Antiqueños Community Website - Province of Antique, Philippines

Newest Members

We have 11222 registered members.
Welcome our newest members:

Friday, September 3, 2010

Text Size

Online Members

Support Kinaray-a.com, Inc.

Public Ads

K.com, Inc. 3rd Anniversary Update

Posted by Stephen Louie Ramos Checa
Wednesday, 16 December 2009
Imaw sa mga gairigpat nga mga sulo kag matahum nga mga dekorasyon may angut sa pagsaulog kang mga Antikenyo kang Paskwa, ang mga banderitas kang Kinaray-a.Com, Inc. nagpaindis indis man sa pagtugro duag sa EBJ Freedom Park sa banwa kang San Jose. Kang nagligad nga Disyembre 13 ang mga lokal nga miyembro kang nasambit nga organisayon nangin masaku sa pagpanakud kang amo nga mga banderitas. Ang diya nga lihuk angut sa nagahirapit nga pagsaulog kang Kinaray-a.com, Inc. kang anang ikatlo nga pagsukat halin kang ang nasambit nga website-organization ginpakilala sa bug-os nga kalibutan katong Disyembre 29, 2006 kag nangin sara sa mga nangin bintana kag gawang kang katawhan halin sa guwa kang Antike amo man kang mga tumanduk nga mga Karay-a.Ang Kinaray-a.com,Inc. paagi sa ginikanan nga website, ang www.kinaray-a.com nangin sara sa mga bahul ngaharigi sa pagpakilala kag pagpabugal kang kultura nga Kinaray-a kag kang mga Karay-a mismo sa kalibutan. Ang nasambit nga website nangin darangpan kag nangin parautwasan man kang mga Antikenyo nga nagparayu kang andang kahidlaw sa mga tinaga, lupa kang kultura nga natawhan. Kag sa diyang paraabuton nga Disyembre 29, 2009 uman nga magatipon ang mga Antikenyo imaw sa mga nagparayu nga kapamilya, abyan, kakilala nga mga pinalangga sa pagpasalamat kag pagsaulog kang tatlo ka tuig nga paghugpong kag pagpabugal bilang mga Karay-a sa kalibutan. Kruuhay Kinaray-a.com, Inc...Kruuhayy mga Karay-a! Comments (17) \| Add as favourites (79) \| Quote this article on your site \| Views: 811 \| Read more...

Inisyal nga Plano: K.com, Inc. 3rd Anniversary

Posted by Stephen Louie Ramos Checa

Wednesday, 02 December 2009

May angut sa pagselebrar kang Kinaray-a.com, Inc. kang anang ikatatlo nga pagsukat sa paraabuton nga Disyembre 29, 2009, ang mga miyembro local kang nasambit nga website-organization nagtipon kag naghinun-anun sa pagpasad kang mga aktibidades sa amo nga adlaw tubtub nahuman ang masunod nga inisyal nga mga plano/programa:

Part I: Torch Parade palibot sa banwa kang San Jose – 5:00 PM – 7:00 PM

Part II: Pagtiriripon kag Paginudyak – 8:00 PM – 12:00 MN

Pangamuyo
Pungsudnon nga ambahanun ( with AVP)
Ambahanun kang probinsiya ( with AVP)
Pambukas nga mensahe – Fridy P. Panaguiton, President, Kinaray-a.com, Inc
Pagpang abi-abi sa mga layas nga mga Antikenyo
OKM Performances – OKM Artists
OKM Musical/Theater/Dance Performances
Kinaray-a.com Official Theme Song (with Dance Number c/o local members
Katapusan nga mensahe – BOD
Sinadya

Ang tema para sa kadya nga tuig amo ang “Ang ikatlo nga pagsukat; tatlo ka tuig nga paghugpong kag pagpabugal bilang mga Karay-a sa kalibutan”.

Parehas kang kinaandan, ginkasugtan man nga may mga lamesa nga igabaligya sa venue agud makatipon kang dugang nga pondo ana organisasyon. Para sa mga pamangkutanun makig-angut lang kay Fridy sa 09287480025 okun kay maryluthganda sa 09173371686.

Tatlo ka tuig run halin kang ang Kinaray-a.com, Inc. nagpalayag sa cyberspace, tatlo ka tuig nga naghugpong kanatun nga mga Antikenyo, tatlo ka tuig run nga nangin limug natun sa bug-os nga kalibutan, tatlo ka tuig nga nangin tulay kag dagway kang pagbag-o, tatlo ka tuig nga nangin bintana natun sa atun lupang namat-an sa pihak kang atun pagpanglugayawan sa lugar kang iban, tatlo ka tuig nga nagtipon kanatun agud kita tudluan nga wara run it mas matam-is pa sa kamatuoran nga kita mga dungganun kag mapinalanggaun nga mga Karay-a.

Padayunon ta ang atun gin umpisahan.Kruuhay kanatun tanan!Tubtub sa uman nga pag-irimaway.

Comments (7) | Add as favourites (44) | Quote this article on your site | Views: 401 | Read more...