Buhay2 gid akon pamumdum kung bala masulat ako kadja or hindi. This may bring negative or positive feedbacks from the readers. Pero sa akon panilaynilay nag desisyon gid ako nga ishare sa tanan ang amon na eksperyensyahan as volunteer sa Bulig Antique sa Brgy. Bugo.
KAng July 13 ika 6:30 kang aga nagtiriripon ang mga matandus nga volunteers kang k.com sa gofridy ( past 1 am kami slip kay nag pack pa kami guds) imaw kanday datu sumakwel, prettylee, neonflux, coolshady, artebadong, emo_cute, gigi, iko, mac,single_cute, donna from BCTV, ronni kag ang pinakamasako nga admin si boss fridy kaimaw man kang The Antique Outdoors nga ginapangunahan kang BOD man kang k.com nga si Atty. Pedrina. Excited ang tanan sa pag-agto sa San Remegio bisan mga tuyo kag kapoy na ( 2 straight nyts pulaw kang packing). Sa amon pagbyahe paagto sa Bugo i feel so drained to see the effect of flood. Ang mga intok nga suba kauna kadja naging triple na kalapad. ang mga bukid nga nagtiriphag, ang mga taramnan nga naking lutak na, ang mga aragyan nga di na malat an kung sa diin.
Sa pag abot namun sa Bagumbayan didto na lang hasta ang amon ginsakyan kay indi na kasulod ang jeep sa Bugo. Ang mga matandos nga pumuluyo kang Bugo nga didto sa Bagumbayan amo ang naghakwat kang mga mabug at namun nga dara.
SA nagatagiti nga init (10 am na) nanaog kami sa sapa bag o nga sapa (naghimo na sapa ang nakabkaban kang baha nga panimalay kang Bagumbayan. Ginlaktod namun ang una nga suba paagto sa pihak naman nga suba. Pag abot namun sa ikarwa nga suba nag sakay na kami sa balsa kay taas tana to ang tubig. AY abaw kaharadluk gid magsakay sa balsa kay daw malugdang. (bug-at gid guro ako ay waaaaa) Bahul gid akon pasalamat kay nakalaktud man kami sa pihak nga la man kami nalugdang. Abi namun pagnakatabok na kami sa suba jan na ang Bugo ay aguy puerte pa tana gali ka rayo ang amon panawun. Imagina lang ninyo ang kainit nga gin suray namun paagto sa skwelahan kang Bugo. Wara gid kami mga dara nga jacket or payong man lang for protection sa init ( di kmi girl/boy scout hehehehe) baw salamat lang gid kay si iko kag boss fridy may dara jacket and they r gentleman enough nga pahuram kanamun andang mga jacket para di lang kami mainitan.Samtang gapanaw kami kag bisan may jacket pa kami (share kami ni prettylee, neonflux sa 1 jacket) kaimaw kang mga taga BUgo nag ala korina sanchez ako nga naga interbyu kananda. Naga pangasubo gid sanda kaistorya sa natabo nga flashflood maumpisa pa gid sanda sa puno. la pa gani kuno sanda ubra may trahedya pa nag abot kananda. Pasalamat man ghapon sanda nga adlawon natabo ang baha nakasaka sanda sa bukid kay kung gabii kuno natabo to laban2 patay sanda kay gulpi/dasig ang pagsaka kang tubig.
Mayad lang nalingaw kami interbyu daw sa wara lang ang kakapoy kag kainit nga amon nabatyagan sa kalawid nga paranawun. Pag abot namun sa skwelahan didto na ang mga tawo gahulat kanamun. nagpain si Boss kang mga guds para sa Sinundulan kay after sa Bugo masaka kami sa SInundulan. Tnan halos sa Bugo totally damaged gid. La gid kami nag xpect nga double pa gali sa listahan namun ang amun tugruan dapat. mayad lang nagpasobra kami dara nga mga guds tanan natatapan tugro. Samtang nagatugro kami kang relief goods nag amat2 dulom ang kalangitan kag gulpi lang nagbukbuk ang uran. ay abaw sa akon kulba kay nabatian ko ang mga tawo nga basi magbaha kuno liwat o kun di gani mataas pa gid ang tubig sa suba gapaminsar ako basi bala haw di na kami makauli pero cg man ghapon panagtag as i silently pray nga mauntat na ang uran. Cguro good girl man gid ako (hehehehe batuna nyo na lang) nag untat ang uran si Boss, tonzie kag ronnie nag proceed sa Sinundulan kag kami nagpabilin cge man ghapon sa panagtag guds hasta mag 1;15 pm. nag igma kami kang dara namun nga kan un kag sardinas after kaon balik na kami sa bagumbayan kay didto na lang namun hulaton kanday bossing. pabalik sa bagumbayan naging enjoyable experience na kanamun kay la na init and la na kami nagsalop hehehe.
naghulat kami for about 4 hours kanday boss ang mga tawo sa bagumbayan naghambal kay badong kung andut ginsugtan namun ang amun mga imaw maagto sa sinundulan nga duro NPA kag delikado gid nga lugar. Ay abaw syempre ang lola nyo nagkinulba pero di bala no one can beat God nagpray gid ako nga makita ko gid bisan haron da lang sa pihak suba. nagparayo lang ako sa mga imaw ko para di man sanda magpanic. hapon na to nga daan and usually hapon kuno gatira ang mga NPA after pira ka minuto nakita ko man gid andang mga haron sa pihak suba ay abaw nabunutan gid ako kang tunok kay jan na sanda. duro man andang tsika pag abot da sa Bagumbayan. hayzzzzzzz at last makauli na kami kumpleto na kami.
Sa pagpauli namun I thank God kay kami la naapektuhan kang baha kag kami naging instrumento kang manami nga causa para sa aton mga kabugtuan sa Bugo kag Sinundulan.
Bahul gid amon pasalamat sa tanan nga nagsuporta sa BULIG ANTIQUE
Sa mga Antiquenos kruhayyyyyyyyyyyyy
Kruhayyyyyyyyyy Antique
Kruhayyyyyyyyyyyyyy K.com

...hehehhe..well said Korina..wahhhh....la na ko ma say...basta ako HAPPY...

Kruhay Kinaray-a.com!
Salamat gid sa inyo tanan nga mga voluntaryo sa amo nga mission sa pagbulig sa mga naapektuhan kang bagyo Frank. Makita man gid sa mga letrato ang inyo pagsakripisyo makatugro kalipay sa tanan kag ra ay buhi sa gihapon sa kaisipan kang tagsa ka kabuhi kang mga tawo nga inyo ginbuligan. Ang atun Mahal nga Dios magpadayon pagpakamaayo sa inyo nga tanan!!
Padayon sa Bulig Antique!

baw ah,na touch guid ko bah..nag tururu guid ang luha ko samtang ga basa kang wrote mo mam mary,we all proud of you kag sa tanan nga nag volunter. sa time nga dya few nlang ang tawo nga prehas kninyo,handa mag tikang2 sa baha ka suba,mag pa init saka sa bukid ma panagtag lang sa mga tawo ang kinanglan nanda.bisan pulaw kag lapyo lawas nyo,cgi lang basta mka abot guid sa agtonan..... god bless you guid kninyo always,kabay nga di guid kmo mag arak roy sa pag bulig sa mga tawo nga ga kinanglang kang hamili nyo nga bulig..i'm proud to all of you kag sa k.com.......always dyan pag kinanglan....mwaaaaaaaaaa tnx boss fridy,maryluthganda,datu_sumakwel,prettylee,neonflux,coolshady,artebadong, emo_cute,gigi,iko,mac,single_cute,donna,ronni. more powers,gud luck en god bless.....

Ma'am Kureng.. este Korena, salamat sa imong pakipagbahin kanamun kang inyong mga inagyan bilang volunteers sa Bulig Antique para sa atun mga kasimanwa nga nabiktima kang trahedya. Kag kabay nga sa dya nga paagi makatugro sanag sa mga parehas ko nga marayu kag wara makamaan kon ano gid bala ang matuod-tuod nga mga hitabo rugyan sa atun.

Ma'am, ang pag-volunteer hindi lahog-lahog nga obra kapin pa kon ang misyon amo ang pagbulig sa mga tawo nga rapit sa atun tagipusuon, in this case our kasimanwas. Amo ra nga gina-encourage ko kamo nga i-post ang inyong mga inagyan ukon experiences para maman-an gid namun ang tuod nga setwasyon. Based on the pictures that you guys have posted bisan ako daw indi gid man gani magpati nga nabudlayan kamo magtuman kang atun misyon nga magpanugro relief goods. But through your own account I now believe how difficult and dangerous it is to be a volunteer... all because of your love to mankind.

--

Uran kag init ang amon ginsuray,
suba kag pang-pang amon ginlatay,
gutom kag uhaw dapat ipaiway
hay rugto sa pihak duro gid ang malipay.

Sa amon pagtabok sa suba kang Tipulwan,
wara ginpanumdom ang delikado nga maabutan,
ang gunos ka tubig amon ginlipatan
para ang bulig makaabot sa mga natungdan.

Kulba kag hadluk nadura sa paminsaron,
dangat sa binukid dara ang mga pagkaon,
bitbit ang relief goods hay budlay tibungon,
balhas kag kakapoy tungod sa misyon.

Sa mga donors duro gid nga salamat,
ang mga volunteers bahala managtag,
nakatugro bulig ang dya nga hublag,
Bulig Antique atun isakdag.


KRUHAYYY ANTIQUE!!!

mam mary i salute u and the rest of the group. more power to u. kabay pa nga padayon magtao ang GINUO ka grasya sa mga tawo nga nagabulig sa mga nagakinahanglan.

dapat gid kamo icongratulate ky despite the fact nga delikado nga inyo mission gintigayon gid ninyo nga ja tumanon.