gulpe ko ko lang ko naganahan... sulatun ang akun nabatyagan...

(kabay pa mangin mayad gid ang guwa kaja pagpost a =) 

Ay abaw kauna kang edad ko tatlo

daw mal-it dn kuno ako kun mag giyo

kapin pa kang ako nag abot sa 'pito'

hambal da pirte dun kuno ka seryoso.

Amo ra ginahambal kang mga tawo

rugto sa pinalangga namun nga baryo

sa mata ka tanan pirte ka aktibo 

magtuon di maawat kang bisan sin-o.

Pamilya ko sarado gid Katoliko

kada sirom pirme gid nagamisteryo

kay kun hindi mangara si lola Can ko

wara gaabsent sa misa kun domingo.

Pamatyag da ang mga laki DEDMA ko

bilib mga mal-am kay konserbatibo

pag-abot ko kang hayskul... ay abi ninyo... 

duro pamangkot san-o timo manobyo?

Ang wara lang maman-an kang mga tawo...

nga may crush dn ako halin pa kang grade2

pagtago kang nabatyag ako eksperto

bisan sa 'puppy love'... stick to one gid ako.

Haha, pirte gd ako ka masikreto

pero kun sagad kaw ako mabuking mo

gahulat lang ako kang tsakto nga tyempo

kag siyempre pag-abot kang tsakto nga tawo.

Nag abot TANA, ako sa kolehiyo

wara naexpectar kag wara naplano

ang ginkabig ko nga mabuot nga migo (mean: 'friend') 

'espesyal' gali sa tagipusuon ko.

Duro  dn gid ang natabo halin kato

kalipay kag hibi... tanan naagyan ko

sa pinalangga ko, gusto ko man-an mo

hambal ka 'heart' ko, 'i love you'... todo todo.

;-)

yodi? hehe... syempre dapat lang gid kita mag palangga sanggatos ka porsyento.... 

Godbless sa tanan! :)

	1. 07-03-2008 09:50
	Nami!!!! Nami bah...enjoy ko basa, nami liwat-liwatun...good job...mu gd tana ra, todo-todo..dara singgit dayun!!!.. Registered Report

neonflux

	2. 08-03-2008 12:28
	;-) hehehehe.... mu ra kun magpalangga ang adik sa gugma..... hehehe, pero dapat lang pirme todotodo gd man... para 100% malipayun salamat sa komento! Godbless! Registered Report

futiefutz1

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved