| RESERBA |
|
|
| Posted by Ai Pelingon Tarroja | ||||
|
src="http://pagead2.googlesyndication.com/pagead/show_ads.js"> Ang una nga promisa nga nabatian “Palanggaun gid mag-ginamo man tanan” --tuod tuod nga kalipay nabatyagan. Halin kato amo ra ginahawidan Kay warat rason para di pagpatihan Pagduwaduwa wara gid napinsaran Ang pagsarig wara pa gid namantsahan. Nagligad adlaw, bulan kag katuigan… Kaduroduro kang mga naagyan Ugali nagbag-o, pangako lipatan Amat amat nagsururupot ang tanan. Nagaabot ang oras nga nabug-atan Kay kumplikado, kapira dun ginbuy-an Gusto dun magpahuway sa urugtasan Pro kun maghinulsol, ginapatawad man. Proseso ngara daw warat katapusan Gapar-parayu, gabalik balik man Ang baratyagon ginasipal-sipalan Daw lastiko lang, yoyo ukon ‘seesaw’ man. Ang pagbinagbinag di ra malikawan Kag amo dya nagsulod sa paminsaran Dati nga ‘spesyal’ nahimo pasapayan Madumduman lang kun ginakahidlawan. “Iba ang Orig”, hambal kang kalabanan Pero daw mayambi gid kara ako dyan Kun may problema dapat nga istoryahan Di manumdom pirme lang maintindihan. Kaja… daw makurisong kun mapinsaran Ang ‘gapalangga’ baw! kis-a RESERBA lang Ay, bahi o laki nami gid sermonan “Di magsarig nga PALANGGA sa oras nga tanan!” -Dapat ang TSAKTO gid nga pagPALANGGA ha, ang may pag-ulikid bala… di bala mas nami?hehe- GODBLESS!  Add as favourites (20) |  Quote this article on your site | Views: 516
Only registered users can write comments. Powered by AkoComment Tweaked Special Edition v.1.4.6 |
||||