Tinaga kag yuhum kang pagpasalamat.Amo diya ang mabatian sa mga baba kag makita sa mga dagway kang mga Antikenyo partikularmente sa mga pasyente kag mga katapo kang Angel Salazar Memorial General Hospital kga pira ka mga lideres kang atun probinsiya matapos itugro kang katapo kang Kinaray-a.com, Inc. sa pagpanguna ni Engr. Fridy Panaguiton, ang 155 ka mga kapay kag hapin ka ulunan sa nasambit nga hospital. Ang diyang mga beddings nabakal paagi sa pagtinguha ka mga miyembro kang Kinaray-a.com, Inc. kag mga Antikenyo sa nagkalain lain nga parte kang kalibutan, nga makatipon kang pondo agud ipamakal kang amo nga beddings.Diya sandig kag naangut man sa handum kag tinutuyo kang mga miyembro kang Kinaray-a.com, Inc. nga makabulig sa sa andang isigka-Antikenyo kag makatugro man inspirasyon kag paglaum sa mga Antikenyo kag padayon nga mangin tulay kang pagbag-o.

Ang nasambit nga turn-over kag blessing kang mga beddings dungan man sa blessing kang bag-o nga laboratoryo sa nasambit nga hospital sa diin sa amo nga okasyon nangin presente ang atun Gobernador kag Bise-Gobernador kaimaw man sa pira ka mga duktor kag dinapit nga mga bisita.Sa amo man nga okasyon nagpahayag sanday Gob. Sally Perez kag  Dr. Ric Naciongayo, head kang ASMGH kang andang personal nga mensahe kag pagpasalamat sa Kinaray-a.com, Inc. ilabi run gid sa mga miyembro nga nagbulig agud matigayon ang pagbakal kang nasambit nga mga beddings. (palihog lantaw kang video para sa dugang nga mga detalye) Click Here...

	1. 28-04-2009 22:01
	Salamt gid sa balita Baw kon tulay ang paggahambalan. Kita tanan nga nagasinggit nga magbag-o ang pagdumarahan, iwakli ta ang sayod nga Format kang maantung nga leadership kang public servants kag i embrace ang bag-o nga fresh kag pure heart kang leadership kang New Generation. Ang tulay kinahanglan malig-on kag mabukod nga tulad magatiner kang bali 100 years. New generation maghugpong kita sa kadarag-an mag-umpisa sa kadya New Changes kang Antique.     Salamat gid sa Kinaray-a.com nga nagtuhaw ikaw bilang regalo sa mga Antiqueno tumanduk rudyan kag ilabi na gid sa nagrapala-ag sa bilog nga kalibutan. God bless Boss Fridy and Staffs of K.com Kruhayyyyyyyyyyyy! Antique. Registered Report

Consoling

	2. 28-04-2009 22:10
	Great Job! Initial lang ria nga nga Project kang naghugpong nga mga Antigueno. Duro gid nga salamat halin sa gamay nga bulig nangin bahul para sa Hospital kag mga pasyenti nga makabinispisyo. Kadarag-an run ria. Salamat gid sa Hospital Staffs nga rudyan sanda nga nagaserbisyo para sa ikaayong lawas kang atun pumuloyo sa Antique. God bless Antique. Registered Report

Consoling

	3. 29-04-2009 02:05
	wow its really inspiring na makita ang video..    congrats sa lahat na nag help and nag join force to make this project possible...    kruhayyyyy k.com  kruhayyyyyyyyyy antique Registered Report

MeTeam

	4. 29-04-2009 03:17
	Outstanding Performance!! Wow na wow gid! Kruhay Kcom!!  Duro gid nga salamat sa tanan nga nagbulig   Nami lantawon ang video ..More power Fridy for Kcom!! God bless All!! Registered Report

nenen422

	5. 29-04-2009 03:43
	well done wow ... salamat sa tanan nga nagbulig....    kruhay kinaray-a.com.....      padayon kita.... Registered Report

curllets

	6. 29-04-2009 22:55
	kahilwayan kag kalipayan kang antiqueños Ang kahilawayan,kalinongan kag kalipayan ay magumpisa sa pag kambiyo kang mayad kag manami nga obra.Amo ra nga mag umpisa ron kita maghimo kang mayad nga hirikuton kag ipakita sa aton mga masusunod nga henerasyon ang pagka mayad nga pagkatao sa isara isara kanaton:honesty,transparency, responsable kag trabahador amo ra ang mga antiqueños.Ipabugal naton diya nga ugali sa bilog nga kalibotan.Inyo diya aton diya bugal.    kruuuhaayyy antique.More power to kinaray-a.com and God bless all. Registered Report

nenengfe

	7. 15-05-2009 23:40
	kahilwayan kag kalipayan kang antiqueños kabay pa nga matuod gid nga sa agosto maumpisahan ang pag patindog kang bag-o nga hospital kang antique.tungod kinahanglang gid kang mga antiqueños ra nga serbisyo sosyal. Registered Report

nenengfe

	8. 22-07-2009 06:04
	wara gid kapay Naospital ako kaja lang, 2 nights ako sa alley antes makasulod sa room, duro nagapa reserve in advance, daw ticket bala sa eroplano haw. Wara takun katiraw ka kapay kag makita ko man iban nga wara man natugruan. Mayad lang kay ti may balun man kami nga beddings, kun sarigan mo lang ospital maramigan timu kahulat. Duro mga kuti galagaw, kinaon na pa akun siopao, gin-ihian na pa akun tsinelas. Ti ano na lang ran by. Registered Report

vicpjr

	9. 23-07-2009 11:39
	wara gid kapay Hahaha! Tapos ta. Tunto nga kuti. Abi ko na aprobahan run to ang milyones nga ospital kag abi ko, sige tulad ang paobra kg Ospital nga ria. Any development? Palihog i update kami. Salamat. Registered Report

zeanra7

	10. 25-07-2009 08:31
	wara gid kapay diya na lang ako sa abroad manginmatay guro, pati kuti gale kalambot sa hospital ngita pagkaon, tsk! Registered Report

matildatz5

	11. 27-07-2009 22:49
	wara gid kapay Vicpjr,Zeanra & Matildatz salamt sa inyo mga informasyon, diya pangayo-an gid naton kang explikasyon ang head doctor or ang administrator kang provincial hospital,kon diin nag aragto ang mga kapay nga gin donar kang mga miembro kang www.kinaray-a.com.Kag e explicar man nanda andot may mga kuti sa sulod kang hospital ano nga klase ra nga pag domara kang department of Health man, bawal ra sa sanitation kag hygiene, puede ra mademandar ang naga domara andot nga di kama-an mag dara kang mayad nga responsabilidad sa diin ang mga tinon-an nanda about sa Health ka ra man. sobra ron gid bala ka ignorancia o wara te mal-an ang mga naga obra diyan sa Hospital para ang mga kuti di kasulod baw embis nga magmayad ang pasyente te madablan pa kang iba nga mga sakit. grabe gid kn ako lang head doctor kang ra nga hospital baw ang di kama-an kon ano ang responsabilidad kang mga naga obra sa health te madora-an gid ra ka trabajo, kay wara te polos nga empleado.MGA WARA GID TE MGA POLOS NGA MGA NAGA OBRA SA HOSPITAL AMO RA KABAHOL GID CAPITAL LETTER GID DIYA SULAT KO PARA MABASAHAN MAN KANG MGA TAGA DEPT. OF HEALTH E INSPEKSIYON MAN NINYO KON ANO AY ANG ITSURA KANG ATON HOSPITAL. BAW KAMARAYHA. Registered Report

nenengfe

	12. 05-08-2009 09:30
	wara gid kapay Tnx sa info. Agtonan namun sa rum-an. Pamangkuton kung ano nga rason nga wara pa ginapagamit ang kapay... Duro gid na salamat sa suporta... Registered Report

fridy

	13. 07-08-2009 23:37
	wara gid kapay salamat Sir Fridy. Registered Report

nenengfe

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved