny de Leon medyo labug kag parehas gawa sa buhok si Raw_ayan sa photo profile na.

Sige kami lantaw kang sine kag ginpaliwat pa namun. Masubu ang istorya kag naghibi kami. Pero happy ending man gihapon. Love story. Masubu hay nagsakay run sa eroplano si Manny pero nabilin tana si Nora. Pero paglisu ni Nora nga maghalin run, nakita na si Manny ga-smile ka na kag  nag-kupkupanay sanda. Nawili kami katama.

Mga kapira siguro ka beses nga ginsugo ako kang magurang ko nga linglingun kung sanag pa sa sagwa kang sinehan. Nagpati man ako kag magpanaw sa puertahan kang sinehan kag maglingling sa pihak kang kurtina nga velvet  nga grabe kabug-at. Violet ang color. Kada lingling ko  kita ko nga sanag pa man. Te kungdi sadya-sadya man kami nga sanag pa puede pa kami ka lantaw liwat. Daw maano run mong kay Nora Aunor. Ano man tana nga wara gid kami nagpinsar nga daw kabuhay run kami rugto sa sinehan. Tingala run lang tamun kang ginparapitan kami kang manugbantay kang sinehan kag ginhambalan nga gin-abat kami kang amun ginikanan. Abaw nakulbaan man ba ako hay andut gin-abat gid nanda kami. Gali karia hay gabii run mga alas nwebe run to siguro. Ay gali ang nakita ko nga sanag amo ang sulo sa lobby pero wara ko nakita nga dulum run gid sa sagwa kag gabii run.

Halin kato wara run kami gintugtan maglantaw nga kami lang. Pagkatapos kato nga hitabu daw ginakulbaan man ako ka paminsar nga ano bala natabo kanamun kung wara kami gin-abat kang ginikanan namun? Daw kasadya lang paminsarun kadya ang amo to nga hitabo. Wara man nagtubu kanakun ang kahadluk maglantaw sine a. Daw agi lang man to hay kang nagbahul run ako kag rugto run ko sa Manila naga-eskuela nagalantaw takun sine bisan ako lang sara. Bisan hasta last full show. Pero alerto lang pirme kung may stampede kag irinaway sa sulud.

	1. 27-06-2007 13:49
	Waaaaaaahahaha, ang sara sa mga indi ko malipatan nga events kang nagstampede sa sinehan rogya sa San Jose. Present ako at that time, galapakanay mga tawo... Pati ako nalapakan... Waaaaaaaa, duro nalapakan ko, di man hungod, normal la guid hay sa una ako kag ginatulod ako kang sa likod... Ano hay may sunog kano bi mong nga wara lang man, aso lan man kag may nag-away sa babaw ka sinehan... Pero 'kay lang ah, wara man ako natrauma or anything, gaturok man gyapon ko ka sine anytime I want, may imaw man or wara, aga man or gabii.     Natandaan ko akon kaluluoy nga tsinelas, nadura pagkatapos ka stampede, bangi-an, wara ti tsinelas sangka kahig ko, ehehehe... Guest Report

123456

	2. 28-06-2007 06:21
	Wheeeee nang Jigz... Thats a good experience... Dumduman ko man akun ka2 kang highschool, kung maglampas ako alas9pm nga wara pa kauli baw ginaabat man ako. Bsan sa party ako or sa balay classmeyts ko ginaabat gid ako ba... Well ga care lang man sanda kanatun ta Jigz ah.... Guest Report

sprakakZ_21

	3. 29-06-2007 03:43
	..dumduman ko man mga ex ko ba nga nakaimaw ko sa sinehan kang una weeeeeeeehhhh.... Guest Report

datu_sumakwel

	4. 30-06-2007 09:55
	waaaaaaaaaaaaa waaaaaaaaaaa ng jigsz heheehe those where the days gale pero napakadlaw moko ba sa post mo ngaja hay duro nga sine nalantaw ko my imaw kag wara pero swerte man wara ko kaagi lantaw nga my stampede ahhahaa... lantaw sine pastime ko pag board or stress out sa work daw buang pako kara hay hilig ko mglantaw love story nga medyo masubo waaaaaaaaa one time imaw ko bf ko lantaw pag gwa sinehan karaan nako hambal na kung man-an ko lang mahibi kaw to ayte wara ta nglantaw mahal gale bayad sa luha mo pirot daan mata ko nadugangan pa guid pirot na ugtas BF ko Guest Report

This e-mail address is being protected from spam bots, you need JavaScript enabled to view it

	5. 30-06-2007 17:07
	hhahah abaw nga sine.....permi tkon ga 2rok kang sine sa plaza imaw c mama kag papa ko...did2 lang eh sa plaza kang belison kay libre kabay!    tapos ng2rok man ako sine sa roselle cinema imaw ko mga brod ko kag cousin...naga lang man na stampede..hehe!present man takon did2 ED....baw d ko gid malipatan kay nahablot tana ang akon bracelet tapos karan nag lumpat takon did2 sa bangko pa...abi takon may sunog gid man Guest Report

juzzme_bjoy23

	6. 01-07-2007 23:48
	hhahah ha ha ha nawili ako sa mga istorya nyo ba parte sa lantaw sine nga ria. hayyy duro pa gani man ang mga experiences ko rugyan karia. salamat sa pagshare nyo.  Guest Report

Jigsz

	7. 17-01-2008 11:42
	hhahah maan wara takun ka maan kara eh Registered Report

noy

	8. 23-05-2008 16:23
	inanga nga tawag Inday Jocel    hehe!dumduman ko k2 ba pglantaw namun sine maw ko c nanay kg ingod balay namun..dulom by s sulod pgpungko ko abi ko nkaalsa sarandigan n wara gli te ligid ligid takn e tap-ok pati pop corn ko..umpisa k2 la rn ko lantaw sine..hehe! 1st and last time ko 2 nglantaw sine. Registered Report

songbird

	9. 25-05-2008 10:30
	inanga nga tawag waaaaaaaaaa gani sinehan sa San Jose.Lantaw kaw daad sine dura ron.Abawa aton lang siguro tamad ka luya waaa intertainment.SAng naga eskwela kami sa SAc tunga namon allowance pa sine anay bisan waaaaaaaaaa makaon basta maka cinema, Registered Report

tetel

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved