Ang malawid nga paghulat kag pagkalangkag kang mga Antikenyo sa kun sin-o sa trese ka mga maaram, matahum kag manayanaya nga mga kandidata ang mangin mapalarun nga maga suksok kang korona bilang Lin-ay kang Antique 2008 ginsabat kadya nga gabie Abril 26, 2008 rugyan sa EBJ Memorial Gymnasium, Binirayan, San Jose, Antique.

Ang diyang nasambit nga prestihiyoso nga paindis-indis kang katahum, kaaram kag abilidad ginsaksihan kang mga katawhan sa nanarisari nga estado;kabataan, ginikanan, mga lideres kang probinsiya, mga pangayaw kag mga dinapit nga bisita sa diin tanan may tagsa ka mga ginalauman, gina suportahan kag ginapangamuyuan nga kandidata kag sa diin, matapos kang pira ka adlaw nga pagtuon, paghanas kag pagpakita kang andang ikasarang, ang Lin-ay kang Pandan nga si Ms. Emmerie Dale Mecenas Cunanan ang nangin mapalararun nga mangin ambasadora kang mayad nga tinutuyo (Ambassadress of Goodwill) kang atun probinsiya sa bilog nga pungsod kang bug-os nga kalibutan. Tana kadya maga representar kang atun probinsiya kag kang bilog nga Antiqueño sa bug-os nga kalibutan paagi sa pagkabuhi bilang sa huwaran nga Antiqueña nga may kaaram, abilidad kag ikasarang sa pagtib-ong kag pagpakilala kang atun kultura, manggad kag kadayawan bilang dungganun kag maragtasun nga rasa.

Nangin mapalarun man nga mangin kaubay kang atun Lin-ay sa anang pagpamanakayun kag pagpasidungug kang atun probinsya sanday Ms. Natalie Dale M. Roberts-Lin-ay kang Libertad bilang 1^st Runner up, Marnelli A. Sales Lin-ay kang Bugasong bilang 2^nd Runner up, Stephanie J. Juanitas-Lin-ay kang Barbaza bilang 3^rd Runner up kag April V. Ordanel- Lin-ay kang San Jose bilang 4^th Runner up.

Sa harum-an nga adlaw magatapos ang Binirayan Festival 2008 kag kabay nga kaimaw sa mga napilian nga mga Lin-ay, kita nga mga Antiqueño magapadayon sa gihapon sa pagbiray paagto sa kauswagan samtang padayon man kita nga maga balikid sa atun ginhalinan kag padayon nga ihugyaw ang atun pagka dungganun.

Kanatun tanan,nagapugaas kag nagaragumu nga pamalakpak... Kruuhaaay!!!!

	1. 27-04-2008 04:14
	congrats.... congrats sa ms. pandan... mahambal ko man na manami ikaw kag maaram... promote mo guid ang antique, pakita ang pagka matood tood na antiquena...di magmayha mayha magkaray-a ahm hehehehe kruhayyy...     congrats sa kay admin kag sa tanan tanan nag effort.... financial kag moral... thank you guid sa live stream... sa pira ka tuig kaja lang ako liwat ka lantaw ka lin-ay ka antique .....hihihihi Registered Report

psyche

	2. 27-04-2008 05:02
	Miss Antique Matahum, maambung, maanyag kag maugdang manahintahin ang Pandanun nga nahimong Reyna. Congratulation! Ikaw bugal kang Antique. Kruhay.....kinaray-a.com salamat sa inyong katutum kag ang okasyon nagmadinalag-un. Registered Report

Consoling

	3. 27-04-2008 11:22
	Congratulations... Sa Tanan Tanan nga nag partisipar sa pagka lin-ay kang antique, Kag sa mga nagdaraog, ilabi na guid ang miss pandan, congrats.    Sa kcom, congrats... kay dungan man na kita kag nasaksihan kang mga antiquenos sa bilog nga kalibutan ang successfull nga pagsa-ulog kang binirayan... sa liwan ginatamyaw ko guid kamo... salamat... Registered Report

are_nize77

	4. 27-04-2008 11:28
	Congratulations... she deserves the crown.. obviously, the judgment was fair and there's no doubt that miss Pandan satisfied the crowd..  congrats to you! and to fellow Pandananons!! Registered Report

dydy

	5. 27-04-2008 13:50
	pgtamyaw kay ms. pandan mainit nga pgtamyaw kay miss pandan! ang mga pandananon nagapanginbulaha sa imo...nagtugbong kw sa san jose kg nagbilad kang imo kinamayad...congratulations! were proud of you! Registered Report

panganod

	6. 27-04-2008 17:32
	pgtamyaw kay ms. pandan congratulation sa mga effort kang inyong mga trabaho ,kag sa mga magsupporta(economics),kag sa mga nagtugro kang ayuda moral nga matupad ang mga damgo kang mga miss lin-ay antique2008.CONGRATULATION MISS ANTIQUE KAG SA BANWA MAN KANG PANDAN.Bugal ikaw sang Antique. kruhaaaayyyyyyy Miss lin-ay Antique 2008. Registered Report

nenengfe

	7. 27-04-2008 23:21
	congrats... sa ms pandan, sa pagdaug bilang lin-ay kang antique 2008 ... kabay nga mangin lifestyle nimo ang pagpalapnag kang antique kag kinaray-a sa bilog nga kalibutan. kabay nga ang imo reign makahimo kang significant nga difference sa mga taga-antique para sa ikamayad kang kabuhi kang tanan. tall order pero you have to ... see you in bangkok! Registered Report

Jigsz

	8. 28-04-2008 12:42
	congrats... no wonder gid tana!!zeanne deserves the crown...he way she answers he question, gosh!!!maaram gid!!!mecenas ra!!mecenas pride!!!! Registered Report

sharie

	9. 29-04-2008 06:18
	congrats... You're so smart Ms.Pandan and im so proud of you Congratulations!  Im so glad for being there......Kinaray-a.com Registered Report

bingbing

	10. 29-04-2008 18:00
	congrats... hmm,wara ko klantaw but congrats lng sa mga ngdaug!! rad my pic man kng host.. c sedfrey cabaluna..hehehe Registered Report

arnette

	11. 01-05-2008 16:41
	congrats... congrats zeanne!!! hambal ko gid nga ikaw ang madaog, ikaw pa God bless!!! Registered Report

djsixteen2002

	12. 06-05-2008 18:38
	natalie grace should've won the pageant i think natalie grace roberts deserve the spot to be crwned as lin ay sng antike... she is smart, talented, photogenic, frendly and pretty... she have already the capability of winning this searcj at a young age... she has many serch won and she has great pontential of joining various pageants... but thats only my opiniion.. congrats to the winners!!! Registered Report

Aidz J Perez

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved