Abi ko anay ang kabuhi
Tuman ka budlay
Pero kang pag abot mo, sa hinali
Ang tanan nangin masulhay

Ang tagsa mo ka pagyuhum
Nagapamag-an kang akun baratyagun
Ang ginsaruhan ta nga mga kadlaw
Nagapasanag kang tagsa ko ka inadlaw

Abi ko anay ang tanan
Wara run it paglaum
Pero kang pag-abot mo
Ang tanan natigayon

Sa tagsa ka tion kang akun kasakit
Rugyan ang imo alima,handa sa pagdapit
Bisan ano ka apgut,las-ay kag kapait
Basta rugyan kaw, ang tanan nangin manamit

Abi ko anay mabudlay para kanakun
Ang makaangkun kang butang nga marahalun
Pero tungud kanimo, tama ka kitaun
Ang kalipay ko,
Labi pa sang sa ana ka manggaranun

Kag kadya natun-an ko nga tungkadun
Ang tagsa ka rason kun andut
Rugya kaw sa tupad nakun
Padayon ako nga mangin mapinasalamatun
Sa adlaw-adlaw akun pangayuon
Nga kita magapadayon
Tubtob sa katapusan kang panahon

	1. 06-02-2007 17:20
	Tama ka nami! Guest Report

123456

	2. 08-02-2007 09:27
	very nice ! This is what true love is! Guest Report

MarilouCares

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved