~~langoy ta ;-) ~~

Ang kabuhi daw sangka nami nga isla

May tubig sa palibot--mu ra ang 'gugma'

Nga bisan sa una mo pa lang makita

Ay abaw gid, daw ikaw mahara hara...

Daw kanami lang gid dayun ang magtusmog

Bisan ang kadalumon asta sa liug

Naganyak magrigos asta magkurudog

Kag maghapa sa baras nga ramug ramug.

Kun maumpisahan dun ang pagtampisaw

Sa tubig nga pirte ka linaw kag bugnaw

Sigurado gid nga mapaayaw ayaw

Ang pagkalangkag, ay, nagaparanglapaw.

Duro nga bes gulpe gaabot ang balud

Nga kis-a grabe gid ka baskug kag bakud

Kaw gabaraliskad, buhok gasarabud

Katulon pa ka tubig... pait kag aplud.

Kun ja matabo sa di anad nga tawo

Dayun matakas o dudla gid siguro

Pero kun 'baybay' spesyal sa kabuhi mo

Di gid hadlok maglangoy bisan gabagyo.

Sa iba amu gid ra ang ginahandum

...nga sa tubig ka isla kasalum salum

Bisan pirte ka kapuy kag ginakurom

Nami nami lang gid magpahurom hurom.... ;-)

(~~halin sa gaenjoy gid langoy sa 'gugma', kamo tana?hehe~~)

Godbless sa tanan! 

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved