PANAWAGAN

Music and Lyrics by Bernie L. Salcedo

I.            Saranhun nga ginbaybay

              Ang Lonely Dreamer's Drive ginlakbay

              Nagatoo may langit 'gatohaw

              Bisan sa balay kang mga Banayaw

              Nagawiit, nagatiyabaw

              Butkun nga natunuk ginbayaw

              Ay, daw amat nga nagapadlos

              Ang damgo nga ginadanghus. 

II.           Paagto 'dya akun naagyan

              Nagaparangadi ang mga abyan

              Kang sip-onon nga may karantahun

              Nagahagad "tawas kanakun!"

              Kag ako man ang nakig-onong

              Nakighimakas, nagpabalhas

              P'ay koon na marayu pa gid

              Ang paghari kang kalinung

Refrain:   Ay, kon sa diin pa man  kag kon si sin-o man

              Ang malab-otan ka d'yang panawagan.

              Abi sogidi kami bala may kaposlanan

              Ang pagpatoro kang dogo ang banwa panghimatyan?

              Panghimatyan? o ho ho

III.         Kag akun ginpadayon

              Naodlot nga panglakatun

              Sa tunga kang kadulum

              Damgo nagtoytoy nga bitoon

              Rogto akun nalabayan

              Nagparanangis nahamuukan

              Laban kang mga tinogyanan

              Nagsorongon, nagtalang-talang.

Coda:      Iba run ang ginalaylay, iba run ang kalibotan.

              Iba run ang ginalahay, kwarta run ang ginatoohan

              Manogsagyap! mananggiti!

              Manogpaharab! estudyante!

              Abi sogidi kami bala may kaposlanan

              Ang pagpatoro kang dogo, panghimatyan...

              Ang kadungganan?

              Katarungan?

              Kahilwayan?

              Agud may kalinungan?

                             end
 

	1. 08-02-2007 19:34
	Nami daad ba kon maupload ang kanta or maautomatically played sa site sa February 11 as a tribute to the late Governor Evelio Javier. Para maappreciate man kang mga kasimanwa ta ilabi run ang mga kabataan pati man ang mga nagmaral-am nga nakaabot kang buhi pa ang Gobernador.     Sara sa mga kanta nga KINAHANGLAN GID MABATIAN kang sangka Antiqueño/Antiqueña. http://www.cafepress.com/kinaray_art Guest Report

Rundz

	2. 08-02-2007 23:41
	Gin-amot ko raad ja nga kanta para sa musical drama Evelio: Ang Tagdamgo ugaring ang balita ko indi magsakay ang tinaga kag basi ang musika sa baratyagun nga gosto kang tagsulat ka play kag na reject. T sa aga kang Pebrero Onse sa covered court kang central school akun una ikantahun kag gitarahan sa karak-an sa commemorative program. Basi may panahon 'kaw irimaw 'ta to. Guest Report

kalagoma

	3. 24-04-2009 14:44
	masakit apang matuod  kwarta ang ginatuuhan   kang mga kadaram-an  anhun ta ayhan ka pugung  pangabuhi pigado ron  sin-o ang dapat basulon  mga tawo ang sa pwesto  abi kamo magihu  pabay-an lang bala   ukon pasidungan ta  halit sa sibilyan  makataraka man    ini pagpanghangkat  kon kamo may balatyagon  pasidungog ja   sa aton kapigaduhon  sin-o pa bi   kon inyo ja likawan  sin-o pa ayhan   ang mas labing gamhanan    maluoy kita sa mga pigado  halos wara makaon   wara isulod sa busong  gaturo ang mapait nga luha  sa andang mata kon talupangdon  "hatagi pabor kami  ukon inyo man ulikdon  makaluluoy nga pidago  gapanuktok sa inyo perto  wala kami yapunon  paligban pa ang marahawon  bisan sikag lang   tapliki kami nga nagahiribion  sa kagutom"    bisan siguro ang daw may batu   sing baratyagon  mapkaw sining harambalon  bisan siguro kriminal  maluoy sa ila sitwasyon  kami nga may ikinasarang man  nagahimo man tikang  kon paano mabuligan  pinalangga ta nga mga  kabugtuan     mayad lang kon ikaw   may obra nga ginasarigan  kon wala gani   makaluluoy kaw lang  ang bug-os nga pungsod karon   daw tuman na gid ka pigado  dugangan pa abi sang mga   buaya sa gobyerno    kabay pa nga kamo  pukawon sa mga nagakahinabu  pukawon kamo sang  mga utod naton mga pigado  kag mahal nga makaako  mag-agubay sa inyo  para mabuligan   mga naga antus ta  nga mga kauturan Registered Report

lauchengco

	4. 25-04-2009 10:54
	agree ako kanimo rundz..    salamat sa pag post kadja bernie.. Registered Report

MeTeam

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved