Nag-umpisa run ang selebrasyon kang Binirayan Festival sa kadya nga tuig.  Masadya nga nagadumok ang mga taho sa plaza kun sa diin may nasari-sari nga mga exhibit booth nga ginpatindug ang mga nalain-lain nga banwa kang probinsya kang Antique.  May mga organisasyon man nga nagpakigbahin sa amo nga aktibidades.  May exhibit booth man nga nagadisplay kang mga gamit halin sa Thailand. Ginbuksan ang Pasundayag kag Food Festival kang April 24 kag pagahiwatun asta sa April 27.

Ginhiwat kaina kang aga ang Biray kang Barangay sa Malandog Beach. Nangin madinuagun man ang Torch Parade kaina kang alas-singko sa hapon. Nagtiriripon ang mga katawhan kang Antique sa plaza kang San Jose sa paglantaw kang fireworks display pagkatapos kang Torch Parade.  Sa kadya nga gabie, pagahiwatun man ang Binirayan Ball sa Pinnacle Suites.

Ang Kinaray-a.com nagapakigbahin sa pagselebrar kang Binirayan Festival 2008.  May kaugalingon nga booth ang atun website sa plaza kun sa diin ginapakita ang AVP kang website kag ang mga music video kang mga Kinaray-a nga kanta.  Live man nga ginastream ang mga nagakaratabo sa plaza paagi sa atun website.

Ang ginahulat-hulat nga Lin-ay kang Antique 2008 pagahiwatun sarum-an, April 26 sa EBJ Gym.

	1. 26-04-2008 04:06
	Aguy nami ba! Samtang ginabasa ko dya daw rodyan lang ako nga nag-imaw kaninyo. Salamat gid sa updates kang masadya nga okasyon sa Binirayan... Kruhaaayyyyyyy Antique. Registered Report

Consoling

	2. 26-04-2008 07:55
	binirayan festival 2008 abaw nahidlaw gid ba ako kang Antique.duro gid nga salamat sa diya nga updates ti daw diyan man ba ako sa inyo bisan rayu ako.Antique I Love You.Te Amo.Te quiero Antique Kruhaaayyyy binirayan. Registered Report

nenengfe

	3. 26-04-2008 14:24
	binirayan festival 2008 Salamat gid! ay kasadya lang makita kag mabatian ang gaginahud nga mga nagatarabong sa okasyon kang binirayan bata man o mal-am..ay abaw mayha man gid mga tawo bah maghambal kamusta o magpakilala sa camera nga behind jan kami nagaturok kag gapamati..sadya lang gid gahulat na lang ka pasundayag kang mga Lin-ay.sin-o blah magadaug? Congrats sa tanan ah. Registered Report

nenen422

	4. 26-04-2008 22:52
	binirayan 2008 kon sin-o man sa inyo nga mga lin-ay 2008 ang magda-og congratulation sa inyo tanan tanan.Kay kamo ang bugal sang Antique enhorabuena y suerte hasta el año que viene...muahhhhmuahhhhh sa tanan tanan Registered Report

nenengfe

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved