| Binalaybay Entry |
|
|
| Posted by rudy | ||||||||||||||||
|
src="http://pagead2.googlesyndication.com/pagead/show_ads.js"> Bunga kang paghigugma kang akon ginikanan Lakip ang grasya halin sa kalangitan Nga nagtugro kapagsik kag kalipayan Sa musmos ko nga lawas kag panumduman. Una indi gid masinaw ang tanan nga butang Ugaring sa akon paghanggud akon nahimutaran Rako gali sa palibut ang mapuslan Kag luwas sa mga bakili kag taramnan May madalom pa nga dagat nga kang mga isda ginaestaran. Sa handum kang akon ginikanan nga may mayad ako nga paraabuton Anda ako ginpalangga kag gin-ubayan sa akon pagtu-on Kag paagi sa mga manunudlo sa eskwelahan kag kabugto-an Akon naagum mayad nga pag-inugali kag kaaram Nga nangin sangkap agud matuman ang akon kadarag-an. Wara man ako magpabaya sa akon katungdanan Nagabulig kag nagapalangga sa akon ginikanan Bisan tiki lang nga butang para mapuslan man Kang akon pamilya kag kasiringan Kag wara nagapaabot balos sa mga natungdan. Akon ginpadayon ang hamili ko nga handom Nga makatapus kang kurso nga akon naluyagan Kay nagasarig ako nga kon may tinun-an Mahulas magpangita kang mayad nga ulobrahan Nga makabulig sa mga kinahanglanon sa adlaw nga tanan. Salamat nag-abot gid man ang adlaw kag panahon Nga maangkon ko ang bunga kang akon kabudlayan Kag ang pagsakripisyo kang akon ginikanan Kay sa paarabuton nga gradwasyon akon nga batunon Diploma nga tanda kang kadarag-an nakon. Pero labaw sa tanan ihalad ko dya sa akon ginikanan Nga nagsakripisyo kag nagpalibog kang tanan Hasta nga ako makatapos kag maangkon dyang kadarag-an Lakip man akon ginapasalamatan, ang Diyos nga labing gamhanan Nga mo ang tagtuga kag tuburan kang tanan.  Add as favourites (19) |  Quote this article on your site | Views: 1546
Only registered users can write comments. Powered by AkoComment Tweaked Special Edition v.1.4.6 |
||||||||||||||||
