Pagtiraw mo kanakon, daw lasaw nga bag-ong bahit sa kawa.
Samtang naga-indakal pa, amo man nga duut-duut ka dila.
Pagbahin mo kanakon sa pasok nga surudlan ka tuba,
Ginhawa mo man kasalud hay basi maula.
Kar-on hay nahanginan takon kag naagahan,
Ay ahay, ang maragkut, nagsapra kag namarhan.
Kang nadura ang init, imo run ako pinabay-an,
Kundi nga nasubayan kag nalangawan.
Nagabalabag run gali ako sa imong tubug,
hay kon magpanaw ikaw, wara gid ba, bisan tandug.
Handum ko raad may kalayo ikaw dara kon mag-abot,
agud isin-ad ako, para liwan nga magrapuyot.
Only registered users can write comments.
Please login or register.
