bawat haplos
     ng usok sa dibdib
     umabot hanggagng baga
     nalilimutan ang oras.

naglalarong pangungusap
     binubuga sa bibig
     kaawitan ng mga kulisap
     namumutawi sa kawalan.

unti-unting nauubos
     ang minutong kasama ka
     sa bawat paglapat
     ng labi ko sa iyo'y nakakaginhawa.

sa lamig ng gabi
     kapi-kapiling
     ang iyong init
     nagpapaalab ng damdamin.

hinahawi'y parang ulap
     kawangis ay alapaap
     tumatalukbong sa kasalukuyan
     hithit buga.

bulsa'y numinipis
     paulit ulit na hinahanap
     buhay ay tuyot
     upos ikaw'y katibayan.