Ang Asuwang

         Bata pa o gamay pa ako kang akun nabatian ang mga istorya tungod sa mga asuwang. Ang akun Lolo ay manugbulong kag kon diin lang ria tana ginatwag. Sa ana nga mga naagyan sa amon nga mga apo nasugid gid ra  nga daw hindi mapatihan nga istorya apang akun gid nabutang sa isip ko ang mga nagakahitabo sa iya pag agtu sa iba nga mga lugar sa Antique. Man-an ko nga wara bay ti sarakyan katu nga panahon kundi ginapanaw na lang bisan marayu pa. Ako man gid nagapati natungod sa asuwang. Elemantarya pa ako kang na agyan ko man ang pagpaambit kang malain nga espiritu o ana ni satanas nga mga pahito. Uhod ah man-an ko man kon sin-o ang mga asuwang sa amun lugar kay amo ra ang ginahambal man kang iba nga mga tawo  nga dapat gid mag andam sa amo nga malain ti ginhawa. Ay maan  gani nga akun gid ja nadumduman ang natabo kanakun. Nagapahuway  ako nga nagabatang sa katre sa balay ni Lola ko  nga katu ako lang ang isara nga natam-an ka kapoy sa eskuela naghalin kag pagkatapos ko kaigma nagbatangbatang anay ako. Sa akun pag idlip daw sa damgo lamang nga akun nakita ang isara ka pispis nga uwak maitom kag mabahul . Ang amo nga uwak nagatindug sa bukas nga bintana atubang kanakun. Nakita ko gid ang pagbangirit na kag dayun nagkambyo ang ana nga pungyahun. Kilala ko gid ang amo nga itsura nga nagbaylo dayun na nagpakuti nga maitom kag ako gindumog kang kuti. Nahulog ako sa katre pagdumugay namun . Lagabung  ako sa salug habang nadumog ko ang kuti nakagat ko ang ana nga butkon. Ti amo dayun naglumpat sa bintana kag nagturuk bangirit liwan kanakun nga ang ana itsura kilala ko gid man. Ang akun Lola ana nabatian ang lagabung ko sa salug. Nakita na ako sa salug naghiribihun. Ginpamangkot na ako kag ginsugid ko man. Kuon ni Lola ko mag andam run gid ako hay matuod gid ra nga ang isara ka asuwang makapabaylo ka anang itsura.

     Sunod nga adlaw ako gintawag sa opisina kag ginpalihog nga darhun pauli itugro ang amo nga tanum nga bulak sa ila balay ako naghapit. Kilala man gid ako ti nagbisa ako sa mal-am nga laki kag ginpasulod ako sa ila madulom nga balay. Derestso ako sa salas kag magbisa man sa mal-am nga bayi. Maputi gid tana nga mal-am kag talagsa ko man ra makita gid man bay ti sadyahan man ko nga istorya kana. Gatindog ako sa atubang na nga nagapungko sa iya siya. Tungod nga ginhaplos na ang akun labug nga buhok  akun man gid ginbalik ang pagkaput sa iya nga alima para hindi man ako malainan ka ginhawa. Akun nakita sa iya butkon ang akun kagat kag man-an ko gid nga ang lanug ay sa akun pagkagat sa butkun na. Ay ti man-an ko gid hay ang akun unto may sangkil kauna! Dayun ko kuon kana nga Lola andut gindumog mo ako? Sabat na kanakun ay”ma          an timo nga bata mabuot kaw nga bata”.  Dali dali na lang ako magkuon nga magowa run ko hay mauli pa ko sa takas bukid. Pag-abot ko sa balay ni Lola ginsugid ko sa Lolo ko ang natabo. Kuon na andut nagsulod ako rugtu kananda..mayad na lang nakagowa ako. Kag andut man nga wara ko gid ginsambit ang kagat sa butkon na para man gid madura run man tana. Ay mapatay gle ra tana kon akun ginsambit lagi. Ang kuon pa ni Lolo ko nga kon mapatay ang asuwang kag wara ti masunod o maamin kara habang wara pa malubong ang patay magabangun liwan kag hindi makapahuway. Ay tapos ta gapati gid ako sa amo nga sugidanun hay pag agtu ko man sa Nueva Ecija kaimaw ko nagtawas ko sa akun nga amiga nag uli sa anang lugar. Ay kanami lang makita man ang iba nga lugar kag amo man tana nagsugid kanakun nga may asuwang sa andang lugar. Ana man gid ako ginpakilala sa amo nga asuwang. May panglaban run man ko nga hindi malainan ka ginhawa hay may luy-a kag ahos ako nga gaangut sa akun bayo marapit gid sa akun nga pusod. Ay maan timo, rugtu ko naman-an nga ako manugbulong man hay nagkasakit sa busong ang ana nga libayun. Nag huyop huyop lang man ko kang ahos kag luy-a banyos sa lawas kag ginpangamuyoan sa Ngaran kang Dios nga Ama kag Anak kag Espiritu Santo kag magsign nga krus sa dahi,busong kag kahig na. Ay nagmayad man gid ang libayun na sa sakit ka busong. Pasalamat man gid eh sanda kanakun. Kang pagbalik ko sa Antique sa San Jose naghingga man ko sa balay ka amiga ko, ang iya nga hinablos nagkasakit busong ako man ang nagbulong pareho man ang ginhimo ko sa Nueva Ecija nagmayad man gid ang bata. Salamat man gid hay may akun nga magic touch kuno. Pasalamat man ko nga makabulig eh. Ti halin katu kon may nagkasakit sa busong kag namalhas ka todo ay amo ra lang ang ibulong ko kananda. Abe ko gani sa atun lang ra ang mga hitabo nga asuwang. Sa Japan, Guam ako katu amo man rugya man sa States gle ang mga asuwang nga sugidanon. Ay maan timo ako man gani ginapatawag kang akun nga mga kaingud rugya sa paghilot kag pagbulong sakit sa busong makabulig man gid ko kananda. Wara lang ako gabatun kang bayad halin kanada hay man-an ko sa akun lawas nagamasakit ako kon may bayad. Ay kang sa Hawaii man ako gani nagaobra ko sa Asian Marble Company may customer nga nagkasakit busong man gid kag balhas na nga todo ay nalooy man gid ko kag nagkuon ko lang nga magtawag dara ka ahos kag luy-a. Amo man gid ra ang akun ginhimo kag naayad tana. Pasalamat man gid ang Ilocano nga bayi.

        Mapati man kamo o hindi sa akun nasugid amo ra ang matuod nga akun man gid naagyan kag ginadara ko hasta kaja. Ang makuon ko lang nga amo ja ang ihambal nyo para hindi magsakit o maglain ang ginhawa” PORYA USOG” kag ang “ GIHIT GIHIT MAN KAMO AY BASI MASALAPAY KO KAMO”. Kabay nga matanum man gid ninyo sa kaisipan ang akun nga istorya.

	1. 19-02-2007 23:42
	well... in my own xperience..daw may jan guid man... everytime may mabatian ako nga weird noise of something like a bird kon nagapauli run ako aroun 11pm-12 am, gina hupa ako ... tested and proven, prayer lang guid maobra mo... pero kon kis a gina prolong ko pa for added thrill weeee... daw starnge ang feeling d mo ma xplain ahahah ur looking at your own body... Guest Report

ShaoZaltais

	2. 20-02-2007 00:24
	Pirmi ako nang ga "tabi tabi po" asta kadya, I also believe in "paranormal creatures". I never met "something" face to face pero physically duro ron nakapabatyag (technically, thanks sa shelters)... Been having dreams with demons on it when I was younger, lots of it.    Shao, nali imo ra feeling mo lang hay nahigh ko sobra lagaw.     Joke lang! Guest Report

123456

	3. 20-02-2007 07:04
	nen, sakto ra mga manifestations kang mga evil spirits/ demons...pero pasalamat ta sa Ginoo nga He who is in us is greater than he who is in the world. te kung si Hesus nga King of Kings and Lord of Lords rugyan sa kabuhi ta, hindi kita magkahadluk, hay ang mga espiritu nga ria kilala man nanda si Hesus kag gapati man sanda Kana, kag hadluk man sanda karia. they know their time is short te grabe pangdeceive nanda sa mga katawhan. te pili kita kung sa diin kita magsunod. kang una hadluk gid ako karia, pero kang naman-an ko ang kamatuuran, na-set free ako sa akun kahadluk. Guest Report

Jigsz

	4. 20-02-2007 13:10
	Ano ya mahimo ka tawo sa gamhanan nga Angel nga nag rebelde sa pagka soberanya kang manunuga ka lupa kag langit.    Nga gusto mag daug agud nga islan ya pag dumara nga lain sa kabubut-on kang diyos kag supak sa kabuhi nga himpit.    Sa pag sulay ni Satanas kay Eva kag Adan nag tuhaw ya isa kang isyu nga kun mag supak ya tawo sa diyos mangin tupong sanda sa gahom.    Ya pag kagat kang bunga nga guina dilian isa nga sala kag husto sa pag bawi kang kabuhi nga walay katubtuban nga si Satanas mismo naglaum.    Hasta nga nadara tong mga Angel sa langit nga nag rebelde sa diyos kag nag sunod sa malaut kag nangin mga demonyo.    Nag pangasawa kang mga bata ni Eva nga mga magayon kag nag bata it mga hegante kag nangin bantog sa malain nga tinutuyo.    Sa adlaw ni Noe dyang mga hegante na patay kag tong mga tatay nanda nga demonyo nga nangin tawo nag palagyo.    Balik sa langit agud makig away sa tunay nga diyosnon nga mga Angel kag kay Miguel, gin hulog sa lupa kag mag sulay sa tawo.    Espirituhanon nga mga demonyo nga may gahom agud empluwensyahan ya kabuhi kang tawo nga nagatuo.    Mga di makita nga Espiritu (kalag kuno), dwendi, kapri, tay-ho, aswang, voodoo, magic (black & white), siruwano, etc… mga pag tiplang.    Agud mag pati kita nga dyang mga binuhatan daw normal manlang kag pwede nga mag sulod ya tawo agud mapaidalman.    Sa gahom ni Satanas kag mga demonyo nga kun indi maka sakit sa tawo amo man nga papatihon kun ano ya pinaagi kang kalainan.    Isa ka bahin nga gina dumilian kang bibliya amo ya pag pangaswang, nga gin sambit kang Exudos 22:18, indi pag hinugtan.    Gani waay ti Otoridad diya sa lupa agud kumprontahon ya gahom ni Satanas, pwede ka bala mag reklamo nga gin-aswang timo?    Indi, kundi ya pag sarig sa diyos isa ka paagi agud batuan si Satanas kag dyang anang mga demonyo.    Note: Supernatural is not subject for natural laws.  Guest Report

This e-mail address is being protected from spam bots, you need JavaScript enabled to view it

	5. 20-02-2007 17:15
	kavalan mga asuwang..hehe Guest Report

Mhelj

	6. 20-02-2007 18:41
	nanay heheheh subra pa sa 100% na nagapati ako sa mga aswang nga ja hehehe... pero wara lang garing takun nadumog ba Guest Report

psyche

	7. 23-02-2007 11:14
	nanay ti ano nalang ra by kung ang mga tawo mga robot may aswang pa kaya sa antike? kung ang robot mapatihan pa nga ma tabo pero ang aswang andot kadja daw wra ko bati-bati(bati2x manlang) kauna pa man tana ria di bla? kung kanakon pa obsulit ron ria. insakto ria nga ang aswang isara ka kampon ka dimonyo t ano by kung sa naga buhay ang ang tanan naga robot,automatiko ano dumogon ka aswang robot?. Guest Report

This e-mail address is being protected from spam bots, you need JavaScript enabled to view it

	8. 07-04-2007 16:06
	hnd ikw mag kahadlok....... aq nakabati man aq kara nga estorya pro wra aq pag kahadlok kay ang akon reason upod ko si jesus kag hindi aq pagpabay an ni jesus kag ria nga estorya kahimo-an lng ria kng kaaway kag kun hina ang imo pagto-o sa ginoo sudlan kaw gd ka ria amo ria nga pra aq pagkahadlok sa mga amo kara nga bagay.Pero kun kaisa nga gabi-i mabatian q ra ang huni na           Guest Report

This e-mail address is being protected from spam bots, you need JavaScript enabled to view it

	9. 07-04-2007 21:37
	ang toud nga aswang heheheh una guid nag komento si shao bah,,,mapatihan guid man rian,,rako man istorya ka mga mal am kauna bt sa amat amat daw naga bago man ang panahon,,,,ang mga dumaan nga aswang daw amat amat na islan kang moderno......nga mga aswang..... kauna kang sikat sikat pa ang mga aswang rako naga ronda nga mga tanod pero sa kadya nga panahon nag pamunong run ang mga tanod,,,,kadya sa akon na obserbaran,,,nahadlok run ang mag aswang mag gwa kung gabii kapin pa ang mga laki nga aswang ,,,hehehe kay iba nga klase ka aswang ang naga libot,,kag indi lang sara kungdi sangka hukpong guid sanda...indi basta basta...may maskulado may slim,may long hair may short hair,,,ang iban may kapa ang iban wara,,,asta sanda kung kiasa kasanagun,,,    ja nga mga aswang ang bago nga tanod ka aton banwa hehehehe mabuhay ang mga moderno nga aswang,,,,,,,,,, Guest Report

kiao_wing

	10. 03-05-2007 16:34
	asuwang hay...2od gd man na sa amon gni brgy...may gina kunokuno man pro nd lng sure eh....pro xempre hlong ka at pray lnggd.... Guest Report

This e-mail address is being protected from spam bots, you need JavaScript enabled to view it

	11. 14-06-2007 07:26
	Asuwang kuno Ako, halin nga medyo bata pa ang paminsaron ko, wara gid ako pagpati sa aswang. I only believe in the power of God. Pero man-an man naton nga duro sa aton probinsya nga may linyada nga dugo nga mapinatihon sa mga superstitious belief. Pero kung ako papiliun, gusto ko man maging aswang, para kada bilog ang bulan mauli ako sa Antique sakay kng silhig, menus pa ako pamasahe sa eroplano. Ha!ha!ha! http://sabungero.com Guest Report

This e-mail address is being protected from spam bots, you need JavaScript enabled to view it

	12. 05-09-2008 11:11
	asuwang Raku nga istorya man ang akon mabatian....pero hadluk ron ang mga aswang sa kaya nga tyempo... indi da ron masarigan bilin ang tunga ka lawas da...labi pa baye nga aswang basi bala mabusong di na man-an kon sin-o ang tatay ....raku rapist kag adik. Registered Report

edburg

	13. 13-09-2008 20:44
	Asuwang Man-an ko nga ang istorya kang aswang indi matuod. Gamay pa ako wara pa gani mag- Grade One, sa akon madumduman, bahol gid nga kahadlok ang matugro kadyang mga istorya kang aswang sa mga kabataan pareho kanakon kato nga mga panahon. Pero sa akon pagbahol, hasta nakatapos sa kolehiyo, akon nabinagbinag nga istorya lang gid ang tanan, wara ti kamatuoran. Tam-an gid dya ka maraw-ay nga istorya, daw sa libak sa kalolooy nga mga pamilya nga ginakonokono nga mga aswang. Duro ang mga ginakono nga aswang. Kadya, tungod nga naka-eskwela man ang andang mga kabataan kag nakatapos kang kurso, nangin bahol man ang andang bulig sa komunidad kag kinaandan lang man sanda nga mga tawo. Relihiyoso, mabinuligon kag may ikasangkol sa pagbulig sa isgkatawo, may kaaram man kag pwede ipabugal. Kato, kang una tawgon lang sanda nga pamilya kang aswang tungod man gani wara ti tinapusan. Karon hay naghimurat, ti nagbaliskad ang paya. Makahuruya dyang pagtawag kang kapareho mo, kabarangay mo, o kasimanwa mo nga aswang, tungod gid lang sa libak kag indi manami nga mga paliton-liton kang istorya. Paano bay, kon ang nagahimo parapta kadya nga istorya amo man ang libakon kag pagakonokonohon nga aswang? Indi gid manami. Isara lang ang mahambal ko, paagi sa mayad nga edukasyon, ang kamatuoran magapapas kang disparatis nga istorya kang mga aswang. Ang kamatuoran nga dara kang aton pagtuo bilang sumulunod ni Kristo, magahilway kanaton sa amo dya nga mga kaisipan. Himuon naton ang aswang nga sangka istorya lamang. Wara ti kamatuoran. Kalolooy lang ang mga tawo ukon pamilya nga tawgon nga aswang, nagtigbaylo sa uwak, sa ayam, sa kuti, ukon ano pa man. Gindumog, ginkagat, nagmarka gid. Kon sulangon kag mabugno mapatay. Kon nagahimugto kag wara ti mangako ka anang pagka-aswang mabangon-bangon indi mapatay. Daw maranhig kono, manglagas hasta may maako... Mga bungang isip lamang. Gani istorya lamang.... Registered Report

pol_diana

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved