Thursday, December 4, 2008
Text Size
   
Kun ako sangka mamalaybay Print E-mail
Posted by Stephen Checa   

kun ako sangka mamalaybay
sulatun ko ang mga tinaga kag metapora
kang mga handum kang paghigugma
nga luyag mag ilwak rugya sa dughan ko

ang tagsa ka tubod kang tinta
mangin parehas kang pag-ilig kang suba
daw gugma ko nga wara pag-untat sa paghandum
nga dab-uton ang gibungan kang imong kasingkasing

dayon, Ipaanggid ko kanimo ang diyang papel
nga sa katahum kag kaputli indi ko mahangpan
kun ayhan angay kag takus ang parehas ko
magkuris kanimo kang indi mapara nga mga pangako

daad, ako run lang ang tinta kag ikaw ang diyang papel
ugaring sin-o ang magasulat kang atun mga tinaga
kun ang langit mismo ginauhaw sa mga metapora?
may paglaum pa bala nga kita mangin sara?

tun-an ko anay ang pagpamalaybay.

Add as favourites (18) | Quote this article on your site | Views: 565

Comments (5)
1. 25-06-2008 14:35
 
ok lang nami amn ang karay-a ang gingamit pero mas nami daad kung pure nga kinaraya ang ginpaggamit na hehheehe
Registered
  
estaka
2. 26-06-2008 08:32
 
diin jan kara estaka ang bukun "pure" nga kinaray-a haw?.. :)
Registered
  
datu_sumakwel
3. 26-06-2008 10:26
 
wow!
wow! datu, another master piece! keep writing! i love ur poem! this is simply amazing! grabe, thumbs up! :)  
 
zean~
Registered
  
zeanra7
4. 24-07-2008 12:19
 
wow!
ukon basi ang pamangkot, ano gid haw ang pure nga kinaray-a? 
ang pagsulat kang binalaybay bukut pa-"pure-pure" lang. may manami kaw nga dalming kag tumanduk nga tinaga bukut tuman agud mangin binalaybay run. importante kon paano gingamit ang tinaga agud makaangkun kang kaugalingun nga kahulogan sa sangka binalaybay.  
Ang wara ko lang manamian sa binalaybay mo stephen, andut hambalun mo pa ang "paghigugma" sa line 3, stanza 1, hay obvious man nga paghigugma ang ginangasal mo. with all the words like kasingkasing, dughan, gugma and all - overload run diya, nagaduhaduha kaw pa nga indi mahangpan kang ginahigugma ? ukon kang manugbasa?  
trim. trim. trim, steph. mas nami diya kon mas kontrolado, restrained ang pagdara mo.manami ang langit nga ginauhaw kang metapora, pero indi ko mahangpan kon diin naghalin dya. hay sa pagbukas pa lang, kuon kang kahagugma nagailwak ang anang dughan kang metapora. daw gamo ge?  
kag isli ang titulo, daw may false humility ang persona. andut makuon pa nga kon ako mamalaybay, hay nagbinalaybay run gid gani. ukon excuse mo dya hay man-an mo nga daw may kulang sa binalaybay mo. hehehe. indi manami. 
revise, steph.
Registered
  
datulubay
5. 24-07-2008 12:19
 
wow!
ukon basi ang pamangkot, ano gid haw ang pure nga kinaray-a? 
ang pagsulat kang binalaybay bukut pa-"pure-pure" lang. may manami kaw nga dalming kag tumanduk nga tinaga bukut tuman agud mangin binalaybay run. importante kon paano gingamit ang tinaga agud makaangkun kang kaugalingun nga kahulogan sa sangka binalaybay.  
Ang wara ko lang manamian sa binalaybay mo stephen, andut hambalun mo pa ang "paghigugma" sa line 3, stanza 1, hay obvious man nga paghigugma ang ginangasal mo. with all the words like kasingkasing, dughan, gugma and all - overload run diya, nagaduhaduha kaw pa nga indi mahangpan kang ginahigugma ? ukon kang manugbasa?  
trim. trim. trim, steph. mas nami diya kon mas kontrolado, restrained ang pagdara mo.manami ang langit nga ginauhaw kang metapora, pero indi ko mahangpan kon diin naghalin dya. hay sa pagbukas pa lang, kuon kang kahagugma nagailwak ang anang dughan kang metapora. daw gamo ge?  
kag isli ang titulo, daw may false humility ang persona. andut makuon pa nga kon ako mamalaybay, hay nagbinalaybay run gid gani. ukon excuse mo dya hay man-an mo nga daw may kulang sa binalaybay mo. hehehe. indi manami. 
revise, steph.
Registered
  
datulubay

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved