Nilaga nga kape, hawul hawul, pinakas

Baog nga ginisa, kag pinirito nga tinapa

Sawsawang suka, ahos kag paminta

Amu dya ang sampat sa pamahaw nga kagarana

Nilaga nga itlog, kamatis nga may sabaw

Amo dya permi kumbinasyun sa pamahaw

Isda man o ukon karne, mahal ang presyo kaja

Kaja dapli namun, sinugba nga dilata

Andut  ako nagbahul sa pagkaun nga amu ra.

Miskan ano ihanda kang pinalangga kong ina.

Indi ko kinanglan pa, mag gamit kang tinidor kag kutsara

Ang lima mas manamit pa.

Sardinas nga makahang, inutang lang sa tiangge ni manang

Manipis nga pandesal sa kape ginasawsaw.

Presyo kang mga baligya, kung di mo run masarangan

Mag antus na lang sa ginamus kag linapwahan.

edemadethird:

	1. 14-02-2007 23:22
	Namit ba! Abaw Jose kagurutum tana imo binalaybay.Sakto gid tana imo nga ria..bisan ano kanami turukon ang steak mas namit gid tana ang baog, hawol-hawol,pinakas kag tinapa kapin pa gid kon gakaon nga naga-alima. Nahidlaw gid takon kang hinanggop ba..... Guest Report

MarilouCares

	2. 27-06-2007 09:23
	Namit ba! haha i like reading this, daw nami man magtikal ang naghimu ba, pero tood magaling Guest Report

This e-mail address is being protected from spam bots, you need JavaScript enabled to view it

	3. 18-07-2007 22:23
	Namit ba!   Hehe... nice one, nagkalam man busong ko ba. Nali ko nahidlaw mamahaw kang saging nga sinugba kag maghigop kang mainit nga sara-sara. Guest Report

Katotoy

	4. 24-04-2009 13:36
	Namit ba! kang kami imol wala kinasarang  hawol-hawol man permi ang matirawan  linapwahan nga tigabang sampat man  kan-on namon kang mais dinapunan    kun magkaon gani dururungan magsandok  maghugas sa "caltex" ukon sararok  galima man kami kun kis-a gapangutsara  kay nami hamal mo kang sabaw ka laswa    karon kami nakatibawas sa kapigaduhon  may mayad nga pangabuhi ka obra nga kaugalingon  ang paglima bala daw mas nag-uso pa  kay kon fried chicken ang atubang mo  daw kabudlay ron mangutsara Registered Report

lauchengco

	5. 24-04-2009 19:22
	sampat gid 3rdddddd nami ba sampat gid mga combination mo hahahha    ma prito bala ko pinakas weeeeeeeee Registered Report

MeTeam

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved