Salamat gid sa Amot mo Lily. Importante ria nga mga tinaga.

lily wrote:

QUOTE:
anu ang tinaga nga purugi-ot kag naugot -ugot ukon akig sara lang ran?

Ang tinaga nga Purugi-ut is translated to up set, unhappy, and disturbed peace
............ang resulta naga-desplay kang ugali nga: nagakimud, nagakusmod, nagspaminghal, nagapanggasud, nagapadalung, nagapadugpadug okon ginabunsad ang kahig, papangbinggar, nagapangudut kag ang iba nagasungon anang buot

Ang tinaga nga naugut-ugot is an expression of being up set or slightly angry...........ang resulta kon ka-isa ang natungdan gapa-utwas, gakonpronta, gapanghusisa kag ang iba indi mabugno.

Ang tinaga nga Ugut - meaning Angry
Ang naugut-ugut = meaning slighly Angry .....bukon gid ti matood nga naga-kaugut

Sangka tamanyo lang ri-a ang Purugi-ut kag Naugut-ugut
Pero nagadipendi sa tawo nga natungdan hay may mga rason kon andut sa ano nagresulta sa amo karia nga ugali kag baratyagon.

Ang remedyo sa problema amo nga:
Nagakinahanglan ria nga i-ulo-ulohan, tawgun sa malolo nga panglimog, sagdahun nga magkaon, ipa-athag ang kabangdanan, nagakinahanglan nga mapauli-an ang bu-ut, ginapasaylo sa kalapasan kag ginahangup para magbalik ang paghinirupay kang tanan.
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
Kon ang pagpaathag sa kahologan kang tinaga nga dya kulang, pwede ninyo dogangan okon i islan.

Kag kon may mga pamangkot pa kamo sa Tinaga nga talagsa lang gina-usar, i amot lang hay boroligan ta kahubad.

consoling; ang bitíbití amo man ginagamit kon magsanglad kang paray o kon maís ginahambal naton naga bitíbití,ang hune kang paray o maís nga gina sanglad nagabitíbití.correction mo lang kon sala ang diya nga word. thanks

Salamat sa amot mo NengFe:

nenengfe wrote:

QUOTE:
consoling; ang bitíbití amo man ginagamit kon magsanglad kang paray o kon maís ginahambal naton naga bitíbití,ang hune kang paray o maís nga gina sanglad nagabitíbití.correction mo lang kon sala ang diya nga word. thanks:kiss:

Husto ria NenengFe ang imong paathag.

................................................................................................
May idugang lang ako:

Parehas kang nagabangto, nagabiti anay ang mais kon makabatyag kang init, Kag magpisik kon nahimo nga butibuti.

Ang biti - reaction ria sa ka-init kang kalayo sa ginasanlag nga lab-as nga paray okon mais. Reacton sa panit kon masirakan kang nagasiriit nga init sirak kang adlaw umpisa alas 11:00 sa aga hasta mag alas 3:30 sa kahaponon.

Ang bitibiti - pamatyagan sa dila kon nakahangan kang katumbal okon nagabitibiti sa kakahang.

Ang bitibiti - nga irumnon -nagbiti sa dila tungod hay mataas ang templa kang alcohol sang sa bino. Pwede ma sindutan kang kalayo. Amo ria nga nagasunog ang baga kang tawo nga naga-inum kang bitibiti. Amo ria ang ginatawag nga Alcohol Abuse sa lawas.

Sa atun pa ang Biti - kon i hubadon sa english Spark pero indi tanan nga kaso, nagadipindi sa paggamit kang tinaga.

Iba iba nagahambal "nagabiti ang agi na" magpatungud sa agi kang hampak kang gagmay nga bagay parehas kang siit ukon tunuk kang salabay.