| Akun hundarawon (Diploma Binalaybay contest) |
|
|
| Posted by Reynaldo Jumamil De la Pena | ||||
|
src="http://pagead2.googlesyndication.com/pagead/show_ads.js"> Ako nagatangra sa langit. Parihas kang mga laya nga dahon sa taramnan Nga nagahulat sa pagtupa sa maramig nga uran. Sa mga nakuyos nga handum ana pakabuhion Lakip man rudya ang handum nga ralab-uton. Sang ka haponanun nga indi ko run guid mapunggan Akun napinsaran madura man ang sangka pangabuhian. Mabaligya ko ang karabaw kag ang nayon nga baboy mapa eskwela ka lang sa Koleheyo de San Antonio Ontoy. Indi ko ron guid man mabatian ang andang mga huni sa gabii sa kaagahun ko lang makit-an sa imo mga yuhum suksok ang unepormi. Bisan ano pa gani imu ngayuon gina tugro ko guid dayun hay tuman ugid, ikaw bata may manami nga determinasyon. Sa nagatagiti nga init kag bugalon nga uran nga nagasugalaw baliwa lang bisan ikaw pa gani magmasakit kag matubuan ka singaw. Wara natak-i panaw pabalik-balik sa eskwelahan Bisan Sabado sa library nagabasa ikaw makit-an. Ang imu katandos wala guid oras nga mauyang bisan segundo nga imu makaptan indi guid magtalang. Ang imu pagsinarayo sa diyang kalibutan wara man naabutan kang imu matuod nga ginikanan. Ahay! baynte dos run gali ka tuig kag tanda nalunod sakay sa bangka samtang nangisda sa lawod. Parihas sa kadya nga adlaw kag ako naga tangra sa ibabaw nagaturo ang luha kang ang kasubo naga pangibabaw. Kag sa diyang imu adlaw kang gradwasyon ako nagapamangkutanun, ayhan ila man ikaw makit-an? Agud ang imu, akon kag andang mga yuhum sa uyahon magapabilin lamang nga isa sa akun mga handurawon.  Add as favourites (5) |  Quote this article on your site | Views: 453
Only registered users can write comments. Powered by AkoComment Tweaked Special Edition v.1.4.6 |
||||
