SUgpon man ko bi

Tambi

Banggerahan ( uso pa dya ayhan kaja ? hehehehe mangkot lng ko ah daw laban ron kaja wara ti banggerahan kag tambi bay )

Ramay-ramay
Tosmaw

amo lng rian anay akon amot

trishiegirl: Salamat gid sa Amot mo nga mga tinaga. Husto man ang imong panghangup ka dya,koribung,koritot,kuroykoy,kurukutuy,sikrotoy.

Ang katitiya -meaning wara magbahul. Kaparehas kang baka may edad ron pero daw tinday lang gihapon lantawon.

yuhot- binangto nga wara hingan maraha kag kan-un mo mayuhot

tiskog -bayo kon maamidulan nagatiskug

sag-a -ang bobon kon malubug ginasag-ahan para magsinaw ang tubig.

lipak -inutod nga kahoy okon kawayan nga pwede mabari

kabug -amo ria ang another name kang Kolaknit, nagaka-on prutas

binlud -ang bugas nga narugmuk nahimo nga binlud

karay -dahon kang niyog nga nag-uga nahimo nga karay, sulidap nga atup

paklang -puno ria kang dahon naga-angut sa tanum, may gamay, may bahul

pasi -pasi paray nga wara malig-as sa bayo, paray nakasamo sa bugas

langkawas -daw lu-a ria pero makakahang ginabutang sa langgaw nga sinamak

dupol - amo ria ang habul, okon bukon ti tarawis, lapis nga dupol

tungaw -kon sana-aw mata mo makita ang tungaw, nagasal-ot sa iruk

.................................................................
Tambi -iningud. Ang tambi kang Antique amo ang AKlan kag Iloilo

tambi -sarampahan ria kon magsaka sa hagdan para panghugasan kag kahig
tambi-pwede sa pronte nga gawang kag ang kalabanan sa likod nga gawang kang balay. Sa balay lang ria nga kawayan okon kamalig

Ramay-ramay -kon bag-ong abot ang tawo halin sa panglugyawan kag nag-improbar ang pangabuhi. Ti, ramay-ramay gid tana. Hay nakadilantar sa lisod nga kahimtangan.

Tosmaw -meaning dip

Salamat gid sa inyong Amot...

..................................................................
Tinaga nga: doromalpug

nang cons... madugang lang takun hambal na i just told tita jigsz kag anne na daw living/walking karay-a dictionary timu ba... lipay lipay man ako gani kay gatuon man ako kanimu.... pahapyaw lang man tana ang madalum ko na mga karay-a mung.... kung anu lang namat an sa sulod balay t amu lang man ra akun naman an...

may ja ako list of words na akun na intindihan man pero gusto ko na masabat man daad ja nimu nang cons... salamat...


ba yu
ga ang
ga ak
us mud
us lu
til ak
lanit
bagring
hirama
tadyaw
takurong
tikud

bayo-meaning pounding the rice (Lusong kag Hal-o)pwede mag-asud

bayu -clothes okon panapton, kon panapton wara matahi- tila

gaang -ginahapyaw ang dahon sa ibabaw kang baga para maglu-ok

gaak okon garaga-ak -kawayan ria nga naluma

usmud -ang lupa kon may gi-ab anang ubus naga-usmud

Another term kang Usmud -kulpa

uslu -nagguwa lang nga wara ti pwersa.

tangsu -nagguwa tungod sa pwersa, tangsu ang sip-on hay gin-sunga

til-ak okon til-ok -meaning choke nadunlan ka, nasaraduhan ang air pipe

lanit-lanit meaning ang karne nga wara ti tambok puro lang lanit-lanit. Puti ria nga parti sa karne nga nagahulat kang nutrients sa lawas magsulod

bagring -ang huni magbatian sa talingan kon nalapasan ka gutum. Sharp sound kang ispading or lagari kon makablit

bagrong -huni nga naga-agi, kaparehas kang lagong nagapagrong, ang eroplano nagabagrong

hirama -meaning nagapangapkap kon dulum. Ginahiram mo ang kutob kang madab-ot mo sa pag-tanda kon ano ria. Kon nagabatang indi pagpanghiram. Hiramon mo hay dulum kon rodyan ron sa pwesto na. Panghiram -physical abuse ria kon ang motibo nagapanghimulos

tadyaw -bunga nga ginapunduhan kang tubig, ginasarok wara it gripo

takurong or talukdong -panyo nga lapad bugkos sa ulo para proteksyon sa init ilabi na kon siriik ang init sa taramnan.

tikod -ang buol ria kang sapatos. May mataay may naba, kag ang iba wara ti tikod. Kon hangpun Tukod sa sapatos para magtaas okon naanad ron nga may nagatukod.

Salamat gid Psyche. Husto bala ria nga translation? Pwede nga elaborar pa kon indi nahangpan.

wow nami dya ma-review ang mga tinaga. salamat gid consoling duro man-an ko ba.

doromalpug - amo dya ang ginahambal kung mga butang bala nga natambak lang sa kilid kag daw nagparan-us ukon nagbaraho? for eg mga bayu nga ralabhan wara nalabhan buhay run ?

Jigsz: Welcome gid. Kon may mag-Amot pa kang duro nga tinaga ma-refresh kita tanan.
.....................................................................

namja: Ang Banggera, Tambi kag Sariri -uso pa ria tulad kon ang balay kawayan. Indi ria madura nga kinaiya sa pag-uli rodyan sa uma.

Kon ang balay nga kawayan gina-sugpunan, amo ria ang sariri nga ginatawag.
Para magwayang ang lugar sa balay.

Ang balay nga kawayan may Siklat ria para magpugo ang mga manok. Kag nami i lantawon ang balay kon may siklat.

Ang banggera kalabanan wara ti lababo, amo ria burutangan kang Pinggan kag Banga nga de gripo.

................................................................................
Ang mga tinaga:
gabaw
kagaw
singkaw
bugtaw
tingkaw
kawkaw
burlakaw
buraw
baraw
dungaw
karawkaw
pingkaw
tungka-aw
bataw-bataw