| Bagyo sa kagab-ihun |
|
|
| Posted by Stephen Checa | ||||||||||||||||||||||||||||||||||||||||
|
src="http://pagead2.googlesyndication.com/pagead/show_ads.js"> nga nagwaswas sa kagab-ihun: hinali lang nagdinaguub ang akun dughan- ang mga tinaga kang imong pagpaalam kilat nga nagkihad kag nagsunog kang kalinung kag katawhay nga ginsaad kang atun mga handum ang pangpang kang akun tagipusuon amat-amat nga ginakabkab kang gahagunus nga ilig kang luha kag mga lay-un kang kahuyang halin sa nagkalbo nga kabukidan kang gintapas mo nga mga pangako dulum ang akun palibot kag gapungha ako sa kadalumun kang tubig kag lao kang kasakit ang karamig kang kasubu kag hapdi kang pagsarahanun gapanaludsud sa akun ma katul-anan gintabunan run kang damul nga gal-um ang langit kang atun paghirupay gapabilin nga saksi ang turo kang uran sa pagpirung kang mga bituon- ginkapoy sanda sa pagpadab-ot kanimo kang masubu ko nga kahimtangan daad antes palidun kang wara it pasunaid nga hangin ang nabilin nga dahon kang akun ginhawa mahutik na kanimo ang hingapusan nga pitik kag tinaga kang akun dughan- ikaw gid lang ang makaluwas kanakun.  Add as favourites (19) |  Quote this article on your site | Views: 587
Only registered users can write comments. Powered by AkoComment Tweaked Special Edition v.1.4.6 |
||||||||||||||||||||||||||||||||||||||||
