Antiqueños Community Website - Province of Antique, Philippines

Friday, September 3, 2010

Text Size

Imo Ginbawi

Posted by Randy Matillano Tacogdoy

Music and Lyrics by Randy Tacogdoy
Interpreted by Merecar Gonzales

I
Indi run pag-ihani ang imong pagbiya
Nasugid run kang bangag kang kaging nga lupa
Indi pagpakita ang nagtahaw nga paghigugma
Nahambal run kanakun kang nagmara nga suba

II
Naglaya run ang mga bulak sa akun palibot
Indi ko mabatian kadlaw kang mga balud
Kalipay sa dughan ko hinali nasigput
Wara’t masapwan maski sa kahamuuk

CHORUS
Daad wara run ako nalipay
Kon kabaylo kasubu tuman kabudlay
Daad wara run ako nagkabuhi
Ay ang kahulogan kadya imo ginbawi

III

Man-an ko nga ang tanan nagatapos
Nagabutlak ang adlaw dayon nga maghingalup
Sa imong pagparayu nga wara ko ginpaabot
San-o matapos ang dyang pag-antos?

(Repeat Chorus)

BRIDGE

Daw uran indi ko ikaw mapunggan
Turo kang luha kada parayu mo nga tikang
Mahimo dar-a ang tanan nga handurawan
Kang akun gugma kanimo nagtalang

(Repeat Chrorus, one note higher)
(Repeat last two lines of Chorus)

Add as favourites (19) |

Quote this article on your site | Views: 1303

Comments (2)

	1. 09-02-2007 14:52
	Pwede run mapamatian rudya sa site. Para kanimo. Enjoy listening! Guest Report

Rundz

	2. 24-04-2009 14:20
	kun uyangan mo lang acay ang akon paghigugma kon daad ginpatuod ko gid lang sa iba pagpalanga ko kanimo takus kag wara pagduhaduha nga-a, nga-a tagipusuon mo bla pamangkuta kon maibalik ko lang ang mag nagriligad likawan ko ron ang imo pagpanghangkat ginpapati mo ako sa paghigugma nga bulag karon ang taguipusuon ko daw matiphag kabay pa ang hangin mag-untat sa paghuyop ugud to ang paginhawa ko magdulog indi ko run guid ja tana maagwanta hasta kamatayon pagabatyagon ko guid ja from franz vincent aguilar Registered Report

lauchengco

Only registered users can write comments.
Please login or register.