Nangin maduagun ang pagdumdum kang mga Antikenyos kang pag-antos kag pagkamatay kang atun Ginoo sa kadyang Semana Santa sa diin gindugok kang mga tumuluo kang ang tagsa ka mga Katoliko nga parokya sa Antique sa diin nangin higayon man diya agud magtiripon ang mga katawhan indi lamang bilang mga sumulunod ni Kristo kundi bilang sangka komunidad nga may buhi nga pagtuo kag pagkilala sa Diyos.

See more pictures...

Matapos ang misa sa tagsa ka mga parokya, partikularmente ang banwa kang San Jose kag Hamtic, nangin maduagun bangud kang nanari-sari kag life-size nga mga pasos ukon mga imahe ni Hesukristo kag mga santo nga may bahul nga kabahin sa istorya kang kaluwasan sa diin ang mga karo nga ginatungtungan kang nasambit nga mga pasos nga nadekorahan kang mga sulo nga may nanari-sari nga kolor kag bulak nga gapaindis-indis sa katahum samtang nagalibot sa banwa.

Sa pihak nga bahin, ang amo nga man nga okasyon nangin manami man nga
higayon man para sa mga negosyante bangud man sa pagdugok kang mga katawhan-bata, mal-am, pangayaw, tumanduk, Katoliko kag bukun.Nangin sangka ordinaryo pero manami nga ralantawun kag harapitan ang gairidas nga mga baraligyaan kangmga bag-ong bahit nga bingka kag iban pa nga mga baraligya sa kilid kang plaza kag sa binit kang karsada, bagay man nga gabulong kang kahidlaw kang mga tumanduk natun nga kabugtuan nga nagpanglugayawan sa marayu kag nagbalik sa andang lupang natawhan. 

Sa harum-an, Biyernes Santo hasta sa Domingo kang Pagkabanhaw kang atun Ginoo, ginasigahum nga raku pa gid   ang masaksihan kag ma eksperyensyahan kang mga tumuloong Antikenyo lakip man kang mga bisita kag pangayaw sa atun probinsiya.Kabay nga sa pihak kang atun kasakuon okun atun mga aktibidades indi natun paglipatan ang pagpamalandong kag pagkilala kang atun ginhalinan-ang atun gasarahanun nga Diyos nga nagpakatawo paagi kay Hesukristo agud luwasun kita sa kadudulman kang atun mga sala wara it labut kun ano man ang atun relihiyon, prinsipyo, lenggwahe,ginhalinan, kolor kang panit kag estado sa kabuhi bangud sa matuod kag wara it paglubad kagkamatayun nga gugma na kanatun.

A blessed Holy Week to us Antiqueños

	1. 10-04-2009 15:32
	thanks thanks steph sa effort in posting this kasama pa pictures..  haven't experience hollyweek sa antique but with this pictures you've posted ma recall ko ang celebration man ka sta. barbara the same sia di ko lang alam now ilang life size na image meron basta last yr 60 ang total count ko ehhehe..na miss ko man sama sa prosisyon libot sa banwa,always man highlight nun ang innovative and creativity ka bawat zone sa pag himo ka istasyon..thanks ulit sa pag post... Registered Report

MeTeam

	2. 11-04-2009 08:17
	salamat thanx sa pagpost ka mga pics ka prosisyon sa Antique, buhay ron ako wara ka prosisyon, baw na miss ko gid ja Registered Report

conie_2100

	3. 12-04-2009 05:11
	muchas gracias Muchas gracias por exponer las fotos de la semana santa de Antique, aqui en la website.Son imagenes preciosas.Os deseo a todos felices fiestas de la semana santa Y que el Díos os bendiga. Registered Report

nenengfe

	4. 18-04-2009 09:51
	kahiridlaw ba!!!!!!!!!!! salamat sa lenten reflection kag sa mga pix... nahidlaw ko mag semana santa jan ba...! Registered Report

batobantiling

	5. 23-04-2009 17:58
	Si Hesus! Si Hesus ang rason nga may Semana Santa kita kag ang ana pagsakripisyo kay tungod sa aton nga mga makasasala. Kabay nga ang atun pagtuo nahanungod sa iya pamaagi kag indi kontra nga ikasala pa gid naton (See Exodus 20) Registered Report

Enrico

	6. 28-04-2009 15:32
	great job god day antique mabuhay ta nga tanan nakamtam natin to kung tayo ay mag samasama sa pag ugwad kang probencya GOD BLESS US ANTIQUE KRUYAYYYYYYY..... Registered Report

bugoy

	7. 08-05-2009 03:10
	Ahay Wara gd takon kaattend dya kara ba rayo b ko mong.    iGadgetsToday  High PR Links  Laugh It Out Loud  Do-It-Yourself Videos  Jobs Hire Now  ArtzHive  Know JM  DoFollow Blogs  Tekigadyetz Registered Report

bs04c

	8. 08-05-2009 03:16
	Sa sunod lang takon sunod tuig mahingabot gd ko. daad makauli ko ba.      iGadgetsTodayHigh PR LinksLaugh It Out LoudDo-It-Yourself VideosJobs Hire NowArtzHiveKnow JMDoFollow BlogsTekigadyetz Registered Report

bs04c

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved