Antiqueños Community Website - Province of Antique, Philippines

Friday, July 30, 2010

Text Size

Pangamuyo kang Tagub

Posted by Randy Matillano Tacogdoy

Sa gawang kang kapilya kang irigasyon
Nagaluhod ang tagub sa pagpangamuyo it himpit
Agud magbalik ang buhay run nadura nga tubig
Ihatud kang maitum nga langit sa unahan naghapit

Ang kabuhay nga wara magkitaay tuman kalisud
Kumpisar kang tagub sa bangagun nga kalog
Patimaan kang anghel nga panganod tubig liwan mahakus
Mabaton dara nga mga grasya - sa busong masulud.

Naglipas ang inadlaw gin-novena kahidlaw
Tubig ayhan nakapanaw? Sa diin pa naglagaw?
Basi sa mga istasyon kang krus rugto pa naghapit
Naghalad kang amot sa mga lupa nga nagbaragtik.

Lao ginpangalawat kag pangamuyo ginsabat
Sa prusisyon nga nag-abot tubig nagtawas
Imaw mga ramo nga nagadinagusu
Sa paghak-un kang baho kang balaan nga insenso.

Add as favourites (41) |

Quote this article on your site | Views: 1282

Comments (4)

	1. 09-07-2009 10:04
	namarhan gid haw?haha, mahal pa man bayad sa irigasyon tapos, wara tubig? paawang ka na lang kag baklan motor patubig, para indi maayawan ka luhod-luhod ang tagub mo. nami...padayon. Registered Report

zeanra7

	2. 15-07-2009 19:48
	that's the point. pirmi mara kapin pa sa panahon nga kinahanglan mo tubig na. Kon tag-ururan nagapanglapaw, lumus paray mo. Kadya may proposal ipasemento mga canal para magamay ang uyang ka tubig sa pagsurup sa lupa kapin pa kon tag-irinit. Kabay pa madayon. Another point is ginahimo baralangan basura ang irigasyonnga nagmara. Registered Report

Rundz

	3. 11-08-2009 22:17
	semento tana amun ja rigasyon, lao tana ang karsada namun kun mag-uran. Registered Report

linapuhan

	4. 11-08-2009 22:23
	tagub nga namarhan sa kalog sa tag-iya kang tagub nga namarhan kang kalog, bakal du lang kang kalampay kun may maglibod. nami ba binalaybay mo nong, garut gid daan baha kang kalog kaja nga agosto. Registered Report

linapuhan

Only registered users can write comments.
Please login or register.