Sa tanan nga makabukas kag makabasa sa kadyang website sangka mainit gid nga pagpanamyaw halin sa banwa kang Belison

Guina kalipay ko gid kang bahul ang pagbukas kadyang website BELISON NATIONAL SCHOOL GROUP rudya sa KINARAY-A.COM. Sa dya nga paagi may linya ron kita ka komunikasyon halin sa Belison National School Community paagto kaninyo kon sa diin man nga bahin kang kalibutan kamo napahamtang bangud ayhan sa pagtuon, pag obra ukon sa kon ano pa man nga mga rason.

Ginapasalamatan go gid kang lubos ang nag paninguha agud ang dya nga website mataho sa kay MR.MATE (Mr. Allan Tagle) duro-duro gid nga salamat kag kabay nga imo dya mapadayon agud duro pa gid mga mag miembro ang makagamit kag aton gid mapuslan kang husto ang imo gin pangabudlayan kabay ang aton Mahal nga Ginoo maga padayon sa pag ubay kag pagtugro pa gid kang duro nga grasya kanimo a[kag sa imo bug-os nga pamilya.

Bilang presidente kang BELISON NATIONAL SCHOOL ALUMNI ASSOCIATION akon gid gina agda ang tanan nga mga ALUMNI sa pag pa miembro sa kadyang grupo agud mangin madasig ang amon pag pamaan kaninyo kang mga aktibidades, programa kang mga proyekto kang aton asosasyon. halin sa kadya nga adlaw akon pagahimuon ang dya nga website bilang opisyal ko nga medium ukon pama-agi sa pag pamaan kaninyo tanan kang mga aktibidades kang aton assosayon. sa pihak nga bahin kamo pwede ron direkta nga maki pag estorya kanakon kang inyo mga plano kag mga suhestyon kon paano pa gid naton mapa baskog and aton asosasyon para aton mabuligan ang pag pamayad pa gid kang aton ALMA MATER ang BELISON NATIONAL SCHOOL.

Pwede kamo maka padara kang inyo mga mensahe paagi kadya nga website o direkta sa akon e-mail address (awi.konsehal@yahoo.com.ph ) ginalauman ko gid ang inyo padayon nga pag suporta sa aton asosasyon.

Hasta sa akon masunod nga pag pakig-angot kaninyo duro gid nga salamat kag MABUHAY ANG BELISON NATIONAL SCHOOL GROUP.

Ang nagatugro katahuran sa tanan..

EDWIN L. GALEDO
Batch 83