siyam ka bulan
nga ginputos mo ako kang pagpalangga
mabug-at man pero imo gin-agwanta
asta nga ako imo gin-una
kag akun nasaksihan yuhom sa imo nga mga mata

ikaw ang nag-una dapit kang akun alima
kang nagdapat ang akun mga kahig sa lupa.
kag kang ako nakadusmo,
ikaw man ang nag-una salo.
ngaran mo ang una ko nga ginmitlang,
kag kang imo nabatian, ang imo kalipay daw indi mabaydan kang bulawan.

nanay ko ikaw
indi kay ikaw ang nagbata kanakun
kundi tungod nga ginpakita mo kanakun ang sakto sa sala,
kag kang ako napaslawan,
dyan ikaw gihapon,
padayon nga nagapati sa akun nga ikasarang.

nagbahul ako nga may kahadlok kag pagtahod sa akun isigkatawo
tungod wara ikaw nagkulang sa imo pagtudlo
kag asta nga madangat ko ang akun mga damgo
magaserbe ikaw kanakun nga kasanag kag ehemplo.
sa akun padayon nga pagtikang paagto sa lugar nga ginatigana kanakun,
ang buto kang pagpalangga padayon nga mag-pamukadkad kag magtubo sa akun pagkataho.

	1. 09-05-2008 21:56
	waaaaa! anne! nami gid! daw mahibi ko,huhuhu!    dumduman ko liwan si nanay(pisngu). Pulo run katuig ang nagligad kang tana nagtaliwan. Nay!!!Salamat sa mga kasakit kag pag-antus mo kanamun para kami buhiun kag palanggaun. Insakto gid hambal mo, nga makabayad lang kami kg amun kabaraslan kanimo kun kami mangin nanay run man pareho mo. Now...I am paying... Registered Report

zeanra7

	2. 10-05-2008 16:24
	Ang nanay isara lang,kag hindi mabaylohan.So happy happy mother day sa tanan tanan nga mga mother.Duro gid nga salamt sa inyo mga palangga sa amon, sa inyo pagsakripisyo kag sa pag aguwanta sa amon para madangat man namon ang amon mga ilusyon sa pangabuhi.I´m proud of you. Registered Report

nenengfe

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved