Antiqueños Community Website - Province of Antique, Philippines

Sunday, March 14, 2010

Text Size

Daw sa kanami lang

Posted by Bernie Lagos Salcedo

Ang "Daw sa Kanami Lang" amo ang una ko nga balaylay o composition. Ginbalay ja kang 1969 kag influenced ja ka kanta ni Gary Lewis and the Playboys nga You're Sixteen. Kanta ja nga nagapahayag kang pagkinasadya imaw kang barkada kag pagkahidlaw kon wara ang barkada. Una nga ginkanta ja nakun sa San Jose kang 1976 (nabukian ang kalabanan kato) samtang nagapraktis ang Binirayan Band sa diin ako ang bahista. Ang original nga version ginmedley sa Lantawa ang Adlaw kag nagdaug sa Provincial SK Choral Singing Contest kang 1977 kag nag second place sa UP open pop song competition kang early '80's.

Daw sa Kanami Lang

Music and Lyrics by Bernie L. Salcedo

1 Daw sa kanami lang

Kon ang mag amigohanay

Hasta san-o sanda naga onongay.

Ang kahisa kag dumtanay

Madura pati inaway

Sa kataposan magatawhay

Ang kalibotan ay ay ay.

2 Dwa sa kanami lang

Kon ang imo nga palangga

Sa tupad mo kag tampad sa ginsompa.

Sa kapiut kag kasolhay

Sa kasubu kag kalipay

Tambi palad nagasoray

Refrain: Hay may kolang ang tagsa ka adlaw

Kon indi kita maka-iririmaw.

Kolang ang oras sa estorya kag kadlaw

Hana pa lang nga magburublagay

Nagasogod run ang kahidlaw.

Instrumental

Coda: Kanami gid batyagun

Kon naga-ogyon ang panahon kanatun

Kon kita nagatiriripon.

Repeat Refrain except last 2 lines

Hana pa lang nga magburublagay

Nagasogod run ang kahidlaw.

Kanami lang.

End

Add as favourites (17) |

Quote this article on your site | Views: 1495

Comments (9)

	1. 22-01-2007 01:48
	nami ba.... daw parehas lang sa kinaray-a.com... nong bernie, na record ja nga kanta? nami daad kon may jan nga record available pwede ta ipa upload rudya sa site kag mapamatian..... its a very good OKM!.... Guest Report

ztirfps

	2. 22-01-2007 14:01
	thnx gid ztirfps. Gintry day Dante B. i-record and minus 1 sa akun man pahanogot pro wra ko manami-an ka arrangement kay iba ang dating. Bisan pagduet namun pag launching ka website iba ang flavor. May pledges run enough gastoson magrecord pro gapangita pa ko ka arranger nga makadakup kang pitik nga gosto ko. ang Dwa gali sa 2nd stanza Daw ri-a. Guest Report

kalagoma

	3. 22-01-2007 16:30
	my favorite of all time Ginakanta namun dya kang elementary palang kami sa SACGS. It was last year kag nabatian ko liwan kay Dante B. when we where shooting the Kruuhaaay and Hamili Video. We were relaxing at sunset sa Tibiao after shooting, day 4. I truly fell in-love of this song kag wish ko gid nga marecord run diya imaw ka iba pa nga mga ambahanun ka "father of kinaray-a music," parehas kang "Panakayun", etc. Nong dayunon ta gid ang project ta. http://maniemjr.multiply.com Guest Report

This e-mail address is being protected from spam bots, you need JavaScript enabled to view it

	4. 22-01-2007 21:25
	my favorite of all time Tay Bernie, baw kadya ko lang naman-an nga bahista kaw gali... wara gid kaistorya si tatay nga miyembro gali ikaw ka banda. kon matandaan mo, may isara man nga Salcedo nga naga istar sa West Rembo, Makati, rapit lang kanamon sa East Rembo, lipat ko ka ngaran na, daw amo to lang ang naman-an ko nga Salcedo nga miyembro kang banda. sabagay, nabatian ko lang gani imo ngaran kang natabo ang disgrasya kanimo... (indi ko lang pa mention, man-an mo ron ra). Ti dya ko gali mabasahan ang imo nga mga handumanan.. 70's music ... in retrospect...hehehe Guest Report

Donz

	5. 23-01-2007 00:37
	my favorite of all time Promis manie. Tinguhaan ko gid kaja nga binulan. Salamat sa imo pagpati. Donz ang taga West Rembo si Dodong Salcedo -hinablus ko basi magpakarwa kamo. Urihi ko nga balita imaw sanda ka bana ni Dahlia Gentica sa Japan nagapamolya banda. Sanda raad nga darwa ginahulat ko mag-arrange mga kanta ko, he he he. pisli-an no? Guest Report

kalagoma

	6. 23-01-2007 22:11
	:) i looove this song! Guest Report

anne_0125

	7. 24-01-2007 05:10
	:) ay huod gali Tay, si Nong Dodong gali to. Kang naga istar pa kanamon sa East Rembo si Manong Arthur Salcedo nga bata ni Tay Junior, tana tong nagtudlo kanakon kang balay nanday Nong Dodong. Garing kang that time, daw wara tana to kay ga byahe man sa Japan... buhay ron to ... hehehe, indi man siguro makuon nga pislian. syempre iba gid kon eksakto sa timplada mo ang mag arrangement di bala. kon indi man magsanto sa imo nga orihinal nga tempo kag beat, ti indi gid nami ... well, it also makes me feel so elated to know nga "Father of Kinaray-a Music" ang akon nga long lost "tiyo." kay ti kadya lang man taton nagkilalahay gid rudya sa kinaray-a pa. Amo gid dya kuon ko nga ang dya nga website... duro gid mabulig kanaton tanan... in whatever aspect kang aton nga pagkatawo bilang isara ka Antiqueno. Guest Report

Donz

	8. 26-01-2007 09:33
	:) Thanx Anne. Kataposan nga panakayun lang anay pamatii. Kon may Pabulanan ikaw nga panimuut, peho mapokaw imo paglaum kang masadya nga pagkiritaay. Indi 'kaw maghibi ha? Guest Report

kalagoma

	9. 13-07-2007 08:08
	:) Da best gid tana kon si Nong Berns ang maubra ka kanta. Wara pa ti Antikenyo Composer ang ginasaluduhan ko gid sa patag kang kinaray-a music, si Nong Bernie gid lang...... kag wara run ti iba pa. "The Father of Kinaray-a Music." Guest Report

SAM

Only registered users can write comments.
Please login or register.