Dayaw sa MYH 

kulang ang mga metapora kag tinaga
agud maipahayag ko ang kalipay
nga naglikup sa akun dila kag kasingkasing
kang tion nga ako ginsabak kag gin-angga mo

ayhan kaangay mo si Mararisun
nga nagparayu agud pangitaun ang kahilwayan
ukon sangka kubus nga gatahod kay Madyaas
ang imong ginikanan nga dungganun?

tawga ako nga bulahan; sa imong pagtatap
natirawan ko magpatunga sa nagalantawanay nga mga paraiso
sa diin ang paghinalup kag yuhum kang adlaw
nangin mas mabulawanun sa imong mga luyo

ang mga baras kang imong dughan
kag mga kadlaw kang gasinipal nga mga kabataan
nagapadumdum kanakun kang indi maisip nga mga damgo
kag handum nga pagatumanun sa imong pagpanaksi

ang imong mga balud kaangay kang sutil ko nga baratyagun-
wara gnakapoy sa pagharuk sa imong daray-ahan
kag paghulat sa pinalangga nga nagpanglugayawan sa marayu
samtang gina hutik kang hangin ang wara paglubad nga mga paglaum

nagbutlak run ang adlaw kangatunagbulagay
ugaring nagakudug ako sa karamig kang kasubu-
ang wara it suruklan mo nga katahum,katawhay kag pagtatap
paga-islan kang mga handumanan kag kahidlaw lamang

ugaring sa pihak kang umalagi ko nga pagparayu
paga ugduk ko sa tagsa mo ka pinusod kag sa akun tagipusoon ang pangako
nga lantawun ko liwan ang pagsinaot kang mga pispis sa imong hunasan
kag magabalik ao sa pagpamati kang matam-is mo nga ili-ili.

Filipino translation: 

Kasiyahan ng isang minahal
Papuri sa MYH

kulang ang mga talinghaga at salita
upang ipahayag ang kasiyahan
na namuo sa aking dila't damdamin
sa mga panahong ako'y iyong inaruga at minahal

maihahambing ba kita kay Mararisun
na lumayo upang hanapin nag kalayaan
o sa isang nagpapakumbaba at gumagalang kay Madyaas
na dakila mong magulang?

tawagin mo akong pinagpala; sa iyong pag-aruga
naranasan ko magpagitna sa nagtititigang mga paraiso
kung saan ang takipsilim at ang ngiti ng araw
ay naging mas ginintuan sa iyong paglingap

ang mga buhangin sa iyong dalampasigan
at ang mga batang naglalaro sa pagsilip ng dapithapon
ay nagsisilbing paalala sa akin ng mga di mabilang na pangarap
at mga naising pilit tutuparin sa iyong pagsaksi

ang iyong mga alon ay kasing kulit ng aking pagsinta;
di na napapagod sa kahahalik sa iyong mga kabatuhan
at paghintay ng isang minamahal na pansamantalang nagpaalam
habang ibinubulong ng hangin ang walang kupas na pag-asa

sumikat na ang araw ng ating paghihiwalay
ngunit ako'y nanginginig sa ginaw ng kalungkutan-
ang walang sukat mong ganda, katahimikan, at pag-aruga
ay mapapalitan na lang ng mga alaala at pangungulila

ngunit sa kabila ng minsan kong paglayo
itatanim ko sa iyong pusod at sa aking puso ang pangako
na muli kong panonoorin ang pagsayaw ng mga ibon sa iyong aplaya
at babalik ako upang muling pakinggan ang matamis mong ili-ili.



*Tuduk sa tagipusoon nga pagpasalamat kay Mommy Liezel delos Reyes kag sa mga
staff kang MYH Beach Resort Culasi Antique sa naga daba-daba nga pag abiabi sa mga miyembro kang Kinaray-a.com, Inc.
Nalipay gid kami. Kag sa akun mga imaw: emo_cute, rayr, maryluthganda,  artebadong kag gigi raku
gid nga salamat sa mga yuhum kag harakhak.Uman sa liwan.

	1. 28-05-2008 11:33
	Thank You Datu,    Thank you sa manami mo nga binalaybay.    Ga pasalamat guid kami it hanggod.    Sa diin paagi sa binalabay nga ja natugruan mo it bahol nga yuhum ang amon tagipuso-on.    Salamat.. Kag hasta sa sunod nga pag iririmaw naton sa MYH    Ang naga palangga,  Mommy Zel Registered Report

leizel_joanne

	2. 28-05-2008 15:41
	ahay, katam-is kang imo mga metapora daw sa ano lang ka tam-is ang imo mga metapora, kaangay kang imo mga binuhian nga mga tinaga nga nakasab-it sa imo binalaybay, nga akun gin ligun-ligun kag gitunlon nga mga pagpalangga.    Gina paminsar ko ang mga ragkut kag basa nga mga ambun sa akun uyahun, sang ginlatas natun ang culasi hasta malab-ot ang mararison, abi ko hasta sa akun pag bugtaw tana magapabilin nga sangka damgo....    buhi gali ang mga tinaga kag kamaan mupenta, sarang man mupadayun ka esturya ka atun mga naagyan sa MYH. Registered Report

artebadong

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved