Sadya! Karadlawan! Karilibug! Sangka semana gawa ligid-ligid ko panumdum ka pormal (gawa) nga lubad ka bra kag briefs bah.

Para kanakun ang BRIEFS - bahag-adi. Lantu ta run ang bahag. Ang adi is priceless asset patas abi ka hinuptanan ta. Gani, ang bahag-adi binag-o nga bahag agud halungan ang atun adi. Nami man tonog na.

Ang garment sa kinaray-a Lambong. Bilang undergarment mahimo sogponan ta ja ka kinaray-a prefix nga BA meaning naidalum kag mangin Balambong. Ang bra gamit pang-support. Ang dali madumduman nga mga kinaray-a anggid sa support amo ang tokod, tolod, salod, dohol, tib-ong, solay. Tungud nga ang solay may tinaga nga SO kag ang LAY kinaray-a suffix holog sa up and secure mahimo nga ang BRA - Balambong solay o Lambong Solay run lang, may pagka ethnic ang dating. Mahimo man nga Salodughan, sinogpon nga salod kag dughan.

Ano kaninyo? He, he, he. Daw may ponto no?

Aba daw ayos ria Kalagoma hay may explanation pa..kag very ethnic and it makes sense..madalom pamatian..

Wew! you're the man gid nong bernie. daad matuhaw man dya si noel tabotabo para may bulig ikaw magtudlo kang atun linguahe.

Kon sa akun lang mas mayad nga magpabilin dya nga brief ukon bra or parehas kang ginhambal ni Manie nga Brif or Bra bangud dya hinuraman nga tinaga kag nangin kabahin man kang atun pulong kag naangdan run nga yadto nangin madali sa atun komunikasyon. Dynamic ang pagsanyog kang sangka lengwahe kag abay rugya ang pag-adapt kang mga tinaga sa anang ginhalinan nga lengwahe. Parehas man bala kang Papaya sa Ingles nga wara da run ginaislan bangud bukut dya duna sa mga Englis-speaking countries parehas kang Brief kag Bra nga wara man kauna rugya kang tyempo kang atun kamal-aman.