manang con kag Nang Jigs duro gid nga salamat sa eksplinasyon nyo..duro nadugang sa bukabolaryo ko..Padayon lang kay padayon amon pagtipon sa mga tinaga nga rapit ron madura kay bangud sa sobra ka busy namon, imbes mitlangon ang amora nga mga tinaga.. ang bag-o nga henerasyon tama ka tandos mag KINALISH ( kinaray-a kag english)..

Mayad lamang hay rodjan kamo, nagapadumdom sa amon. Ang original nga hambal para ang mga sunod nga henerasyon makamaan man...

Indi naton pagliwanon ang natabo sa lenguwahe ni hesus..kay nadura to.. tanan gusto mag-english ron..Indi paglipatan kag ipasa ninyo man sa inyo kabataan..Mayad lang kay rogya si manang..nagpadumdom sa aton..

Pamangkot ko abi, Ano ang pinakahusto nga gamiton kun mag hambal kang may ROGYAN KAG RODYAN ( R kag D lang ang kaibahan ka ja???

Jigsz:
Duromalpug - subra ka duro nga orobrahon indi marapal ka obra sa sangka pag-obra lang. Pwede ria gamiton bisan sa ano lang nga bagay. Halimbawa: problema ko nagaduromalpug. Nagaduromalpug ang bahaw wara ti nagka-on.
=====================================================================================
tiger_dao77: Salamat sa imong pag-apresyar kang Kinaray-a nga Hambal.

rudya or rigya -meaning here

rudyan or rugyan-meaning there (not too far away)ginatuhoy sa butang.

rodto or rigto -meaning there (is far away)ginatuhoy sa lugar

Ang spelling lang nga D & R ang nagka-iba pero parehas ang kahulogan. Pareho ria nga ginagamit, hay ang kada banwa may kaugalingun nga tinaga nga ginamitlang gamit sa linguwahi.

............................................................................................

Tinaga:

ingud -means neighbor, sa sunod nga mga ingud, ginatawag nga iningud -neighborhood

tupad -means a person next to you, tupad is more on Personal relationship or family relationship. Kon may nagmasakit, sami nga mabati-an: Salamat sa bata ko rodyan sa akon tupad sa pagmasakit ko.

Tupad -meaning infront of...okon ginagamit sa paratandaan. Halimbawa, ipundo mo ako sa tupad kang Akasya.

Nagadepindi sa tinor kang hambal kon ano bu-ot na hambalon sa paggamit kang Tupad nga tinaga para maman-an ang anang kahulogan.

................................................................................
Ang mga tinaga:
gabaw-------"trade in" bayluhan ka same thing man plus cash eg. karbaw
ibayluhan mo ka tinday kag madugang lang ikaw ka cash kon
magsugot ang tag-iya.

kagaw--------virus ukon "aro" uri kang sakit.

singkaw-------gawa sa kahoy nga pakurbada anang korte kag ginagamit ria sa
karusa,amo ria ang ga sab-it sa leog ka karbaw para
matakdan mo
ka karusa ukon ligis.
bugtaw---------wake-up ukon gising.

tingkaw---------touch,kuhit,kaptan,ukon mitir...

kawkaw-----------ginagamit ja tana nga word sa mga liquid nga bagay ukon
sa mga pagkaon eg. kon gina gamit mo imong tudlo sa
pagpurot ka pagkaon ti may ma kuon gid kay nimo ka ria
nga di ria pagkawkawa nali mapan-os kutsaraha.
burlakaw---------"meteor" daw kilat nga gulpi lang ga siga kag ga dura
dayon nga daw pisuk lang kadasig. daw igpat lang
ka ipot-ipot.
buraw------------"selfish" gina solo na lang bala haw kon ano ang may jan
tana
wara na gina share.
baraw------------color ja nga term ginagamit lang sa color ka bulbol ukon feather
ka manok.
dungaw------------kon sa bintana kaw nga taas kag may ga nanawag kay nimo
sa dalum ti ma dungaw kaw gid sa bintana para makita mo ang
gapanawag kay nimo.
karawkaw----------ukon 'kamoy' ang damang labog karawkaw na ukon kamoy na.
pingkaw-----------'kumang' sa tagalog kon nakadagpa ikaw kag nabarian kaw ka siko
ti mapingkaw gid ria kon di mabalik sa kato na nga ayos.
tungka-aw----------kon gaduko ikaw hal. naga sulat ikaw ukon ga panahi tapos
gulpi kaw tawgon ti matingkaaw gid ikaw ka ria para maturok kon
sin-o na nag sinabad kay nimo.
bataw-bataw----------***dunno da meaning huhuhu help me please di ko ron
mapinsar ja.
[/quote]

trishiegirl: Duro gid nga salamat sa imong Amot. Nami nga nabutangan mo kang kahulogan. May idugang lang ako.

Tingkaw -another meaning nagapanghilabut nga bukon ti ana.

Takaw ----meaning is steal. Nagapanakaw okon takawan. Ginabuul ang ano man nga butang okon propidad kang ibang tawo pinaagi sa palikum, pagpatalang, okon pagpatalikod.

Kawkaw----naghalin ria sa tinaga nga TAKAW. Kon ang tawo nagapanakaw,
ginatawag nga takawan, magnanakaw, nagapangawkaw okon kawkawan.

Takab ----nag-umpisa ria sa Ayam nga nagapanakaw pina-agi sa panglongkab kag mag-angkab ka karne kag ipalagyo. Ti, ginagamit man ria nga terminoliheya sa tawo nga nagapanakaw. Ginatawag nga takab tungod hay nagapanglongkap kag magbuul nga bukon it ana.

Kamkam ----- another word of Thief. Naghalin ria sa Kalam it Alima. Ang mga tinaga nga kamkam okon kamkaman, nagapamam-ul nga wara makamaan ang tag-iya.

Kawti ----- another term of the word thief. Ang kawti nag-umpisa ria sa Koti nga nagapanakaw kang dapli. Kon ang kuti gutom nagapangawti. Kalabanan dya ginagamit nga tinaga sa mga bata nga nagapangu-ot kang tinago ni Nanay na. Nakakahanabo dya sa sulod balay. Naga-guul nga wara paglisinsya.

Koot ---manami ria nga tinaga. Kon may buho ginkuot ang kagang, parehas kang kuron bilog gamay anang baba, ti ginakoot anang sulod.

Ang tinaga nga koot nahimo nga sala/sayod kon ang motibo sa sangkatawo magpamintaha sa anang kapareho. Ti, mahulog ria sa Mangongoot.

Ang words nga STEAL/THIFT duro nga lingwahi: Takawan, Kawkawan, Takab, Kawti, Kamkaman, kag Mangongoot (pickpocketer) Manoghablot (sway take)

Dugang lang kon may naman-an pa kamo. Salamat

=====================================================================================

Bataw-bataw ---to Keep an Eye. Parehas ria kang lantaw-lantawa anay ang bata.

manang cons, salamat sa word nga Dihok -dihok! nagamit ko gid kaina mong sa paghambal kag pagsulat. may dugang sa akun utok...i need more input!

Nadumduman ninyo dya nga mga tinaga. Bulig kan tugro kang kahulogan. Parti dya hulag kag purma kang linihukan.

galihuk
gakalihuk
gamokra
gamurarat
gadihok-dihok
gahulag
galigid
gatuyub
galiso
gabaliskad
gadapyos
gadalin-as
gakaya
gatuwad
gatiwarik
gatisok
gakapyot
gatumpok
galu-ay
gatingig

...........................................................................................
Mag-amot kamo kon may rudya pa nga dumaan nga tinaga.