Kataposan nga Panakayun

Music and Lyrics by Bernie L. Salcedo

1    Ayhan sa lawud lang masapwan ang kalinungan

      Nga may dolot nga kalinaw sa wara't pagkahamtang

      Sa himag kang panahon kag sa haplos kang pagbangon

      Ako ang magapa-aboyon, hmm...hm, hmm...

2 .   Ayhan sa tabok kang gintaipan may masamputan

       Nga may aman nga pahoway sa lapyo kag nabudlay

       Sa pisngo kang kahidlaw kag pangako kang pag-iririmaw

       Ako ang magapa-otaw-otaw.

Refrain: Tubtub ang akun kapong-aw

            Indi magtahaw kag indi magbahaw

            Hmm tubtub akun nga mahakus

            Ang paghigogma mo kang lobos, indi makapahoway

            Ang dughan ko di makabatyag kang takus nga kalipay

            Kon di ko madapolay ang pinalangga ko nga akay.

3.    Sanglit ang kapalaran ta nabadlit, gintagik  sa langit

       Wara't makasablag o makahalit sa pagkita-ay ta nga nagahirapit

       Ma-onos man ang kalalawdan kag sa tabok wara't mapahowayan

       Akun padayonon ang pagpanakayun agud tagikun

       Ang mga kibo kang atun tagiposoon.

Coda:   Hay ang sulug kag ang amihan maga-ogyon man kanatun

            Kag sa imong paraiso kag duyan  ako habugun

            Haranahan ko ikaw kag isakay

            Sa kataposan ko nga pagpanakayun

Repeat Refrain. except last line

            Kon di ko madapolay ang pinalangga ko nga akay, hoo... hoo! 

                                                  End
 

	1. 22-01-2007 00:36
	genius paghawa anay ang tanan hay rugya run ang atun tatay... ang tatay kang kinaray-a music. Henyo gid ikaw nong bernie. This song is so lovely kapin pa kon ginakanta ni Dagny Beriong. Pero i can't wait to hear the original. iba pagid ang pamatyag kun ikaw ang mabuhi ka dyang mga tinaga. http://maniemjr.multiply.com Guest Report

This e-mail address is being protected from spam bots, you need JavaScript enabled to view it

	2. 22-01-2007 05:35
	genius Tay Bernie,    ano ayhan kon magproduce si Manie kang imo nga mga orginal music...MTV style... kinaray-a music at it's best...    kis-a ginapamangkot ko ang akon kaugalingon...kamaan bala ako magcompose kang kanta??? tuod gid, kamaan gid man, evidenced by 3 songs nga akon man gin compose nga akon gin post sa Encarnacion website (www.encarnacion.r8.org). ti indi ko rin gali pwede pamangkuton ang akon kaugalingon kon may talent ako... hahaha.. it runs in the blood.     ang akon gali pamangkot...sin-o gali sa roots naton ang may kinaadman (talent) sa music??? ang late Lolo Tonyo ko bala Tay ga kanta-kanta man??? si tatay ko bala daw wara man...hehehe Guest Report

Donz

	3. 22-01-2007 08:46
	genius Daw maponaw ako sa kalipay sa imo encomium manie ba. Dali run gid lang.  Donz kang panahon kang kamal-aman ta sanday Daddy kag mga pakaisahan na ginasogid nga manogharana tubtub sa kabokidan kang Dao. Ambay kon sin-o manoggitara kag soloist da. Kanogon, wara ko tana mapangkot kang bohi pa. Guest Report

kalagoma

	4. 22-01-2007 09:38
	work in progress Donz, I'm working out to produce the albums kang tatlo pa ka mga importante nga artist natun sa Antique sa bulig man ka iba natun nga mga imaw rugya. Sara diya kara si nong Bernie. By the way nong bernie, nag-istorya run kamo ni Nelson parte sa iba nga arrangement?     Imaw sa package ang paghimo kang music video bisan sara lang sa mga kanta nanda kun maabutan ka budget. Godwilling, 2nd quarter of this year. http://maniemjr.multiply.com Guest Report

This e-mail address is being protected from spam bots, you need JavaScript enabled to view it

	5. 25-01-2007 19:27
	work in progress yeyeyeyeyeyeh!    baw nami gid nong berns ang imong kanta..... kaina ko lang nabatian.    rubie rizza and sammy gave justice to the song..... nami ang blending kang voice nanda...    amo ja ang quality nga OKM from "Father of Kinaray-a Music"! hope to hear more of your compositions nong berns! Guest Report

ztirfps

	6. 25-01-2007 23:48
	work in progress salamat gid ztirfpz. tinguhaan ko gid ma-record and iba ko pa nga kanta. Koon gani manie, God willing! Guest Report

kalagoma

	7. 26-01-2007 17:46
	Loop I've been listening to this song I guess more than 20x today. Nakaloop lang kag ang maniki nga luha nagduaw sa akun mga mata.    haaay... kanami lang. images keeps on flashing on my mind. But I cant think of any visuals that could make justice to this song just in case mahimuan ja ka video. it will be a great challenge. amo ra ka pag-un ang ja nga kanta. Daw mabalik ako sa lugar nga wara ko pa maagtunan, sa oras nga wara ko kamaan kun kan-o.    Nong Bernie salamat gid sa pagtugro kabuhi sa amun tagipusuon through your words and melodies. Malawid pa ang biyahe, I'am so proud nga maka-angkas kanimo. Continue inspiring people. Sanka hulog man ikaw ka langit.    Henyo!!!! (Pero mas gusto ko gihapon ang version ni dagny) http://maniemjr.multiply.com Guest Report

This e-mail address is being protected from spam bots, you need JavaScript enabled to view it

	8. 26-01-2007 19:04
	Loop Manie, isipa nga sa lawud ikaw, nagabatang sa baroto,lapyo, gamo ang isip. Masanag ang bolan samtang ang balud daw nahuya, pahaplos nga naga dapya-dapya sa dagpak kang baroto. Kabiga nga si Sumakwel ikaw kag pira pa lang ka adlaw ginpapandag mo sa lawud ang imo asawa tungud luyag mo ipakita nga wara ikaw ti pinili-an, basta nakasala silotan kag sa kato nga higayon, imo ginpasolabi ang kaaraydan kang banwa sangsa kalipay ninyo nga mag-asawa... masubu, ginahanduraw mo ang masadya ninyo nga inadlaw ni Kapinangan... dayon imo naisip nga basi sala gali ikaw sa imo pamatbat hay nadulman ang imo isipan kang matabo ang tanan. Mabongkaras ikaw...imo nabatyagan nga nagpabilin nga tampad si Kapinangan sa pihak kang mga pagsolay kana ni Gorong-gorong. Wara maka-uli ang mga sorogo-on nga nagpandag... kag imo nabatyagan bohi si Kapinangan!!! Dayon mo batak ka layag kag magbugsay agud pangitaun kag pangaluyagan liwan si Kapinangan.   Amo ra ang eksena sa Hantik-i, ang Part II ka trilogy nga akun ginsolat. Ginpagwa ja namun kang Binirayan 1980. Basi makabolig ako sa koon mo nga visuals. Guest Report

kalagoma

	9. 27-01-2007 00:53
	Loop Tama gid ka subu... WOW! Salamat gid nong Bernie. Naga-imagine ako kadya. I have clearer views now. Ginbuligan mo pa ako kun paano ko i-eksplikar kay bern ang message kang kanta hay kaina na pa ako gina pamangkot. indi ko matranslate diretso sa tagalog hay tama ka dalum ang iba nga karay-a. Haha, amo diya ang ginahambal ko nga mga estorya nga manggad kang Antique na gusto ko ipagaw-un. Lalo ako nainspire sa film group nga gina plano ko dyan. If only I have millions, these stories will be on screen in no time. Sa liwan duro gid nga salamat. http://maniemjr.multiply.com Guest Report

This e-mail address is being protected from spam bots, you need JavaScript enabled to view it

	10. 31-01-2007 13:21
	Ibang Klase! What else could we expect from the Father of Kinaray-a Music? Ibang klase. Amo ja ang klase kang kanta nga nagadara kang pagbuut kag kalag kang Antiqueño. Duro pa rujan ria sa baul ginatago si Nong Berns... Duro pa! Guest Report

Rundz

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved