Nanamitan gid takun kanimo:

Ikaw ang pagkaun nga nagatugro
Sustansiya sa masakitun ko nga pagkatawo

Ang imong mala-dugus nga yuhum
Nagapatam-is kang malas-ay ko nga paglantaw sa kabuhi

Ang ragumu kang imong mahagpok nga mga haruk
Nagapukaw kang nagakaturog ko nga kasingkasing-

Naturugan sa kakapoy kang paghulat sa katumanan
Kang mga panaad nga nangin maaplud nga sabor kang akun kahapon

Ang kainit kang imong mga haplos kag hakus
Daw bag-ong bahit nga mga metapora sa sig-ang kang pagpamalaybay;

Ang akun mga kaugatan nga nakusug sa karamig
Kang kahidlaw kag pagpangalag-ag

Nangin gaindakal nga paglaum kag baratyagun
Nga luyag mag-awas sa punta kang akun panulat.

Padayon ako nga magakaun kag sa tagsa ko ka pagtulun
Ginapanuruk ko ang tambuk nga lawas kag kalag-

Matutum kag pagsik sa pagpadayon.
Salamat gid sa imong pinasahi nga unaw. 

	1. 02-03-2008 06:41
	Sampat gid kag husto unaw na migo. Nanamitan man ako hehehehe!  Bear in mind lang nga indi tanan nga ginakaon ta mayad sa lawas, usisaon kag pilon ta man.... Registered Report

Enrico

	2. 29-03-2008 13:19
	hahaha ...migo inde tanan nga namit mayad bay hehehehe..pro importante busog ta ha whahaha....purya hi blood lng kag leukemia eh heheh Registered Report

datu_sumakwel

	3. 29-03-2008 20:03
	hahaha buhhhhhhhhh fafa datz la ka na gid mapinsar pati sa poem pagkaun man ghapon hehehehehehe. remember may crisis kita kadya sa bugas hehehehe di anay kita magkaon 3 ni emo bwahahahahaha Registered Report

maryluthganda

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved